بسم الله الرحمن الرحيم دعوى للجميع بان تكتب بيت من الابوذيه قد عجبهم .. لنرتقي بهذا الصرح المميز . واقول فـتـح قـهـره الزمـان وسـكـرانـي

نبيل وطبعك توافي وعيدك وأحسبك من اعز ناسي وعيدك عيد الفرح عالوادم وعيدك سرور وفرح ويامك زهيه يهل ناديت بسمي هواي..عيده ويل ماخذ دليلي وياك..عيده الگلب مو بس بعد رمضان..عيده عندي العيد من نگعد سويه

بعدني وياك بلعشره ولازال وبعدني صادق بحبك ولازال وحبك بالكلب ثابت ولازال واضل وياك لاخر نفس بيه

كل عام وانتم بخير رسالـة عيـد إقراها ورد عيـد وعـد أيـام صـمناهـا ورد عــد أنا يشرفني أهــديكم ورد عيـد نعـيش الفرحـة تجمعنا سويّـه

حنين لهذا الموضوع ومتنفس ^ ^ نحاول أن نبحـــر معاكم أيها القباطنة يهل تسـبح عكس تيـار وجاري حســاب أفتحـلك بقلبي وجاري يبحـر الجــود جــــاريتـك وجاري

السلام عليكم عطفا على ماكتبه الاخ ابو حيدر الرائع .. ماعيل فانا اشاطره الرأي واقول .... مابين جنه ونار الوكت .... خيرانه وطبعي ماعيل بالوادم ابد .. خيرانه كافي الناس شري خير ..... خيرانه

شبيـه القمرحسن الظن والآمال غلاك الـذهب مايـوزنـه ولامال نسيم يهب على غصـنك ولامال لومـال الغصـن أفقــد هـويـه

شفت طـولك ولازم ثوب شارد صفنت سارح وفكرك عاد شارد شـوصـفك ياملاك شاقول شارد تهـت وضيعـت حـتى الـهويّــه

شفت صدره ورگبته - منـّجسمه وعليه الظيم زايد - من يجسمه ويتخربط كياني - من يجي اسمه وبس إسمه يخلي اجنون بيه بقلمـــــــــــــــــــــي 0

حـلو تربايــة الدهـلــه والارياف عذاب الگلب من عندك ولارياف تمـزگ ما نـفــع شــلـّه ولارياف ترد الروح من تجبل عليه 000

حبيبي شصار منك علي واجره الگلب عندك ولك مرخوص وجره بنار الحب حبيبي ارجوك وجره لأن يهواك يالغالي عليه ****

بسم الله الرحمن الرحيم انا اللي بالحزن ظهري تكلف ولا واحد من احبابي تكلف اذا جية المحب صارت تكلف علية الضيم والونة سوية انة الحزت الصبر والصبر حزني والف وسفة اعلة سيف الظلم حزني

يدنيه وياي مو دنيه بلى انتي وسؤالچ يا هو اخذ عقلك بلى انتي شمعنى وياي كل ساعه بلنتي أصد شلون وانتي مشبگه اديه

الاخ هوالذي يشدعلى عظد اخيه ولوبكلمه وهاانت فعلتها بثمان جمل فلك اهدي مايلي , يطالب لايهمك نذل لوكَال,,,,,:66 (45): شما يحجي بعد ويزيد لوكَل:66 (56): اكوفدناس صارت حيف لوكَي ل,,, :66 (28): هذول اهل الرده وهل الرديه ,,,,:66 (231): , , يطالب دوم حكَك بيه طالب:66 (72):

تعس متجوز روحي - من عس الها على الله اتضوك قطره - من عسلهه واذا أيــسـَـت مـنـّك - من عسى الهه الموت ولاتظل حسرات بيه بقلمــــــــــــــــــــــــــــــي 0

كـتــبـت كـــتــاب الـك أهــواك - نصاً وسهم حبـّك شطرني وصرت - نصين وعـلـَن بالشوگ ابـد ما يوم - نصـن أحبك والكرامه تزيد بيه

بكثر ما نمتن وخفتن - وصمتن أشعار اكتب بلا خوفاً - وصمتاً واذب العار عالطاغي - وصمتين وانشر كل فعل لاهل الرديه 0000

السلام عليكم ورحمه الله وبركاته اتمنى ان يعجبكم قلم قلــــبي تداين ورقه منك لأن ماكو بجمالك ورقه منك ..... باسجلك انت الأول ورقمنك .... وأكتب لافته محجوز اليه ** ** ** المحبـــوب أفكر ليـــل وانهار.. ودمع عيني بغيابك بحر وأنهار..

منكم نستلهم أيها المبدعون الأكارم شــرفا وحماسا رحـلـه للكلب من دون تذكـار اخـذ مـن صمتـه للايـام تذكـار عشت وياك منفى البعد تذكـر كنت الـروح وي النفـس بيـه

وحك طيب الزرعته ومالحك بيك احس كل بشر غير ماله حك بيك الكلب ملهوف يركض مالحك بيك وتظل رغم البعد غالي عليه

بسم الله الرحمن الرحيم اقدم الى كل اعضاء المنتدى الراقي ابوذيه (شجره ) للشاعر الكبير ( نعيم الفراتي ) يهل تنشد عليه شبيك شجره لهب ما تنطفي نيران شجره وصديجي جان عنده فرد شجره حطبهه وعجل بجيته عليه

عظم الله أجورنا وأجوركم بذكرى استشهاد الامام علي عليه السلام أمل الايتام صاحوا مات أملـنا غاب من يرعى اليتامى ماتم إلنه يـادار ظـــلمة اليـــوم و ماتم النه وحشـة الدار ياحامي الـحميـه

أتحده بحب ( علي ) واحد يصلي بنار الله البغض حيدر يصلي أبن آدم لو گضه عمره يصلي خسر لو ما يحب حامي الحميه

عكل ماظل الي بجفاك هي هي وجوانينك بكلبي اعطبت هي هي مدايده الطبيب وكال هي هي اشيطيب الي دنت منه المنيه

يوم السعد ال جمــع شملي وشملك على صدري قسـم لطـبع وشم لك اشـــم الطــيب بأعــتابك وشم لك طلـع طيبك يفوق الطيب 100