المايحبك لاتذب روحك عليه ولاتمر فد يوم يم ابوابه
المايفگدك بالعسر يسال عليك ومايحسبك يوم من احبابه
ماكو داعي تفگده وتسير عليه ولاتامن بي يهد چلابه
اخذ حكمه من العبر گبلك سنين وشوف طگات الزمن وصوابه
شوف بيت الينفرش وسطه صماط ابد مايفرغ من الطلابه
الناس عاللگمه ولك تركض ركاض ومن وشل صارت ثنيته ترابه
وسفه والله عالزمن غير الناس وبالطمع ضاع الاخو وماجابه
فرق الدنيا على يمين وشمال والمصالح صارت من اسبابه
ولاتخليني اشگ كل اليراب لان صارت صحبتك چذابه
چنت امر عليك تنهضلي وتگوم تگول اهلا بالاخو وحيا به
گلي شنهو الصار بيش تغيرت تفر وجهك تلعب بلعابه
چان دولاري اله سمعه وصيت وچان صوته عالي كالخشابه
وهسه من دار الوكت عندك فلوس نسيت دولاري ونسيت اطيابه
مو گلتلك هالزمن مابي صديچ وانت منهم حية منسابه
<!-- / message -->
