رئيس اركان جيش الامام الحسين ع

القصيده بعنوان
رئيس اركان جيش الامام الحسين ع

سمعنه الناس كله منل منايه تخاف
بـــس عباس ﮔـلي شلـــــون تدناله

ﮔـلي شلون يدنـــــه عليه المـــوت
واليـــدنه يمــــــــــــه يصيـــر جتاله

سبعين الف جان الجيش شي معلوم
بــس كله تمــــوت بشــــــوفة خياله

مـادنـﮔ وجاه الموت منهـــــو يـﮕـول
بــس دنــﮕ سمـع بالــــزهـره تنعاله

بعجايب سيفــه تنطـرهامــت ياليدناه
بــس يشيل سيفـــه الهامـــــه تدناله

العجيبه السيــف ينــدل هامـــت الكفـار
ورﮔــاب الزلم ما تاهـــــــ منوالــــــه

بدم رﮔـبة الجيش توضه سيفه وصاح
عالـــو بينه واحنـــــه الـﭽـنه عيالــــه

اضن لوﭽــفه بيــده شحده يدنه الموت
وشحـــدهــا المنيـــه توصل ذيــــــــاله

نزل جبريل يــــــــــــوم الدمع العباس
هزالـــــه المهــــــــــــد وبلطف لولاله

جبرائيل ينزل للنبــــــــــــــــــي مامور
ومن طاح ابو فاضل نــــــــــزل تـﭽـاله

وﭽـي شاف السموم لفحــــت وجه ونام
نزل من العــــــــــــــرش بجناحه هفاله

بقلم الشيخ ابوحيدر الشويلي

مهما كتبنا عنها لا نعطيها حقها ...
******************
اليوم عد امي امتحان ...ومامشت للامتحان ..
وليش ماراحت حرت للامتحان؟؟
ثاري امي اعفاء طلعت ..
لان موضوع الدرس جان الحنان ...
امي حصتنه غطاهه...
وهي حصتهه البرد ..
امي من تحجي بقصد ..
امي ماينمل عطرهه
امي يشتمهه الورد ..
امي فلسفة العناء ...
وبالدعاء ...امي من ترفع اديهه
تقلع ابواب السماء ..
امي شوفتهه الحياة ...امي مركب للنجاة ..
امسجله عالشيله مواعيد الصلاة ..
امي من كدهه الجرح ...
امي من تلطم تلح ...
امي حار الزمن بيهه ..ماعرف شنهي التريده ...
امي ماسولف حملهه ...خفت من اذكر حملهه
ينهدل متن القصيده ..
امي للاهات منبع ..امي طيبه بكلشي تقنع ..
امي بينه اشكثر تخدع ...كبل من جنه جهال ..
اتحط جدر عالنار فارغ ..حته من خدعتهه نشبع ..
امي بيه اتشوف اخوي ...
امي ماشالت حقد ...
امي شالت راس ابوي ...
امي هيبتهه مضيف ...امي يامكبر كلبهه
ارهه من كلب الرصيف ..
من اجيهه تكول كعبه ..كل ذنب مابيه من ارجع نضيف
امي شوفتنه تخيط اجروحهه ...
امي ماتكدر تصوم
عنهه لوغبنه ثواني ...امي ناكل روحهه
امي عنوان السلام ...احله من مسك الختام
امي مرجع ...بس يقلدهه الحمام
**************
منقول

شكراً للمرور
والمداخله دام التواصل
تحياتي

الحقيقه قصيده قمه
السلام على العباس
رئيس اركان جيش الامام الحسين
لقب لاول مره اسمع به
دمت مبدعاً

عاشت الانامل جناب الشيخ
وجعلت في موازين اعمالك الصالحه
دمت بصحه وعافيه