أضحك لو ألطم لو أشك هدومي على تصريحات وزير الكهرباء العراقي (الفلتة) بعد اتهام العراق

أضحك لو ألطم لو أشك هدومي على تصريحات وزير الكهرباء العراقي (الفلتة) بعد اتهام العراقيين باسراف الكهرباء.!


http://up.foraten.net/uploads/294a3732d5.jpg





سادتي الاعزاء
اسمحوا لي ان اضع بين يديكم التصريحات الاخيرة للسيد الفاضل كريم وحيد وزير الكهرباء المحترم في الجمهورية العراقية الابية ، والرجاء عدم الضحك كثيرا ،على تصريحات السيد الوزير المحترم ولا على قرار مجلس الوزراء الموقر لانهم اصحاب المنازل الرفيعة في هذا البلد (وعيب نسويهم مضحكه) .
ملاحطة : الموضوع باللهجة العامية
تفضلوا:
رفعت وزارة الكهرباء سعر استهلاك الطاقة الكهربائية في الاستخدامات المنزلية والأهلية من 10 دنانير إلى 20 دينارا للوحدة الكهربائية.

وفي اتصال هاتفي "راديو سوا"، قال وزير الكهرباء كريم وحيد اليوم الاثنين، إن هذه التسعيرة حُددت للاستهلاك الذي لا يتعدى ألف كيلوواط في الشهر، ويرتفع سعر الوحدة بمعدلات متزايدة لدى ارتفاع الاستهلاك، حيث يصل سعر الوحدة الكهربائية إلى 135 دينارا عند زيادة الاستهلاك لأكثر من أربعة آلاف كيلوواط في الشهر. وسيبدأ العمل بالتسعيرة الجديدة التي أقرها مجلس الوزراء، ابتداء من يوم غد.!!

وأشار الوزير وحيد إلى أن التسعيرة الجديدة ما زالت أقل من كلفة إنتاج الطاقة الكهربائية:
وقال وزير الكهرباء إن الهدف من هذه الخطوة تنظيم الاستهلاك والحد من حالات الإسراف في استخدام الكهرباء، حيث شهد استهلاك الكهرباء إرتفاعا كبيرا في السنوات القليلة الماضية، حيث بلغت نسبة الزيادة في الاستهلاك أكثر من 20 بالمائة:
وأضاف الوزير وحيد أن الوزارة ستتخذ إجراءات صارمة بحق المتجاوزين، وقال إن القانون ينص على تطبيق عقوبة الإعدام بحق من يلحق الضرر بالممتلكات الحكومية ومنها أجهزة ومؤسسات وزارة الكهرباء.

طيب بالله عليكم نضحك لو نبجي لو نندب حظنه لو شنسوي!؟
أكو مثل يكول للميستحي (هذا مغسوله عينه ابـ... - اجلكم الله - ) فيبدو ان العينتين من هل النوع!؟
يعني العينتين صارله سنتين يواعدنه بصيف منعش وبارد ويكذب علينه ، وصار اربع سنين يخرط حجي ويرجع ليوره!؟
واحنا ساكتين ومسلمين امرنا لرب العالمين!!
وصدك ابو المثل (تسكتله ينجلب عليك) فيبدو ان العينتين انجلب علينه!؟
لا مو بس هو انوب مجلس الوزراء!؟

عفية مجلس الوزراء ،من زودتو اجور الكهرباء على هل المساكين، ما بيكم واحد شريف وكال هيه وينه الكهرباء حتى نزود اجورهه!؟
ما بيكم واحد شريف ولزم هل الوزير (مدري شكول عليه) وكله غير تنطيهم كهرباء وبعدين تبدي تزود اجور وتحاسب!؟
مابيكم واحد شريف وكال لهل الوزير اذا زودنه الاجور تنطيهم كهرباء اكثر لو لا !؟
عفية بلد ميحكمك واحد براسه خير ابد!؟

وبالمناسبة قبل فترة دك الباب ابو الكهرباء فد مستحي وخجلان وهو ينطيني الورقه ويتعذر لان يعرف مدا نشوف الكهرباء ، جبتله كلاص مي وستكان جاي – بشرفي كام يزخ عرك من الخجل – وكالي بالحرف الواحد (والله ياعمي تره احنا نستحي ندك الباب وننطيكم الورقه ، ونتهازم من هل الشغله بس سووهه سره علينا وكل واحد لازم يلوحة يوم ويطلع بهل الشغله التعبانه).زين متكلي حضرة الوزير منو راح يحصل اجور الكهرباء الي زودتوهه ؟!

