صباح الخير إن كان صباحا:66 (6): ومساء الخير إن كان مساء:66 (6): أول أبوذيات أكتبها في حياتي:20: يريدوني الناس أبطل حبك بس ما يا أم ألطف وجه وأحلى بسمة آآه لو تدرين شقد أحبك يا بسمة

أبوذيات ساعديه:66 (46): 8 ساعدي انه الزمن هيهات يلوي ساعدي اَنه ونساعد دوم كلمن ساعدانه يل تسأل على أصلي ساعدي اَنه أهل نخوة وكرم وأهل الحميه

يغــــالي الما نساني بيوم .... منساك تضـــل انته فرض للروح ... منساك شوصفك وانته قالب ذهب ... منساك لجل وصــــفك تحــــــــير الابجـــدية تحياتي

روحي اسياط ابو سعيد ولنهه وليه وكمــــــــــــت لاامر ولنهه شمكول اخلصت من وحده ولنهه بالاخرى مبركسه وتلوب هي

بنص ريعه شتالي ونشف لوحاه ومدري الاه اجرها عليه لوحاه مثل مسمار يغفه بوسط لوحاه هيجي المصايب غفت بيه :66 (185):

الزمن دولاب دولبني وشلني كسر رجلي ولعب بيه وشلني بجيت بدم دمع عيني وشلني صرت لعبه ولعب زعطوط بيه اخوكم صالح الجابري

حته انته يناهي ماتسل هم عليّ و عيوني عگبك ما تسلهم روحي الغير شخصك ما تسلهم الك بس يلزرعت الشوگ بيه تحياتي

الحزن كَلب المتيم ياربابه الدمع سجاب يهمل ياربابه عزف ونه التسمعه ياربابه نصه عزف الربابه وعلت هيه اخوكم الشاعر يوسف الذهاب

ميت بحبك شخص اول حرف قافلة بس الك بابي انفتح غيرك قفل قافلة كلما ادك عل الرقم الكاك شنو قافلة؟ بس عل الرسايل صفت نتراسل احنة اثنين انت النبض للقلب وعيوني ذني اثنين كم سبت فات ومضى واحد عبر واثنين بابك اليمتة يضل فدوى علي قافلة؟

أريد أحفر وسط كلبي بيران وبكل دموع ألعين بيران أحلفك بالرضا ألمدفون بيران تحبني صدك لو تضحك علية:66 (174):

شكثر ناس تهم بية وتفزع بروحتي وانا ادور على الي يدور وبريد راحتي داريتهم من صغر سني بعيني وع راحتي :66 (46):من نخيتهم صارو كلهم علية

انه اصحابي علاقة فلس وجيب عافوني وعليه الصبر وجيب تكرهها العرب وتحبل وجيب بنات وبالسلف سون بليه

حبيب الكًلب فجأه علي غــــــاب تهت بعده وصرت جني بوسط غاب طعم الزاد يحله لوطول وبعد غب حبيبي غالي ولو طول غيابه عليه

تعب مني الكًلب يترجه وصلكم جم مكتوب بدموع من يمي وصلكم ضيعت مكاتيبي عددهن وصل كم تاه مني الفكر يمكن وصلن الفين وميه

شامخ وعزت نفس واصلي بيجي يل رحتو منا بعجل عكب حمرين بيجي سألوني لون عيونك اسود شجا بيجي بسبب الي بالوصل شحو علية الجناس الاول المقصود عشيرة البيجات من محافظة صلاح الدين تحياتي لجميع اهل المحافظة

يظل حبك حبيبي علي مكتوب ولا تندم على الي يصير مكتوب امس بالطيف قلبك رسل مكتوب يكلي ارجوك حبك مو بدية

من ينشد منكر وي نكير من توالي اصرخ بعالي الصوت ياعلي انت والي وانت الاول صرت وغيرك بالتوالي من تصرخ علي ابد ماطيح باذيه

بنت اسد بالكعبه جابت ولدهــــــــــــــه بنت اشراف رحم الله من ولدهـــــــــــه لو تنشدني وتقول من ولدهـــــــــه ؟ علي ولدهه يكون حليل الزهره الزجيه

الحياة مره وانته حلاهاوشكرها وانته نعمة وعلي واجب شكرها اشبهك بستكانة جاي زايد شكرها تعدل الراس وتزيل دوخة البيه

الحلو من ورا خماره باوعنه وخزنه لويرضى الحلو احتفظ باسمه واخزنه جايصير القلب مسكن اله وخزنه اصونه واحميه عن الحراميه

لاتنغر بقصد هاي الناس مدحوك وانت غير الدسايس ابد مدحوك اذا واحد بالاخلاق هواي مدحوك عنده الخيانه ترى كلش طبيعيه تحياتي ......لكم

سهــــــم الناس بس راحه ونه الهم حنضل دهري يطحن لي وانه الهم العــــــــواذل لويصح بيدي ونالهم على التيزاب احطنهم بديه بقلم الشيخ ابوحيدرالشويلي

مادري شحجي شكولن شرد بيه حجيك اخذ مني الحجي وشرد بيه من اسمعه لصوتك اظل شارد بيه ويضيع مني الحجي غصب عليه