ثنى عودي الدهر واحنى الوكت طولي يدنيا شما يطول الضيم لو تردين طولي انا الما لطخت دكت الرده طــــــــــولي انه انصع من بياض الفضة اديــــــــــه تحياتي

الوكت بالهم يصاحب هطراني بارض زلكَه ورخــيه هطراني الحف واشد واركَـــم هطراني ولانفعــــــت هطـــارات العليه بقلمي

قسم بالنارواللجنه والكتاب جزع من حبك اكَليبي والكتاب شعرلجلك بعد منضم والكتاب قصيده ودارمي ولاابوذيه :66 (46):بقلمي:66 (46):

شنهو المرضك يا كلب ... وعلاك وخط راسك بياض الشيب..وعلاك بعد طبع المهابه البيك ... وعلاك تطخ راسك لبو ذات الرديــــــــــة!! تحياتي

خشن كلبي بسبب هجرك ونعمه ومحبتك ياترف رحمه ونعمه اذا مريت من يمي وانا عمه اشم عطرك يرد الشوف اليه

صعب انته مثل سؤال مانحل اقراك مره بعد مره صعب تنحل حاولت احلك لقيت ماالك حل ارجوك علمني جيف احلك واحقق ميه بالميه

ابحبك جازفينه وكَبَل فتنه ولاحسبنه خاف اتصيرفتنه جمالك يارشيق الجسم فتنه والك خفه ونزاكه وقابليه :66 (46):بقلمي:66 (46):

لون كَلبــك سفينــه انه بحرها ومحيطات الكَلب لجلك بحرها دهاك اجـروح دلالـــي بحرها ايتلايم جرح طكَ الثاني بيه :66 (46):بقلمي:66 (46):

دفك سيل المخاطر ساري انه وحملت الالم والهم ساري انه واكف مااطيحن ساري انه شتظن انحني وتاخذ ماط بيه

بعد مابيه المعاتب كفاني وكلامك عن الملاهد كفاني لون وزعت طعناتك كفني وصارن بالجسم كل شبر ميه

دوم احلم اني بست شــــــفتك ولك خبلتني من يوم شــــفتك جمرتين ولعن بحشاي شفتاك بوسني وحقق احلامي الـــيه:66 (6):

تلالي مثل چيس ابيض ولك شاف وعونه الكحّل عيونه والك شاف الك مبسم يفت روحي والك شاف مرج بحرين وتلاگن سويه تحياتي (م)

العليه غير اهلهه من علاهه وروحي يخسه الكلك من علاهه بعزم الله نخلتي من علاهه يراموهه بحجر وتظل سخيه وسلامتكم

جفـــاك النــــوم من عينـــــــي سلبهه ودمــــع مــــــن دم فلابطــــــل سلبهه على الطب اعرض اجروحـي وسلبهه اذا الهــــن عـــــلاج اعتـــــب عليــــه (بقلمي)

حسبي على الوكت جم طعنه طـــعن وحسبي على من ورى ظهري طعن قابلته بحسن نيه وقابلني بطـــــــــعن حسابه على المعبود لوزاد الطعن بيه

احلفك بالمعبود ومن ارسل وطه ويالتصدق بموسى وعيسى وطه ويالموالي والتحب ال انبي طــه صلِ على النبي واله خير البريه

طال عليه غيابك وليامنا شكثر حــــــــــــــــنيت اثاري لغيري صرت واجفوفك اله حـــــــــــنيت اخبرك اني موجود لو يوم الي حــــــــــــــــنيت يبكًى بالكًلب مجانك لأن عشرتك ما هانت عليه

من عيني لجلكم جرى مــــــاي مودتكم بقلبي هي جرمــــــــاي حبكم بعروكًي جرى مــــــــاي عروكًي بمحبتكم صارت رويه

ايامي غوشت بعد ماصفـــــــتلي بعد ماعشمتني بملكًاك ووصفتلي شكثر الي حبك ووحدك صــفتلي عجيبه تبدلت وصفت نارك اليه

اتمنة ميت انة بعدك ولا عيش وبفركك ما كلت خبزه ولا عيش بعد عينك لابيت اليلمني ولاعش ولا غيرك حبيب يحن عليــــه (م)

ليش الينظر الحالي يلمني الي جرح بوسط كَلبي يلمني ابني وردته من اكبر يلمني وردته اتراب كَبري ايهيله اليه ردته اتراب كَبري ايهيله جفه صبح جالماي مني ابساع جفه كَضت جفه ابحياتي وبقت جفه وصبح درب الضهر مظلم عليه صبح درب الضهر ياناس ضلماي نحت وانه ادري مابالعين ضلماي

ليالي بحضني خليتك ولكفــــان والك حرفة عشك روعه ولكفان عليه اهمومك اتهدهن ولكفـــان حرت شلكَف شخلي شلون بيه بقلمي

ارد ارتشف من شفافك شهـــدهـــا تجتل شفافك كلمن تجرا وشهـــدها قاضي محكمتي انت وانت شاهدها تجتلني وبمحكمتك تلبسني القضـيه

حبيبي تعال اوصل كًلب الك راد كلما غفل عنك هم عاد والك راد انت بصراوي لو حله لو من اكراد سبحانه خلا بيك جمال كل العراقيه

وفيه ويـــاي وادري ماتملي وليالي الوصل يمــج ماتملي عليج اسم الله؟نصبي ماتملي وتعاي اويالنسه لطمي عليه بقلمي