بيني وبين نفسي اشكد افكر بيك

بيني وبين نفسي
اشكد افكر بيك
واكول اشمعنى انت.. الشاغل اضنوني
مو اول عشك خاطر
تشل الحال
ولا اول جمال اتشوفك.. عيوني
****
شجاها الروح
يمك ذبت اسرار
وليش ارجف عليك ..وينخطف لوني
وحتى الناس
كامت تعرف بهل الحال
وما اعرف.., شكلهم من يسألوني
يطبون بصفنتي
وعنك ايدورون
ويلكوني افكر بيك... يلكوني
****
وصاحت كلها صاحت
انت بكت افلان
وما عندي لكوك.. وبيك تهموني
تهموني
بمحبتك والله لو يدرون
على ضيم العلي.. ايضل يواسوني
****
ما يدرون عايفني
بمهب الريح
وانه وياك.. عفت الما يعوفوني
****
يحبوني اشكثر
والجيتي ايتانون
واخجل من كثر ما كام... يتانوني
وانت تحبني
اشلون بالله وياك
امرن بيك...، ما امر باليحبوني
****
عفت الي شروني
ومن ارد اشلون
هم اسوة بعد... والنوب يشروني
حبيتك شجاني
وما حسبت احساب
خيعونك علي... مو انة خيعوني
****
تحبني.. واحبك..
والمصيبة انوب
اريدك وانهزم.. من اليريدوني
ومن دونك صرت
ما اعيش وي الناس
وانت بكل سعاده... تعيش من دوني
باحزانك
اودي دموعي تبجي وياك
وبافراحك
ابد ماتذكر اسنوني
****
من سمعو اهلنة
العشك دك الباب
ما خلوك اهلك ...واهلي ما خلوني
ما خلوك اهلك
حكهم يخافون
بس اهلي المحبتك ..شلع باعوني
وبس اهلي المحبتك .. شلع باعوني

عاشت ايدج سهر على الكلمات الرائعة
دوماً نحو ألأفضل لا عدمنا الله ها البريق
بأنتضار جديدكي
تح ـــــياتي وتقـــــــــديري
/

بيني وبين نفسي
اشكد افكر بيك
واكول اشمعنى انت.. الشاغل اضنوني
مو اول عشك خاطر
تشل الحال
ولا اول جمال اتشوفك.. عيوني
****
شجاها الروح
يمك ذبت اسرار
وليش ارجف عليك ..وينخطف لوني

جميل ما سطرتهِ هنا

كلمات مؤثره

شكراً من القلب

مودتىى