الى فخر الهواشم ابا الفضل العباس ع

تشهد أرض الغاظريه
غيره شــــايل هاشميه
فارس العباس تدري بيه الناس
________________
أنشد التاريــــــــخ عنـــه أشلون بجاها الحروب
هذا عباس المقــــــــاتل ساحــك خشوم الدروب
شمس مصيوغه بكرامه الليـــل من عدها يذوب
بس يأشر ليها أصبعــه تشـــرق بوكت الغروب
جفه من حيدر نبضها
راية العــــــزه رفعها
عالجثث لوداس تدري بيه الناس
________________
واضح وماحاجه احجي هـــــذا ابو فاضل عظيم
وبالفضل مـــــعروف اكثـــــر بالكرم هو الكريم
بيـــــــــن كلبي ودم وريــــــدي هذا عباس اليقيم
ساكن بـروض المحبه وعايـــــش بشــوك النعيم
بليلي واحلامي الجميله
عندي مـــــايوجد مثيله
يفوح منه احساس تدري بيه الناس
________________
ياهـــــو يشبهله بقداســـــــه احساس ماليه وعطف
بياوصف أكـــدر أوصفه وعاجز بوصفه الوصف
علأرض لـــــــوداس جدمه بساع تنصاب بخسف
بلايه سيف تموت منه جيوش من صوت العصف
لو رعد ياهو اليصدله
الجيش من يزئر يقتله
بحصن ماينجاس تدري بيه الناس
_______________
شايل سيوف المنـــــايا بجفـــه لو مـــــــــرعالعده
ومره فوك الـــــورده ينـــــــزل شوكه يتساقط نده
مايعز روحــــــــه أعله دينـــه روح ابن حيدر فده
رايه والجود أعلــــــه جفــــه وفرق صفوف العده
فارس وماكـــــــو اليشبها
الحومه ترجف من يطبها
مر ضوك الارجاس تدري بيه الناس
______________
للكفاله كلـــــوب شـــــــايل مايعيش بفـــد كلـــــب
بسيفه عن اخته العقيلــــــه شاطر ايام الكـــــــرب
حتى من صار أعله رمحه يحامي بيها من الغرب
ماتهم بجاله جانـــــــــت يغني عن زاد وشـــــرب
زين تدريــــه العقيـــــله
للخدر أصبــــــــح كفيله
غيره مملي الراس تدري بيه الناس
_______________



خادم اهل البيت ع
طالب الشطري

http://up.foraten.net/uploads/36f1fb81d8.jpg

بياوصف أكـــدر أوصفه وعاجز بوصفه الوصف
علأرض لـــــــوداس جدمه بساع تنصاب بخسف
بلايه سيف تموت منه جيوش من صوت العصف
لو رعد ياهو اليصدله
الجيش من يزئر يقتله
بحصن ماينجاس تدري بيه الناس

اللهم صل على محمد وآل محمد وعجل فرجهم الشريف
والصلاة والسلام على شبل حيدرة
ساقي عطاشى كربلاء

عطر الله انفاسك على هذه الابيات الولائية
ودام لنا هذا النبض الموالي
مع تحياتي لك عزيزي

ام فيصل
شكرا للمرور العطر
وجعلكِ الله من الموالين
وجزيتي خيرا