ما دخت و الله الناس دوخها وظعي حالتي تبجي أعداي بس وينه دمعي كل ما أكَول أنساك أنسه الحجيته وأنهي العشك وياك مثل البديــته

صورة و وزن يا ناس شعر النريدة الشعر مو تصفيط مثل الجــريدة الشعر كون يصير هــز للمشاعر صار اليـبيع شعـير يسمه شاعر

ياحزن اسئلك كلي لشوكت عدنه باقي علينه تعودت لوعجبتك دمعة العراقي تحياتي

دوخني والله أهواي سوولي جاره من عشكي بالمكلوب عفت الجكاره من أيدي كل الصار أستاهل و حيل لا بنهار أرتاح لا أهجع باليل

(الام)..اطلك ونوح عليه من جبته انه مادري بعد زمان يترك مجانه ::::::::::::: (الابن )..يايمه انت الصوج وانت البليه بلجنه جنت هناك جابج عليه :::::::::: (الام)..يايمه هو الصوج وصوجه زماني سرسح عليه بليل وبلل مجاني :::::::: (الابن)..اصرخ وصيح احااااا وينك ييابه

شيصير بالقلب من يهجر الطيبين يظل مثل الحمام المنكسر جنحه لايكدر يطير اويلحك العافوه اولايكدر يظل اويتحمل الذبحه

شما عـذبت ميفيد تعذيبك وياي قبلك مرار وضيم راوتني دنياي 000000 بقلمي 0

شارعـنه كله تراب والدنيه تمطر خايف عليك اتطيح من يمنه تعبر 00000 ليش الدرب مگطوع ؟ گالولي اعمار! صايرله خمس سنين هيچ الوضع صار

العـفـتـه وراي شـلون گــدّامي الگـيه هـيـمه ودرب مگـطوع محـّد عبر بيه بقلمي أريد جواب

ريتك تشوف العين ماظلت ادموع كلبي شكثر ميلوج كسرلي الضلوع عيني شكثر مانوح خلص دمعه ونتي تعصر بالروح محد سمعه حكه تكلي الناس شو تبجي شبيك صاحت الناس اداد من نوحي عليك

نكـتب شعــر موزون راقي بمعانـيه الما عرفوا المضمون گالوا خطأ بيه 000 أمحمله كوم هموم واتذب عليه راضي بحكم دنياي لن مو بديه

يالرايح ارض النجف زور سيد الوصيين وعزيه بوفاة الرسول خاتم النبيين وكول يا ابى الحسن يا امام المتقيين عظم الله لك الأجر بوفاة النبي الأمين

يلي تعـد اهموم همي شيعده دفتر أبو الألفين ما يكفي وحده همك ألك مخصوص لتورج أحد ونــارك بدمع العين من تبجي تبرد

حوار بين أم عاشت في زمان الحب وأبنتها التي عاشت في زمان المال عندما جاء رجل يحبها لكن لا يملك المال التي كانت تحلم به فرفضته الأم:يمه الأجه أبن أجواد موش أبن غربه أصل الستر والطيب وأصل المحبه البنت:اليخطبني لازم كون اني الأريده عنده قصر وأموال وسويجه بيده الأم:أبكبرج وأجه الخطاب كتلهم...

فرفح دليلي عليك فرفح لما نط مثل ام ولد غرگان وتعاتب الشط منقول من قلب حزين

:66 (6):قصة الخطبة(بين الخاطب والمخطوبة) الخاطب (اصفن حبيب الروح وفكر بالاحباب) والي تفكر بي هسى يدك الباب المخطوبة(وينة اليدك الباب وينة اشو اتأخر) هسى اريدة يكون يمي لو اتفجر الخاطب (اجيتك اني اليوم وسندانة ورد وياي) وشفتك من بعيد تنتظر الجاي

حرموني نوم الليل رادوني أنساك خافوا أنام الليل من أحلم الكاك شاريكم أظل للموت لان انتوا أعز ناسي يظل حبكم نبع للروح يجري بدمي وأنفاسي

كلبي مو راح يذوب من كثر شوكه ونار فراكك من سنين مشتعله فوكه تحياتي للجميع

صفهـِن يرب الكون گلوب الاحباب ما أرجه من فرعون ترباة الاجناب 000 أنخه الله واهل البيت والبيه كرامه الكاتم ولانه النوب ما بيه علامه

الله ما يطلب من احد ويكله أبساع الله يأمر والكون كله لامره ينصاع يكول لشيء كن فيكون أبساع تطيعه الملائكه والرسل والناس ولسباع الي بسموات تعبده وحتى الي بلكاع بقلمي ارجو ان تعجبكم وارجو التصحيح ان وجد الخطأ وما ادري شنو أسموه ابوذيه او فارجو تسميته لي

دك البرد بلعظم وياهو الي يدفينه وبذكرى الاحباب تلفلفنه وتغطينه :66 (46):تحياتي:66 (46):

ستر وغطا انه وياك وندعي الله للدوم ولافــّـرق الله العـيــش بين البـشر يوم بقلمي

كل الخدم تنهان شفناه بالعين بس بكرامة اتعيش خدام الحسين حسان الدليمي

اطلب منك طلب يالرايح لكربلة اهناك من تدخل ضريح احسين الزملي الشباك

صباح الامس 26\1\2011 الساعه 9 صباحآ بيني وبين الشاعر الكبير الشيخ راهي سعيد آل ناطور..الديوانيه. الطف شهد ولبير بشافته العين أهدعش يوسف غير عباس الحسين.