سجاجين الغدر دنياي حدي وانه بكل المواقف دوم حدي بالك لاتدوس ابيوم حدي عظم حيه اوتشوف الموت بيه جديد قلمي وتحياتي

كظيم الهم واصيحن اه واراه اصل بيت النبي بياعين واراه اناشد ياهو وسط اللحد واراه كالو حضر بس حيدر وصيه اشسبب اعتب على العذل ولامه واطش العتب بدروبه ولامه نبي وللامه وصاها والامه

وحك من كون الابساط وابسط انه ابسط من نسيم الريح وابسط چنت املك مخدة صوف وبساط الأجوني فرهدو ذني من اديه

•للقاسم (عليه السلام)على لسان حال أمه (رمله): شـمسـوّيه ذنـب يالـدهر ورده؟ إبسـهمك ســددت للگـلب ورده تـوّ هرشـك يجاسـم زهر ورده وگـبل وگـته يبـس بالغاضـريّه • لأبي الفضل العباس (عليه السلام)

كَلبي منل بواجي عليه شيطان ولويلعب عليه طلع شيطان طلع بيه طنه مثل العبد شيطان يسودني اذا كنكر عليه بقلمي

الدوني دوم يلكَه الشهم نده يدث ترياكَـ لو بسموم نده تعلمنه من اهلنه الخير نده بكلام الطيب ونرد مظلميه بقلم الشاعر عادل المنصوري

اول مشاركاتي واتمنى تعجبكم نشدت الناس عنك من شفاك عليل وصفتي گالو من شفاك اگل الدمعي ضل اجري من شفاك لمن يرجع حبيبي الراح اليه تحياتي

ياخويه كَلي شتضن بعدك فرح طابلي يلي انته من الخلق وحدك صرف طابلي غلطان كلمن يضن جرحك شفه طابلي بيوم الازور القبر حسبالي بيدي المسك ياريحة الطيب يالمنك يفوح المــــــسك والله عودي ذبل حال الغريب المسك عكَب الفرح والسمر يعزف حزن طابلي

عمده اتطشر ابروحي ولمهه وجيك ابشوكَ متناسي ولمهه غيرك شخص وين الكَه ولمهه عزيز شما بدر منك عليه:66 (46): (جديــــــــــــــد) وتحياتي

عليّ راضي تذب همك وشلاك وخذ من دمعي لودمعك وشلاك تمنيتك جرح بيــــــه وشـــــلاك حبيبي ودوم يبــــــقى الاثر بيه :66 (46): :66 (46): :66 (46): جديد وبقلمي وتحياتي

اريدك تكشف اوراقك وسراك وشنهو الطوقك بية وسراك ايوجد شي حلة بعينك وسرك اشوفك صافن تباوع علية كتاب ايامي بيدك طالعة انت بيه القلب كلش طالعة انت حلو تخبل لأبيك طالع انت لجن لو لمك شيصير بية

سيفك بيه محرب صل صليله بردعظمي بجفاكم صل صليله الربك روحي صاحت صل صليله صلي واندعيله يحن عليه بقلمي الشاعر محمدالحميداوي مــــــــــع اطيب امنياتي

تنخه تريد اجيك اليوم بالحال وانت اعرف حبيب الروح بالحال تدري لو غبت شيصير بالحال احس لا حول الي ولا حيل بيه

أبمنامي وصحوتي وصبحي وليلي بذكركم دوم يحبابي وليــــــــــلي لون وبجي اعلفركاكم وليلي وخلي اوحوش برهه اتحن عليه:66 (46): جديد كلش يهل الفرات (بقلمي)

اراك بروحي لو تنشد عماره ولك موطابق بكلبي عماره الحله والبصره وديالى وعماره احبهن وانحني للناصريه

عزيز الطلع من كلبي ولا رد اقصده بكل أبياتي وكل رد طلبته ينصفني بكلمه او برد آثارية وياهم متحمل عليه!! ''

بقلبك سالفة اني ادري وشي بيك بأذانك منو صب حقدك ووشى بيك منك كل تجاعيدي وشيبي اراضيك ويحركونك علية بشبابك احلف وصغرك وشيبك اقهرك لوردت صدك واشيبك شي من الغدر بية وشي بيك ولاكن بالوفى تفوق انت بية

لحبابه الكَــــــلب بس خير وده ولافديوم عــــــاف ونــــكر وده رغم اخزان جرحي النزف وده أضل بودادهم حــــــــــــــد المنيه:66 (46): جديد وبقلمي بس لاتزعلون

اخواني واخواتي سرني التعرف بكم ولو ان التواصل بالكلام العذب , وها اناذا عازم على زيارة ابي الاحرار في اربعينه مشاي انشالله , فاطلب منكم براءة الذمه وربما تجمعنا الايام بكم ، فمني لكم سلام محبه واخاء محبكم اخوكم/ عبدالله محمد الحواج المملكه العربيه السعوديه المنطقه الشرقيه

من يم الحجاز توجهنا وشملنا لعراق ابوالحسنين الحبه شملنا وبكربلاء حسين يارب اجمع شملنا خل نواسي المصطفى والزهره الزجيه

مر ندري الصبر لاجن لهمنه عسه ينفع دوى ويرهم لهمنه ذكر ربنه يخي رحمه لهمنـــه طمأنينه وشفه من كل أذيـــه:66 (46): وداعتكم جديد لخاطركم

اسد صفحه تفكه ليش مالك وكَلبي منل النذاله حيل ملك اكوجبار فـــوكَ السمه مالك يجازيك برده يالعلت بيه بقلمي لكل خبيث

بعد ماضن يعود الراح ويرد بسبب لنه جلب ممقوت ويرد خدع خوان الي طيبين ويرد عليه بشين ابن العبداليه م\ن

يدنيه بيه حيـــــل وبعـــــد يلداي وطبكَي اعله العظم مابيج يلداي بعدماضن تطيب بيــــــــوم يلداي صوابك كلف واثر حيـــــــــل بيه (بقلمي)

لايوجد في المنتدى مكان مخصص للاهزوجه(الهوسه)فسوف انشرها هنا الى ان يتم تخصيص مكان مناسب وشكرا. جم حسره دليلي وآه فتته شمذكر موقف الحره بيوم احسين شافته صعدت فوك تلهه وحيل نادته تكَله شلون خلافك زينب ياهو اليحميهه بيوم الي اندهته وين اخوي احسين