حبيبي لا مثل كلبك وهم بيك تمنيت اللذي بيه وهم بيك مثل يوسف تهم بيه وهم بيك شبكته وما نزل برهان بيه

ابجي على المسموم ودموعي من اصبهن اتــــــــــــــذكر المجتول ودموم منه صبهن وجــــــــفوف ابو فاضل للماي من نصبهن ماشرب ماي وحسين ظل مرمي على الوطيه

من اشوفك كًلبي يرسل بوسات كًلبي يفزمن تمر ويسوي هوسات مثل حسنك ماشفت بدر4 ولا بالنايل سات صحيح اقمار كلهن لجن بس وجهك يوصل ارساله اليه

خطاب العقيله زينب لاخيها العباس (عليه السلام) الــگــلب بـــالعزم صبــرته ومنته وفرشته اعله الترب يـــمك ومنته منته الكـافــــــل ظعـــوني ومنـــته الجبتني وياك ليـــش اگــطعت بيه

صعب شوكَك لعب بالـــروح شفتك وامس بالليل يمـي بطيــف شفتك توهه اشفاي راد اتلـــوح شفتك تدنيت وبعدت انته عليه :66 (6):بقلمي:66 (6):

هدية صغيرة الى المبدع :66 (46):ايليا الغانمي:66 (46): لعلها تكون في مستوى ابداعه الاســــم ايليا نعم وبلمعنى يوحي علي وياصـــاح انخه الك حيدر امامي علــي بلجي تمرني ابحلم وشوكك يجيبك علي والشوك تدري يول يلهب ابصدري يمـر

لاتظن وحدك حلو والفكر بيك هام حلوين بهالدنيه شكثر لاتعيش بوهام ذاك اول مجانك جنت تنحط على الهام عن كًلبي عيش بعيد ولاتنغر بجمالك عليه

حب واشواق على كًدك فصلت صرت كل يوم اقرا بيس وفصلت مع اهلي وربعي شكًد فاصلت على مود بيه تحس ويحن كًلبك عليه

بين احظانك خذني ولمني البعد جم اسهرني ولمني اشواق تبعثرت اجمعني ولمني لمني بين احظانك وسكن الام بيه

اكَضي الليل ساهرالك واتعاب وابد مادورت عالجـاه واتعاب اشبدرمني انشتم وانهان واتعاب الثمر للغير وهمومك عليه (بقلمي الجريح)

حبيبي الروح طاحت منته خلهه غريب المــرعليهـــه منتخه الهــه راح ابعــث اشفافــي من تخلهه على اشفافك ترد الروح بيه (بقلمي)

بالحزن والهم وكتي علي دار صار الحزن والهم الي دار تمنيت العطف من وكتي علي در لجن لجمات الوكت زادت عليه

خطاب زينب لأخيها الحسين (عليه السلام)يـــبو الـــسـجاد گلي شصار وجرهأهــيّــس نــار حـــدر الظـلع وجرهيگـــلــها الطفـــل دمـه سال وجرهرضـــيــع وفــطــمته سـهام المنيه

حجيك جرحني ولسانك علي حاد سطى بوسط الدليل وخلاه عن صوابه حاد جرح الجسد يبرا وجرحك ماله حد يحق الك تجرح وتزيد جروح الزمن بيه

شغلنا الغرب بالاي بود والايباد صارت ايامنه بيهم VERY BAD نسينا امنه ونسينا OUR DAD ولولت امنه وصاحت سوده عليه

اشهد ياخالق على وفائي...وانتة ربي واخذ ياشامت كلب تهستر ...وانتة ربي هجر طول حبي الاول.... تريد تلوم تجيك هموم... انسة الاحباب عوف الاحباب... شيل الكلب وعوف الدرب ولاتمر بعد على خلك...وان ترة بي ذرة شوك هم تطلع اذية

هجرك ليش ياولفي بديته وياي و عاذلي عليه بديته هوه الكص هرش حبنه بديته وجاك وخله كل الصوج بيه العسل بعدك صبح بلريج شلال ونزل حجي الشماته علي شلال كبلك جنت اشل اجروح شلال هسا من يشل اجروحي اليه

بدرب العشكَ سيرانته ونتلاك وشوفن ويــن تدهرني ونتلاك رغم بالشوكَ وادي انته ونتلاك علت قمتين الك فوكَ الثريه بقلمي

اشكر ادارة المنتدى على الوسام مع اعتذاري عن مواضيعي لما فيها من اخطاء وزنيه ولكني احب الشعر العراقي وبالاخص الابوذيات ويارب اقدر ان استفيد من اخواني واخواتي اعضاء المنتدى (واتحملوني اخوتي ) وسلامي وتحياتي للجميع

لاتظن وحدك حلو والفكر بيك هام حلوين بهالدنيه شكثر لاتعيش بوهام ذاك اول مجانك جنت تنحط على الهام عن كًلبي عيش بعيد ولا تنغر بجمالك عليه

ولاجن انة ادموعي يلالن بعيني ولاجن وايام الفرح راحن ولاجن انة طحت بسكم لاهو مرض لاجن تعال وشوف جفاك اشعمل بية .

o دام احب حيدر جهنم ماطيهه o ولايمس جسمي عاليها ولا واطيهه o ارض ال الـــــــــنبي سلم واطيهه o من لظى النار تشفعله الزجيه

وحكَـ المرتضى إيمامك وإما ماي عبيط الدمع لفراكَك وما ماي هوه الناكَه لفة خلفي وما ماي الهوة مدري لوين ايريد بيه

شهر ناكص كلب حبك شهر زاد مضايك من سبب هجرك شهر زاد قصص حبك انه اقره شهرزاد الف ليله بشهر كلهن اذيه

لأعظم نسب بالبشر هنيالة مَن ينساب باحسن خُلُق صَوّرَه ماله ثغر ينساب ردّ الفضل صاحبه . ومن غيره خل ينساب بالعترة ثاني ثقل ربّ العلى أيّد يا بخت كلمن صُبَح جدّه النبي وأي يد ؟ قدرة الباري علت منّ الخلق أي يد يدّ الكفر ظالمة،مال الكُفَر مَحْتِمَل ؟ بس الموالي دَرة ، شاف الفضل محتَمَل