لبيك ياحسين

زرعوا علدرب عبوات سيارات رادوا مانزور حسين كل هذا وزحفنه ازحوف ماكدروا يردونه
رادونه نخاف وفجروا تفجير تفجيرين كالوا راح نذبح من خلاف انكطع الرجلين كلنه بصوت واحد كلنه اذبحونه
فدوه انروح لجفوف البطل عباس وال نحر الحسين السبط للسجاد للرضعان للنسوان خلونه
متكدرون فجروا كل دروب اللي تمر بحسين احركوا الكاع نشفوا الماي لتظنون يوم ايمر علينه وبي تمنعونه
كبلكم كطعوهه اجفوف سدوهه الطرق رادونه بس انعوف فتحوهه السجون وكلنه حبسونه
زرعوا بالدروب اذياب واخنازير واجواسيس رادونه نخاف وكلنه لاوالله كل هذا اليصير وماتخوفونه
نزحف للحسين ازحوف ابلا رجلين لاايدين حت لو بس لسان انصيح لبيناك
لبيناك يامولاي ياسبط الرسول وسيد الابرار يااطهر بشر والله ماننساك
يارمز البطوله الكال لا للذل كطعوهه الدروب اعلينه بلكي انعوف ماعفناك
عرينه الصدور البسنه احنه اكفان واطلبنه الشهاده وجينه نتعناك
ماننساك يامولاي خلهه اطير منا اركاب خلي تنكطع والله رجلينه
لان منك عرفنه اللا يبو السجاد وانته اللي ازرعت هذا الطبع بينه
ولان منك تعلمنه نشيل الراس متهمنه الطغاة اشكالوا اعلينه
شيكولون متخلفين نلطم عالصدر لو نطبر اعله الراس خل يحجون مياثرون ابد بينه