حوار بين حبيب وحبيبته بالدرامي

الحبيب
مزدودة كــل الطرق صبات واســلاك
عبوة تحــط بالدرب صدكني اتعنــــاك


الحبيبة
عبــوة احطلك بالـدرب وازرعها انـي
تدري شوكت تنفجر من كلبي ينسانـي


الحبيب
الكلب ماينســاك جيـف انــت دمـه
الجرح لو بـــي فاض ياهو اليلمـه


الحبيبة
الجرح لو بـي فاض اضماده اديه
والجــرح لـــو ينشـــال انكلة بيه



الحبيب
شتنكل جرح عاكول وتحطة يمـك
ربع العليّ لو بيك يتلاشى جدمـك


الحبيبة
فدوه تـروح اشلاي صدكنـي لجلك
لو انت سـل بالروح هــم مـا أمـلك


الحبيب
ادري تحبني هواي بس اني اكثـر
بلحلم شفتك طيف وخايــف لتعثـر


الحبيبة
بلحلم انت هـــواي خايف عليـه
اشحـــال لــو بلعين تلمس اديـه


الحبيب
لو شفتـــك انــه اليــــوم ثــــق مااعوفك
ساعة اصفن عله العين وساعة بوصوفك


الحبيبة
اشدعوة ساعـة هـواي تصفن عالعيـون
من توصل الخدين .. والحاجب شلــون


الحبيب
بالوصف حــاير ليــش .. وصفــك يتعب
هذا انه حالــــي اعليك بالوصــف داحب


الحبيبة
عـــوف الوصــف يهـواي صدكني احبـك
مــــن كثـر ماانــــــــه اهواك مرات اسبك


الحبيب
سبني شتسب اهـــواي انــــي اريـــدك
اتمنى انــــــه دمـــــاك ومعيش وريـدك


اخر شي ملت الحبيبة وكلتله
على اهلي يمتى تمر وتخطبني فضها
كل مـا تمر ايــــــام ايــدي اعضـــها


الحبيب
لتعضعض ايــــدك ليش جـايـلك اني
بزفتنة احنة الكــون .. يطرب اغاني

منقول

اتمنى تعجبكم

تحياتي للجميع

محاورة رائعة اخي الامير
دوم التالق والتميز بهذا الابداع
دمت بحفظ الرحمن
تحياتي
اخوك الامير

مشكور اخي العزيز امير على المرور الجميل
منور الموضوع
تحياتي الك

روعه حبيبي الامير
عاشت الايادي على هذه المحاورة المتميزة
تحياتي وتقديري الك
مع اطيب الامنيات

شكرا عزيزي على هذه المحاورة الجميلة.تقبل مروري.تحياتي.

مشكورين حبايبي على المرور الجميل
منورين الموضوع بتواجدكم
تحياتي للطيبين