نفس الصخول نفس التيوس
يعني ماجاي أصدك نفسي من صدك أكو أعضاء متفائلة بنتيجة الأنتخابات؟؟؟يعني معقولة محد سأل نفسه هو شنو الي تغير يعني أشو هما المرشحين مثل صايات الدومنة من تقسمها على أربع لاعبين ...كلما تخبطها يتغير توزيعها بس هي ثابتة..نوبة الدوشيش عندك نوبة عد خصمك يعني
(نفس الصخول نفس التيوس)زين شنو الفايدة بعد من أنتخابهم.. شنو يعني بس آنا أشوف نفسي مظلومة بي يا أنفصام شخصية لو أقرا الأخبار بالمكلوب...فهموني أشو كلشي مجاي أفتهم ..أتمنى لو العالم ماتروح حتى تنسحب الشرعية من عدهم ...وأذا راحت العالم وانتخبت راح أشوف هذا السيناريو
1_ مراح تشكل حكومة ورى حتى ستشهر يعني جرجرة
2_ فراغ أمني3_ اذا تشكلت حكومة فمعناها توافقية (أنطيني وأنطيك)
و4و5و6و7 وتاليتها تقفل بالهبياض ويموت الدوشيش بيدينا
في امان الله