زين تعالوا بالله عليكم ياهو المحترم اكثر مجلس الوزراء بما فيهم وزير الكهرباء -الميستحون - لو هل الموظف المسكين !؟
نرجع للسيد الوزير يكول جنابه :
(وأشار الوزير وحيد (يابه ولا اله مثيل لا بالشرق ولا بالغرب) إلى أن التسعيرة الجديدة ما زالت أقل من كلفة إنتاج الطاقة الكهربائية).!!
مو على اساس دافعهه من الورث الي جاك لو من ورث السادة الوزراء.!؟
ودتسويهه علينه مننيه.!؟

لا بس الضحك على الفقرة الجاية :
(وقال وزير الكهرباء إن الهدف من هذه الخطوة تنظيم الاستهلاك والحد من حالات الإسراف في استخدام الكهرباء، حيث شهد استهلاك الكهرباء إرتفاعا كبيرا في السنوات القليلة الماضية، حيث بلغت نسبة الزيادة في الاستهلاك أكثر من 20 بالمائة)
يعني بالله عليكم هذا شتسويله ، يعني واحد ميخجل يكولك اسراف ،وارتفاع كبير بالاستهلاك؟!
هسه الكاعد خارج العراق وميدري بحالة العراق مو يصدك.!؟
اريد هنا احلف (والله العظيم) دينطونه الكهرباء ثلاث ساعات باليوم كمعدل (لان مرات ينطوهه خمس ساعات ومرات منشوفهه) بس على الاكثر ثلاث ساعات (واقساط - يعني خلال الساعه لو تنكطع مره لو مرتين وترجع ) زين بربكم حتى اذا اريد اسرف بالكهرباء ، فشلون اسرف!؟

اما الارتفــــاع الكبير بالاستهلاك ، فطبعا حطينه مكيف ودرجة حرارة الجو توصل للستار فمن تجي الكهرباء الكل يشغل المكيفات –لان نعرف هيه ساعة وتنكطع – فحتى يبرد الجو شويه ، يعني حظرته يريدنه من تجي الكهرباء منشغل شي حتى منستهلك الكهرباء مالته!؟
ومحملينه منية ، يكولون رفعنه دخل المواطن وكام يكدر يشتري وانوب زادوهه بكثرة استهلاك الكهرباء ، هسه عمي هم زين مو انتو الي اخترعتوا الكهرباء ولا انتو الي اكتشفتوا النفط ، جان شلون نكظيهه وياكم.!؟
بعدين هذا الحجي تكول الدول المحترمة الي تكلب الدنيا حتى توصل الطاقة للمواطن مو انتو الي صار سنيين تواعدون بهل الكهرباء الكشرة وترجعون ليوره ، واذا احتركت المحولة مالت الشارع (مثلا) محد يدير الهه بال ويكولولك عيني عينك اجمعوا فلوس وصلحوهه على حسابكم لان محد يصلحهه - طبعا حتى للموظفين ندفع اجورهم -!

والكارثة الاضافة مالة الافندي تفضلوا:
(وأضاف الوزير وحيد أن الوزارة ستتخذ إجراءات صارمة بحق المتجاوزين، وقال إن القانون ينص على تطبيق عقوبة الإعدام بحق من يلحق الضرر بالممتلكات الحكومية ومنها أجهزة ومؤسسات وزارة الكهرباء.)
حضرة جنابه يريد يعدم الناس لان مدت واير وسحبت من الجهه المقابلة بلكت توصلهه كم ساعة كهرباء اكثر (مع تحفظي على هذا التصرف) ؟!
يعني والله ما ادري اضحك لو ابجي لو الطم لو استغفر لو شسوي !؟
زين بربكم هذا وزير ودياخذ ملايين وحمايات وخدم وحشم وايفادات وحصانه ويتعيقل علينه ويريد يعدمنه لان دينطينه تلث ساعات كهرباء باليوم وبس بعد يشتمنه ويلعن والدينه ،بشرفكم مو حقه ابو المولد من يشيل خشمة ويكول الميعجبة يشيل الخط مالته ، وهذا دينطينه عشر ساعات باليوم.!

وتفضلوا هذا الخبر بنفس الصفحة بلكت السيد الوزير المحترم ومجلس الوزراء الموقر يقرون وشوية – منريد هوايه – خجل !؟
تستمر الأزمات الخدمية من انقطاع للتيار الكهربائي وشحة المياه ونقص الوقود وندرة فرص العمل في احتلال الحيز الأكبر من اهتمام ومشاغل المواطنين، ومن هنا يأتي اهتمامهم بمتابعة اخبار تشكيل الحكومة الجديدة.!

أزمة الامتحانات النهائية والضغط النفسي
يستعد طلبة الكليات لأداء امتحاناتهم النهائية للعبور إما إلى صف أعلى أو للتخرج والاستعداد لبدء حياتهم المهنية، الأمر الذي يولد ضغطا نفسيا على الكثيرين منهم تزامنا مع انقطاع التيار الكهربائي.
شوية خجل يا سادة يا .......!!

مع تحياتي
لو ـ ـ ـ ـ ـ ـ ـ مو احسن اله من هل تصريح
:66 (75):
:3:
:66 (75):
:3:
:66 (75):
:3:
:66 (75):
:3:
:66 (75):
:3:
:66 (75):
يبوه صخام والطام على هذا التصريح

حيا الله ابو كاطع المحترم
وحيا الله جيته العزيزة
اي والله جنة نسمع تصريحاته انا والوالد وميتين ضحك ومتعجبين ..!!
بصراحة تصريحات رنانه
اصلاً همه اصحاب المنه علينه
كافي خلص وكت التخدير الظاهر
وكام ما يمض بينا شافوه
اجة وقت القاء اللوم وسوء التصرف تجاه الشعب..!

