أنته من تزعل يزاعلني الحنان وتدري بيه أشلون ما طخ راسي أنته شهگت روحي معناهه ممات ومن تردلي ترد بيه أنفاسي أثمل بحسنك الى حد النخاع وأرد أكاسر شفتك وي كاسي, آنه لجروحي فلا يرهم طبيب بس رهمت أشلون وي جروحي جرح بيه تعلعل وأدمن عليك وروحي طلعت ياهو اليرد روحي

تعـال من الـهجر طوّلت الغيـاب ييمه الشوفتك مشتاكَه العيون انـمردكَلبي إعلـه بُعدك يبنـي وذاب من كـثرالبجي ماضلّت جفون أتلكَـه اليجـون بدمـع سجـاب ووصّي الجيتك ويـه اليروحون

ليش ترد ليش ترد بعد ما غابن النجمات ونورك مات وسنينك گضاها الليل ركضة خيل منعمرك بعد شتعد اذا انته بغيابك تدري ما تصمد

هذه القصيدة للمرحوم رحيم المالكي يعاتب بها نهر الفرات شلون تجري ومايك ازرك يا فرات وانتة ذنبك مو ذنب يفطر سما اتسابكت بالطف على حسين السيوف ومايك اول سهم في صدرة انرما وطاح ابو السجاد يم جرفك شهيد

غرام وليل وسنين ومحطات سهرودموع وهموم وحسافات العشك بكلوبنه يغني المواويل واجه المحبوب غفله وعالجرح فات مرلي واخذكلبي وهاك العيون حته ابينه نكرب المسافات امام وصارشباجك بلضلوع

& ضنيتك فرح & ظنيتك فرح بشفافي تنشال وتعوضني الحنين المن گـبل ضاع ولگـيتك بس جرح وبجفني سهران وتوسلت الظلوع اتشيلك اوجاع وتحملت الملامه وصوت الاعتاب وگـالو مو يبيعك هذا خداع وصدگـ صارت بعتني برخص الاتراب واجوني وعيروني وگـلت ماباع

إذا عابس تـجنّن سيدي بـحبك وبالحب للسيوف البيض مَـد نـحره ملايين المـثل عابس تصيح حسين جنّـنه وزرع بصـدورنـه الثـوره وقـفاً للقـنابل قـدّمينه أرواح وهاي أجسادنـه البالصحن منفجره

مولعبه من أگلك آنه أموت أعليك جربني أتعرفني أشلون أموتنلك اذا جتك منيه أومحد أوياك آنه أول أحبابك فدوه أروحنلك جمالك ماكو منه ومايصير أثنين مدري أشلون من صنعو جمالك قاسوه بألأنس والجان حور العين يوسف ماوصلك عمي هنيالك الجمال العد زليخه ركض چلب بيك

ديربالك من تصاحب أحذر يغرك حچي لسان ولبس الگمر أظلم تره ولونه سراب وهذا مولونه العليه لون الشمس لايغرك مضهر الحچيه جميل ولاتغرك بيض بدلات العرس الچفن معلوم أبيض وأنته شوف شسود من الچفن لوراح النفس حاول من الصاحب أدور بديك مونضيف أهدوم عنده أچم فلس

صح مني الغلط بس انه مو معصوم ماريدك بعد والعشره افضها وياك وكافي من المراوغ صرت عالحبلين شفتك ويه غيري وماكلت لك ليش

انصحك لا تغــــــــــــــش بدكَــــت الميزان ميزان العـــــداله ﭽـفوفـــــه مياله تاخـذهـن اليـوم وهـنَ مثـل المــاي شما تغــرف يضلن بــــس الوشاله ولا تصاحـب لئيــم وبيـه تامـن يوم يراويك الذهـــــــب ويبيعك خشاله ونصحك لا تبــاوع علـــى عراض النــــــاس لأن عرضك يصير برخــص السحاله

ماظل حبرعندي وقلمي خلصــان كَمت اترس دموع بشيشة احباري أبسمار اكتبت كــــل ذكرياتي وياك

ما اجفل ﮔـمت من طـاري واسـم الموت بـس طـاري الفراﮔ الـﮕـمت منــــه اجفل مخلبص غزلي كله وعمري بالمـﮕـلوب حايـﭻ انتـه صيـر وبيـه شــــــــــد وحل

السلام عليكم هذه اول مشاركة لي في المنتدى اتمنى اكون ضيفة خفيفة عليكم وتتقبلوني في عائلتكم الحلوة :66 (6)::66 (6): واتمنى تعجبكم القصيدة :66 (46)::66 (46): تكلي احبك بس بدون احساس يعني شلون ما افهم صرت قصدك اذا ودك تغير كلي دون اسرار لتحبني بكلامك حبني بودك

