نبني لغيرنة ونسكن بالايجار

[رضوان النجفي]

خـلـصــت يــاوطـــن بـــــس مـــــو سلامـات
كـحـلـنـه الـجــفــون وراحـــــت الـعــيــن

عـلــى نـــاي الـبـواچـي بيـوتـنـه تبـات
وعـلـى دفــــوف الــرمــي تــفــز الـدرابـيــن

مـــره حـسـيـن اجـــه يـــدور بـالـوجـوه
عـلــى عـبــاس بـيـنــه وتــــاه الـحـسـيـن

شـكـثـر يـمــه حمـلـنـه اهـــات وجـــروح
وهـالـگـد بـاشـطــات ســيــوف الـسـنـيـن

مــــل مــنــه الـرصـيــف وســاحــة الــســوگ
وطـردتـنــه الــشــوارع والحـيـاطـيـن

بـعـنـه الـخـبـز واحـنــه بــشــدة الــجــوع
وگـلـنــه تــهــون اذا ظــلــت عالـطـحـيـن

وتـراودنــه الـنـفـس عـــن مـــدة الايـــد
وحـسـمـنـه المـشـكـلـه وگـطّـعـنـه الـيـديــن

ولبسـنـه الـعـوز ثــوب مـفـصـل افـصــال
ومـصـيـوغ عـلــه گـدنــه بـطـيـب خـاطــر

جــــوع ومــــوت حـــــد مـاتــگــدر تــكگــول
خـلـصـنــه الـعــمــر نـحــفــر مـگــابــر

وجـعـنــه وبـسـطـيـنـه بــمـــاي الـعــيــون
مــحـــد يـشــتــري دمـــــوع الـنــواظــر

ومـــزاد الـجــرح صـحـنـه بـحـاجـة الـبـيــت
وبـعـنــه اقـلامـنــه وبـعـنــه الـدفـاتــر

وجگاير...جگاير...جگاير هاك اخذهه وشوفهه شلون
تداوي البيه جرح والگلبه حاير

وبـعـنــه ويّ الـجـگـايـر نــــار الـگـلــوب
شـكـثــر شــالــت حــمــل عــنــه الـجـگـايـر

هـيـمـه وحـــال شـجــره بـنــص الـرمــال
شـيـظــل بــالعمر والـجـايـهـه اعــصــار

نسيـنـه الشـتـه وبعـنـه هدومـنـه شـلـون؟
اجـانـه الـبــرد واحـنــه بـطــرگ الاعـمــار

خـــذت مـنــه شـكـثـر حــــرب الـتـقـاريـر
وحــــرب ذلــــه وخبـزمـنـهـن ولاصــــار

وعتيگ....عتيگ شكثر صحنـه بّيـن البيـوت
وبچه علـه احوالنـه شچـم شـارع ودار

وعــمــال اشتـغـلـنـه بــــدور الاغــــراب
نـبــنــي لـغـيـرنــه ونـســكــن بـالايــجــار

وحـمـالـيــن صــرنـــه ونـفــتــر دروب
فــــــوگ هـمـومــنــه يـحـمـلـونــه هـــمـــوم

عـمـر بالـسـوگ يـخـلـص هـــم عـمــر هـــاذ
واصـبــاغ الـشـمـس تـلـعـب بـالـرسـوم

هـســه نـگــول هـانــت والــوكــت دار
ســيــف الـشـمــس طــــاح وشــــگ الـغـيــوم

الــبــس عـالـجــرح يــاوطـــن جـلــبــاب
مـكـتـولــه الــجـــروح الــحـــدر الــهـــدوم

واحـنــه ارگـابـنـه نسـويـهـن جـســور
الـــك واصــعــد عـلـيـهـن فــــوگ الـنـجــوم



ميثاق الهلال

[ام فيصل]

قصيدة رائعــة يارضوان يافراتي ياجديد

تحمل حزن في كل سطر مر بيهه

والمثل يكول -- مابعد الصبر الا الفرج

والعراقي يجوع - ويعره - ويكدح ويتعب

بس ابدا مايمد ايده

وهذا هو العراقي الأصيل راعي الكرامة

احسنت -- ولك تحياتي

[سلام الدراجي]

عاشت ايدك رضوان قصيده رائعه مليئه بالحزن والشجن بس ان شاء الله تفرج تحياتي الك

[aliraqia]

من احسن القصائد الي قريته بعمري
شكرا اخي
وبارك الله بيك
تحياتي لك

[اسدالعراقي]

:66 (46)::66 (46)::66 (46)::66 (46)::66 (46):
شكرا اخي العزيز رضوان
على القصيدة الجميلة والرائعة
اختيار موفق لقصيدة مميزة
http://up.foraten.net/uploads/64d7738e18.gif (http://up.foraten.net)

[عبد الكريم البصري]

احييك اخي لاختيارك لهذه القصيدة الروعة

[محمد السوداني]

عاشت ايدك قصيدة في قمة الروعة
سلمت يداك بوركت اخي العزيز
تقبل تحياتي وودي
ننتظر منك المزيد


الــبــس عـالـجــرح يــاوطـــن جـلــبــاب
مـكـتـولــه الــجـــروح الــحـــدر الــهـــدوم

[رضوان النجفي]

مشكورين ياجماعه على الردود الجميله ما قصرتوا
وارحب بكل من محمد السوداني وعبد الكريم و اسد العراقي و aliraqia و الزير الروماني و ام فيصل تحياتي لكم جميعا
هدفنا التميز بالمواضيع:66 (46):