يعباس يعباس انسلب خدري يعباس

يعباس يعباس انسلب خدري يعباس


صحت يا سلوة العين يخوية غيبتك وين


انسلب خدري يعباس





يازينب عفت اعله النهر مطروح


وعفت يمه دليلي والنظر والروح


گومي وياي يختي للچفيل انروح


نبچي اعليه ويه ام الحسن وانوح





چفين چفين شفت يم جوده چفين


وتكسر ظهري نصين يخويه غيبتك وين


انسلب خدري يعباس





عفت يمه الزچيه وحيدر وامه


وشفت امي الزچيه بمنحره اتشمه


وتشم بچفوه خويه وتندب بأسمه


والكرار شفته تخضب بدمه


يناديه يناديه گمر هاشم يناديه


وفيت الزينب الدين يخويه غيبتك وين


انسلب خدري يعباس





وصاني عليچ بأخر الانفاس


ابو الغيره يزينب صاحب النوماس


بخدر زينب يگلي خويه لا ينجاس


وگلهه الموت فرق عنچ العباس


يهم بيج يهم بيج ابو الغيره يهم بيج


فدالج يسره ويمين يخويه غيبتك وين


انسلب خدري يعباس




شوصفلج يخويه شلون من شفته


ووسط حجري جفيلج خويه وسدته


يتمتم جان بسمج وحين قبلته


امانه يصيح زينب اسمع بونته


ينوماس ينوماس صحت ابشر ينوماس


اجيب المثلك منين يخويه غيبتك وين


انسلب خدري ينوماس





وديني يخويه للكفل خدري


عگب عيناه ما ريدن بعد عمري


اظن عباس خويه بحالي مايدري


وما يدري بأمية محزمه اليسري


احاچيه احاچيه اريد امشي واحاچيه


يتامه احنه ونساوين يخويه غيبتك وين


انسلب خدري يعباس





لبو الغيره اريدن اكصد بهمي


للعباس كوم وياي يبن امي


اريد اشجي مصابي والدمع يهمي


لخو زينب اريدن اعتني بهظمي


يعباس يعباس مانه اختك يعباس


يكاسر ظهر الحسين يخويه غيبتك وين


انسلب خدري يعباس


للعيله شجاوب من يسئلوني


عمنه وين شكلهم يا ضوه عيوني


شيظن بالكوم من عكبه يرحموني


والارض الشام يا خويه يودوني


يتاماك يتاماك بكت تنشد يتاماك


تجاوب دمعة العين يخويه غيبتك وين


انسلب خدري يعباس

الله الله هسه تمام تسلم على الاشعار الحلوه تتنظر المزيد شدوا الهمه

<!-- / icon and title --><!-- message -->اللهم صل على محمد وآل محمد وعجل فرجهم يا كريم

بارك الله بك اخي الكريم rafed_ar على هذه المشاركه المباركه..
وجزاك الله كل خير عليها..
ودمت بحفظ الرحمن ورعايته
بنـ بلادي ـت

والله العظيم انتي منورة المنتدى اختي مشكورة

وقفه تعطر ارجاء المكان

بصدق المشاعر الكامنه 00 بمحتواها

وسمو الكلمه 00 الصافيه بمكنونها

/
ارتقيت مع بوحك
الى قمة الابداع .. ولا زلت ارى سحبا من التالق

بين حروفك الشامخة ..

الله الله الله على الرد الجميل بارك الله بيج اختي زهراء