وين ماتردين روحي... بطلت ماتهواج روحي :66 (46)::66 (46)::66 (46): شلون ماحاول طريقي وياج مسدود ولو ماكو مثلها عيونج السود اريد اترك هواج والغي الوعود ويساعدني على النسيان نوحي وين ماتردين روحي... بطلت ماتهواج روحي :66 (46)::66 (46)::66 (46):

محلاها طين الدور خلص حياته الفجر---يتعنه درب النور يوصل لنقطة صفر--- ويرجع يرد يدور انسان يترك اثر--- وانسان ما مذكور وملوك صارت عبر--- وملوك ماكو اگبور واوطان ضلت اثر---واوطان بس السور يا بشر رده القدر --ويابشر ضل معمور المن تعلي الحجر -- والمن تشيد اقصور

أنه منكتب قصيده أطيها حقــــــــــــــه وتتبعني القوافي مغمضه متشــــــوف

أرتضيتك مـرض سل وتـاكل إجلاي وكَلتلك يالـعزيز إشبع عوافـي آنـه ويـاك مـانـختلف بالـراي جسمين اونعيش إبكَلب صافـي امنشوفك أنسه روحي وترجف اعضاي وبالـحچي السلس تعثراشفافـي ودّعـتك وداع الـكَـاع للـمـاي واحس بُعدك جبل ساحك...

تستضيف رابطه شعراء المدائن نجوم الشعر الشعبي كاضم اسماعيل كاطع -سعد محمد الحسن-ايهاب المالكي-ناظم الحاشي-علي سلمان غالي في مهرجان الربيع الاول يوم 21-3-2011 الساعه التاسعه صباحاً على قاعه ناحيه الوحده وسيبث المهرجان في برنامج-الشعر قضيه- الذي يقدمه الشاعر علي سلمان غالي على قناه المسار...

نسيت اوما نسيتك لان اني انسيت الكلب راح او تركني ولك منطيني صاير انسى روحي من اريد انساك ورجع بيك افكر واني ناسيني عشكتك جرح يوجع بيك شفت الموت او هسه من طبت رايد تجافيني شفت بيك الطبيعة او شفت بيك الناس وشوفك بيه من اتشوفني ابعيني يعني ..؟ يعني الجسد انته يعني انته الروح

من چنت أجوع أبعسر أرسم على التنور شخاطه وأرسم حطب وأرسم خبز وطيور وأذبحهن أبفكرتي وأكلهن ومستور وهسه أمنجوعن گمت ماأدري بلطبشور شرسم أفكاري أنتهت لاخبز لاعصفور تاليهه من جوعتي كمت أكل التنور

يالطولك حلـو يالراهي بـممشاك يالنكَلت إجدامك للكحل مرود يالخصرك نـحيل يـميل ويه الريـح وحـته الريـح إلك ياترف تتودد يالوجهك كَـمر يتباها بيه الليل من حكَها النجوم بـحضرتك تنشَد يالشعرك حرير إيلمه چف الليل خافنه بـهبوب الريح يتفرهد إلك ركَبة غزال ونافرمن الصيد وإلك نظره سهم عالكَلب...

ادور بيك بيه اوخفت ما الكاك اوخفت غيري يشوفك خاف يندلك اباغت روحي بيك اوكلت ما موجود وشرد بيك منك وارجع اوصلك ياهمزت وصل سبحان من سواك ياحايل ثمر من راسك الجدمك اولان كلك حلو واجب اغار اعليك اغار اعليك منك لو شفت ضلك شمس عل كاع تمشي اونور وجهك نار يا اترف ترف وذوب من لمسك

( ( حزن بحزن ) ) فتحنا عيونا على الدنيا والظلم بين أيده تلگانــا ما شفنا الفرح يوم لا و لا يوم دگ بابنا وأجانــا عذاب وهموم وفوگ القهر الزمن حملنا أحزانــا عرفنا عدد النجوم شگد ما ظلت عيونه سهرانــا

ضمنتج حلوه ومعدله ومهيوبه.. لوله الزمان الاغم جا حبج انوبه.. بيني وبينج دهر والدهر كال التوبه.. العشك ما يعرف فرق بين الكمر والطوبه.. اثنين بالحب ابتلوا شايب ترف كركوبه.. وابنيه مثل الكمر مشتعله عليه صوبه.. يكله عوفيني يا بنت الناس آنه اللج عوبه.. تكله اشلون اعوفك وانت بالكلب لهلوبه.. عواصف...