رد: منى ابوذيه ومنك ابوذيه
بارك الله فيك اختي الغالية
فكرة رائعة
نتمنى من الاخوة التفاعل
واني راح اكون اول المارين على فكرتك
صرت منخل لجل ربعي ولما
وطبعهم ماي ماينلم ولما
شلتهم طاحو كبالي ولما
طحت ركضو خذو ثوب العليه
شكرا" لك عزيزتي
نتمنى لك التواصل
مع فائق مودتي
رد: منى ابوذيه ومنك ابوذيه
حبل وصلك عكته اسنين منحل
ابعون اللة قوي والحيل منحل
صرت انه الزماني اليوم منحل
العسل الهم ونة اللدغات بية
تحياتي
رد: منى ابوذيه ومنك ابوذيه
شكرا لتواجدكم اخوانى
مشيت وشوككم عتنى وردنى
مسحت الدمع بجفوفى وردنى
اذا مكتوب من عدكم وردنى
مثل ميت ترد الروح بيه
تحياتى
رد: منى ابوذيه ومنك ابوذيه
طحت لا حيل بية اكعد ولاكوم
ولا خوان فزعــــــــــــولي ولا كو
ولانة بصلح وي وكتـــــي ولاكوم
ارضيه ويرد يزعل علية
رد: منى ابوذيه ومنك ابوذيه
ترف بيام وصلك جنت مسعود
وهسة انة من الهجران بس عود
يزي يزي يا شريك العمر بس عود
ترة من اتعود روحي اتعود الية
مع تحياتي
رد: منى ابوذيه ومنك ابوذيه
ثوب الحزن بفراكك لبسنه
وثكيل الطبع طبعه لو لبسنه؟؟
ولك خدك ماوصلناله لا .. بسنه
تزعل ليش يمدلل عليــــه؟
رد: منى ابوذيه ومنك ابوذيه
روحي وياك ماتكطع وصلها
وتفرح لو خبر منك وصلها
تظل انته نبع المحبه واصلها
وتظل رغم البعد غالي عليه