أفهميني // قصيده روعه

أفهميني للشاعر الكبير جبار رشيد
أفهميني أنه العطشان ألج موت
أفهميني ولو مره شتخسرين
طفل كلبي أجه وما شايل فلوس
وأنتي منين ما عاين دكاكين
أفهميني أنه المجنون بالشوك
والعتب مرفوع حصرا عالمجانين
تجي من أبعيد تمشي عيونك أنته وياي
ليش أمن أنتلاكه تنزل عيونك
وأنه بكلبي أكلك ياهلا بملكاك
وأسمعك من تكلي بكلبك أشلونك
أمأمن بالخجل ما تحجي من تفوت
يمته الله الخجل يم بابنه يخونك
ولأن مرتين بابي يشوفك بكل يوم
كمت أحسد الباب وكتله خي عونك
سامع بيك كالو تضوي جنك نار
وكالو الشمس والنور من لونك
شفتك صدكت من كال
ماتسوه الشمس فلسين من دونك
ما ضحكت أسنونك شفنه وجه العيد
جا شنشوف لمن تضحك أسنونك
غالي ومانريد أندك عليك الباب
عند أهلك كنز مو سهل ينطونك
يالعاشك فكرنه أشعاجبك بالعوز
ماعدهم أهلنه أبيش يشرونك
أحبك بس خايف اجيب العين أعليك
ومو علي خايف بس خايف يحسدونك

اي وربي قصيدة رائعة
تسلم حبيب قلبي عمار
وحياك الله وبياك في ربوع الفرات وثنايا منتدياتنا الادبية
نتمنى لك دوم التواصل معنا
انا هنا بانتظار جديدك
اخوك الامير

أمأمن بالخجل ما تحجي من تفوت
يمته الله الخجل يم بابنه يخونك
ولأن مرتين بابي يشوفك بكل يوم
كمت أحسد الباب وكتله خي عونك



عاشت ايدك ياعمار
قصيدة جدا جميلة واختيار مميز
الف شكر لك على هذا الإنتقاء الرائع
وحياك الله بمنتدى الفرات
تمنياتي لك بالتوفيق الدائم

ننتظر جديدك
مع خالص تحياتي

اتشرف بمرورك اخي العزيز الامير
وشكرا على ردك اللي يخليني اتشجع واكون حريص بالانتقاء حتى اماشي ولو قليل من ابداعاتكم
تحياتي الك

ممنون من مرورك الثقيل الوزن واللي يعتبر شهادة تفوق والخفيف عالقلب يا ام فيصل لانه ينطي دافع للمقابل بالتقدم للامام
تحياتي الك

والله وتسلم اخ عمار
كنت مبدع فعلا في الاختيار الرائع
ونور المنتدى بوجودك
تحياتي الك ياورده

شكرا الك اخويه للنقل المميز

اختيار موفق

دمت مبدعاًُ