ღღ بعد ما ريد فيزة ولا لجوء انسان ...عمت عين الأقامة الدنست صيتـــي ღღ
بعـــد ما نريــد الفيــــزه
http://www.titanicons.com/files/Visa...itan_Icons.jpg
بعد ما ريد فيزة ولا لجوء انسان
عمت عين الأقامة الدنست صيتـــي
واشكر كل صديق وكل خوي وكل جـار
قفــل بابه ورفض يقبــل عــــراقيتي
خلف الله عليكم والوكـــت دولاب
لابد يوم ينــــزل بيكم ارضيتي
لان أول أمس كل البشر خـــــــــــدام
جانوا للعــــــــــــــراق واكلوا ابيتي
جان الضيف عندي مكرم ومهــيوب
فوك الراس أشيلـــه وهاي تربيتي
ماداعي اسولف وانه أبو النـــهرين
ياهو المـا سمع أخبــار حنيتي
بعد بصمـات اديهم والطبع موجود
من جانوا جياع بوســط صيــنيتي
يادنيه حرام ومنكر ومكروه
أذا أبــن العــراق الـيوم وطيتي
معقوله نسيتي أسم الــعراق بساع
لو مثل البشرهمين تناسيتي
ميفيد الحجي ولا تنفع الكلمات
راجع ياوطن لــترابك الـزيتي
وأدري لوحدك عفناك صار سنين
وادري من الحزن تابوت سويت
اجيب الأغتراب وحطه بالتابوت
ياغربه الـــعراق شكثر أذيتي
ماأعيش إبحـر مالح طعـم ياناس
أنه بسجن الفرات وفقط حريتي
وترابي ذهــب والكاع من ياقــوت
ومن ثوب الــــــــكرامه البسهه بيريتي
وأذا كالوا لترجع والوضع مو زين
أكول أني الوضع والزين تاليتــــــي
وميهمني بعد ليصير خلي يصير
طعم المــــوت أشـــرف من هجر بيتي
أموت بوسط خــوتي وياحلاة الموت
من أجمع أهلــــــنه واكتب وصيتي
وصيتي لو متت لتكفنوني كفان
لفوني بعلمــنه وهاي أمــــنيتي
وأذا تردون اليه بهالكبر أرتاح
أمانه دفنوا وياي جنسيتـــــي
أمانه دفنوا وياي جنسيتــــي
http://ahlaliraq.com/vb/images/icons/manqool[1].gif http://ahlaliraq.com/vb/images/icons/manqool[1].gif
رد: ღღ بعد ما ريد فيزة ولا لجوء انسان ...عمت عين الأقامة الدنست صيتـــي ღღ
الله عليك يالعراقي
وعلى روعة مانقلت من كلمات معبرة عن
عزة وكرامة الانسان العراقي والتي لايعلو فوقها اي شئ مودتي لك
جان الضيف عندي مكرم ومهــيوب
فوك الراس أشيلـــه وهاي تربيتي
ماداعي اسولف وانه أبو النـــهرين
ياهو المـا سمع أخبــار حنيتي
رد: ღღ بعد ما ريد فيزة ولا لجوء انسان ...عمت عين الأقامة الدنست صيتـــي ღღ
نقل رائع وجميل وشكرا لك يا عراقي
تحياتي
رد: ღღ بعد ما ريد فيزة ولا لجوء انسان ...عمت عين الأقامة الدنست صيتـــي ღღ
صح لسانك اخي العراقي
والله واحد ايموت بين اهله معزز مكرم
احسن من يعيش ذليل مهان بالغربه
شكرا لك اخي لحسن اختيارك
وتحيه للشاعر الذي كتبه هذه القصيده
رد: ღღ بعد ما ريد فيزة ولا لجوء انسان ...عمت عين الأقامة الدنست صيتـــي ღღ
عاشت ايدج ياعراقي يااصيل
وصح لسانك عزيزي
العراق فضله واصل لآخر العالم
هذا ابو النهرين -- ابو العطايا والجود
نسأل الله ان يعيد للعراق نهضته وعنفوانه ليبقى دوما وابدا ,,,,,,,,,,, سيد الأوطان
الف شكر لك وللنقل المميز
ودام لنا هذا العطاء
اطيب امنياتي للعراقي
رد: ღღ بعد ما ريد فيزة ولا لجوء انسان ...عمت عين الأقامة الدنست صيتـــي ღღ
أخي العراقي ..... المدريدي
أعزيك ريال ودع الدوري ... على فكرة وأنا ريالي
أكيد قصيدة مؤلمة ....
بس يمكن ما نكون عراقيين
بس للعراق و العراقيين معزة في قلوبنا أكبر مما تتصور
وليس للعراقين فقط ...... بل لكل أشقائنا العرب
هكذا تربينا في سورية وهذا ما لا نتخلا عنه
أشكرك على هذه المشاعر الصادقة
ومن حق العراق عليكم أنت تصدقوا إليه
ومهما حصل العراقي يظل مرفوع راسه
تحيتي لك وتقبل مروري من هنا