اذا لم تستحي فصنع ما شئت ..!!

مع كل تقديري

هيه وينه الكهرباء حتا نسرف بالاستهلاك هي منعوووووووووووووول ........................... :66 (124):

ولك مو الشعب العراقي عايش على المولدات

والكهرباء الي حاسبينه على المواطن يامنعووووووووووووووووووول ..............................:66 (124):

مسوينه رنات موبايل تصدك صارت عندي عضلات على كد ما اصعد الجنجوفر وانزل الجنجوفر


ولكم مو كافي بوووووووووووووك ونهب ودمار


تره للصبر احدود والعراقيين طكت ارواحهم من افعالكم الدنيئه



وعلى كولت الشاعر المرحوم رحيم المالكي


باجر بانتفاضة انشك جثير احلوك عرفنه الباكنه ونعرف اليوميله




شكرا لك اخي ابو كاطع على هذا الموضوع


تحياتي الك

حياك الله ابو كاطع ألطم وشك هدومك وكلشي سوي قضية الكهرباء وروح ابوك ماتنحل ليوم القيامه نص الفلوس عند ايهم السامرائي الوزير السابق والنص الاخر عند وحيد كريم الوزير الحالي غير حكومات شراكه والمقبل الشغله يم الاكراد وعلى ها الرنه طحينك ناعم

صدق من قال شر البلية مايضحك..
والله ياعزيزي
من سوء القدر الرديئ للشعب العراقي
ان تكون ادارة اهم الخدمات بيد
فلان اوعلان لكي يجعلوا من الناس العوبه ومسخرة
يتلاعبون فيها كيفما شائوا,,
عن كهرباء يتحدث سيادة الوزير المبجل.....
وعن اي ترشيد يبحث عنه
فعلا ومعه كل الحق وانا اقف معه بهذا الكلام والتصريحات المنطقية جدا جدا
لكوننا مللنا من الكهرباء
واصابنا الزكام من شد البرودة جراء تشغيل مكيفات التبريد
واصابنا العشو اليلي من جراء قوة الاضاءة الموجودة
في المنازل والشوارع العامة..
يقولون
(ان لم تستحي فأافعل ماشئت)
وان هذه المقولة اصبحت سلهة ومستساغة
لدى هذا الوزير او ذالك المسؤول
ولم تعد الانتقادات تجدي نفعا على الاطلاق
في ضوء المهازل التي تمر على الشعب العراقي
بكل المجالات والكهرباء
تقف في طليعة الخدمات الملحة والضرورة للغاية
ولاكن يبدوا ان الوزير ومن يقف خلفه
قد استوعبوا الفكرة جيدا ونفذوا المخططات على الوجه الامثل
من خلال قهر هذا الشعب والاساءة له بكل مااوتو من قوة وارادة
والا هل يعقل ان يتقلب شعب بحرارة الصيف اللاهب بدرجة
حرارة تفوق 43 درجة مئوية
وهل يعقل ان يتحول حلم الكهرباء في العراق الى مصاف الاحلام
الوردية التي يحلم بها كل انسان عراقي
العراق بحاجة الى اناس مجاهدون
اناس امناء
اناس شرفاء
اناس تسري محبة العراق بدمائهم
اناس يمكن ان يحملو هموم هذا الشعب
فوق اكتافهم ويجعلوا من المستحيل حلولا
وليس ابطال بشفط المال العام وسرقته
وليس جهابذة بفن التبريرات
والحجج الواهية التي لم تقنع حتى الطفل الرضيع
لقد مللنا هذا الوزير وذالك المسؤول
لكونهم رمز معاناتنا
ورمزا لخيانة الامانة والكرامة والضمير الحي
الا لعنة الله على كل من تسبب او يتسبب في الاساءة
لهذا الشعب الصابر المجاهد المحتسب
والله خير الحاكمين..

ويجينة واحد بطران ويكول انجازات
ديالله وين الي يكولون foraten.net/?foraten.net/?foraten.net/?foraten.net/?و ربكم ليجيكم واحد تضلون تتحسرون على المالكي
على شنو على الخيبة
عود خلي يروح على واحد كاتلة الحر بالظهرية ومصموط ابو ابو وهوة ينظر الكهرباء شوكت تهل ويكولة هالكلام ومراح اكول شراح يصير بي خليهه الة مفاجأة حتى بلكي يحس بهالناس شدتعاني


شكرا لك اخي الكريم على هذا الموضوع
الصريح جدااااااااااااااااا
والواقعي جدا جدااااااااااا

تحياتي واحترامي

الف شكر لكل من كتب حرف واحد
في هذا الموضوع وانار الدرب وان كلماتكم
اسطع من كهرباء وزير اللاكهرباء
شكرا لكم جميعا