ابد والله لن ننسى حسينا..... وذا عهد ومعهود علينا

قصيدة رائعه لباسم الكربلائي مع النزله ( ابد والله لن ننسى حسناه )

من اروع ما قرأ الرادود باسم الكربلائي للشاعر الحسيني المخلص جابر الكاظمي
ابد والله لن ننسى حسينا..... وذا عهد ومعهود علينا
بايعناه رغم العدى .... لن ننساه طول المدى
*******************
وحك رب الذي بسته رفع سبعه.... وحك اهل الكساء الخمسة والتسعة
سليل الهادي لاشك صوتنه يسمعة.... نصيح بصوت يبن الطاهرة البضعة
اذا تبخل عليك الناس بالدمعة .... عهدنه وياك بالدم سيدي نوقعة
حسينُ حبه يمحو الخطايا ..هو النور الذي يهدي البرايا
منه لاح بدر الهدى ... لن ننساه طول المدى
********************
حسين الماضي هو وهو حاضرنه .... وهو الي مسار الحك يسيرنه
رغم انف اليحاربنه ويكفرنه .... رخيصه لحب ابو الاكبر مناحرنه
حسين الدين لو عنه تاخرنه ....معناها بكتاب الخالق اكفرنه
هو القران والذكر المبينُ...عليه كبرت روح الامينُ
بالاكوان يعلو الندى .... لن ننساه طول المدى
*******************
عصور الي مضت بيها الامر مكشوف ....اليزور حسين منه يكًطعون اجفوف
الحاضر اصعب من الماضي صرنه نشوف... تفجير وذبح لو قتل لو مخطوف
واحنه انبايع حسين بكلب ملهوف .... نسحك عالمنايا ومايهمنه الخوف
حسينُ نهجنا بل مقتدانا .... فخذ ياسيف واشرب من دمانا
للمظلوم نحن الفدا ..... لن ننساه طول المدى
******************
خوارج هالعصر من خرجو اعلينه .... ماكدرو يزرعون الرعب بينه
على نار الشهاده اسحكنه ومشينه .... درس بالتضحية للعالم انطينه
وسام اشرف وسام الباري ناطينه .... ولايه حيدر وهالفخر يكفينه
عشقنا حيدرً بعد الرسول... وهذا شبلهم بين الخيول
ابكى اليوم محمدا .....لن ننساه طول المدى
*****************
حسين الماخفظ للضالم جناحه .... وزال بصبره غيم الضلم واشباحه
هذا الصار جسمه للحرب ساحه .... وتلكه بصدره بيض الموت ورماحه
هذا الضحك نحره بوجه ذباحه .... على سيوف المنايا ضحكت اجراحه
فلا والله لن ننسا الغريبا ..... رأته زينبُ شلوا خضيبا
والمسلوب منه الردا ... لن نسساه طول المدى
*****************
بضمايرنه دوت نيران المخيم ..... نواسي مصاب زينب بالكدر والهم
مثل ما ناح نوح وما نحب ادم ... ننوح اعله التضرج من نجيع الدم
اعله نحره صلى ديان السمه وسلم .....وكع وعليه ناح العالم الاعظم
حبيب الله تكسوه الدماء .... عليه الارض ناحت والسماء
في الازمان يبقى الصدى ..... لن ننساه طول المدى
*****************
النــــــــــــــــــــــزلة

يحسين للدين انت روحه وذاته ...... دمك كتاب الله حفظ اياته
***************
يحسين يالنحرك طفح خير وجود
قدمت كل ماتمتلك للمعبود
نهضتك عالطغيان ماالها حدود
نكست بالطف للضلم اياته
************
خالد يضل مجدك بطول الازمان
والدنيا لبست الك ثوب الاحزان
بكل كلب يحسين الك صوره ونيشان
يومك ابد ماتنسي ماساته
**************
رايه حزن طول الدهر مرتفعة
صوتك يضل طول الزمان نسمعه
باوصافك اوصاف الرسل مجتمعة
والكون تتسافح الك عبراته
**************
يحسين انت العبره وانت العبرة
بالعبره يتوضح شعار الثوره
بالعبره يزداد اليحبك اجره
والمحب يطفي جهنم بدمعاته
**************
يالخمدت نار المضالم بالدم
دمعتنه بمصابك تطفي اجهنم
عاشور بحر الحزن وامواج الهم
غركت اكلوب الوادم ابموجاته
**************
يحسين يالدمك رسم نار ونور
تسري بضمايرنه مصيبه عاشور
لجلك حزن طه وكتابه المسطور
حيدر على مصابك يجر حسراته
****************
لمصيبتك ناح الملك جبرائيل
ضل الحزن يتنقل من جيل لجيل
عيسى الك يبجي وينوح الانجيل
موسى اعله فكدك تنتحب توراته
نسألكم الدعاء

</B>

كل الشكر لك عزيزتي
على روعة مانقلتي لنا
قصيدة رائعة بكلماتها وزادتها جمالا ذلك الصوت الحسيني للملا باسم بصوته الجهوري

لك خالص تحياتي لهذا التواصل والعطاء

دمت بود
وعظم الله لك الأجر

اقتباس:

---

المشاركة الأصلية كتبت بواسطة ام فيصل

كل الشكر لك عزيزتي
على روعة مانقلتي لنا
قصيدة رائعة بكلماتها وزادتها جمالا ذلك الصوت الحسيني للملا باسم بصوته الجهوري

لك خالص تحياتي لهذا التواصل والعطاء

دمت بود
وعظم الله لك الأجر

---

عطرتي صفحتي المتواضعة
سلمت يداك على الرد الرائع

رجاءا رابط القصيدة عهد ومعهود علينا بلييييييييييييز جدا متشوقة لسماعها مع فائق الشكر لكم:66 (46)::66 (75):