هــــــــــــــــــوايه مرات..............
هوايه مرات
مرات
تجيني التهايم
واني غافي نايم
مرات
تجيني البلاوي
هيج غفلاوي
ومرات
امد ايدي للتمساح
للاسد يشمها
وترجعلي سلامات
ومرات امد ايدي للناس
تعضها وتسممها
ياوسفه حرامات
ومرات
هوايا مرات
عود كلشي اتعلمت وحزرت
التالي قبل عمري بهوايا كبرت
ومرات
هوايا مرات
هموم يابو هموم
وشكد مصايب
على راسي شلت
اشكال وارناك
والوان البشرجربت
ومنهم ياما اتحملت
ومرات
هوايا مرات
على ايد اعز احبابي
اعز احبابي احتركت
واجرعت ظيم
ظيم وقهر
قلت مايخالف
وسكتت
سامحت
ياما سامحت
انجرحت
ياما انجرحت
بس بعد ما يفيد
شيفيد العتاب الفات فات
قلبي وبهل ايد وهل ايد
طميته دفنته مات
…
رد: هــــــــــــــــــوايه مرات..............
هذه حال الدنيه للأسف الشديد
كلمات مؤثرة وجميلة
شكرا عزيزتي وتحياتي لك
بانتظار جديدك
رد: هــــــــــــــــــوايه مرات..............
على ايد اعز احبابي
اعز احبابي احتركت
واجرعت ظيم
ظيم وقهر
قلت مايخالف
0000000000000
بالك تبيع اسرار للمنك وبيك
هو اليدك طبول وهو اليخزيك
\\\\\\\\\\\\\\\\\\\\\\
موضوع جميل جدا ومضمون رائع 00
لكن !!!!
راجعي الوزن
تحياتي صكر
رد: هــــــــــــــــــوايه مرات..............
السلام عليكم
مشكورين لمروركم الكريم
تحياتي لكم