مطارده شعريه ب(((الدارمـــــــــي))) [الأرشيف]

ابو الليث الليثي

28-06-2011, 07:09 PM

السلام عليكم اخوتي الشعراء الكرام0000
لابد لنا ان نحول مشاعرنا الى كلمات وحروف
ومن اجل ان نسعد الاخرين من القراء00ارتأيت هنا
ان نقيم مطارده شعريه في الشعر
(((الدارمــــــــــــــــــــــــــــــــي)))

ولمن يحب من اعزائي القراء والمشاركين هذه نبذه عن
اوزانـــــــــــــــــــــــــــــــــــــــه
0000000000
ينظم هذا اللون من الشعر من شطرين000
وهو من البحر الســـــــــريع
ووزنه(مستفعلن00000فعلان00000مستفعلاتن)
مثال 00من الدارمي المشهور00
ماتنسمع رحاي بس ايدي اتديــــــــــــر
اطحن بكايه الروح موش اطحن اشعير
00000000000
من تفعيلة البحر السريع000
مستفعلن0000مستفعلن000مفعولات
000000000000
طريقة المطارده
00000000000
كل اخ يحب المشاركه يبدا بالحرف الاخير
من قافية الاخ الذي قبلـــــــــــــــــه
00000000000
شكرا لكم وهذه مشاركتي الاولى

00000000
دم مو دمع دم طاح دمع اليحبون
واني شكثر مانوح طيحت العيون
********************

تحياتي لاخوتي محبي هذا اللون من الشعر0000
والبعدي000
حرف--ن--

000000000000000

فاتن وهيب شاعرة المنتدى

28-06-2011, 07:29 PM

حيا الله ابو الليث موضوع المطاردة احبه هوايه وابدي

وياك بحرف النون

ناوي برحيلك هاذ تقطع الوصال
لابعد دمعي يفيد ولاحجي الينكال

حرف اللام

مع تحياتي

ابو الليث الليثي

28-06-2011, 07:42 PM

فتونـــــــــــــــــه انتي الروح ومن يكدر ايعوف روحــــــــــــــه

لا مااعوف هواي لو كطعوني
هو العمر والروح وصبي عيوني
000000
تحياتي الك اخت فاتن وباكورة خير يارب
0000000000
--ي--

فاتن وهيب شاعرة المنتدى

28-06-2011, 07:48 PM

ممنونه الك ياابو الليث وحرف الياء

يابس تراني عليك كل روحي نشفت

والكلب من فركاك كل ساعه ينهت

حـــــــــــــــــــــــــــــــرف التاء

ابو الليث الليثي

28-06-2011, 08:12 PM

تحيتي لك اختي الفاضله فاتن

تينه بوسط بستان حراسه ظــــــلام
كالولي هيه دواك واني بضعف عام
0000000000

--م--
شكرا وتحيتي الك اخت فاتن

فاتن وهيب شاعرة المنتدى

28-06-2011, 09:58 PM

ممنونة منك ياابو الليث

حرف الميم اكولك بيه

مالي شغل بالسوك مريت اشوفك

عطشانه سبع سنين واروى من اشوفك

حرف الكاف

ابو الليث الليثي

28-06-2011, 10:55 PM

تسلمين فتونــــــــــــــــــــــــــــــــــــــــــــــ ــــــه

كل عمري الج مظموم بس مري بيه
شماتي فرحانين ضحكوا عليـــــــــــه

شكرا
حرف
--ه--

فاتن وهيب شاعرة المنتدى

29-06-2011, 07:36 AM

صباح الخير والعافية على اعضاء منتديات الفرات الحلوين

وحرف الهاء

هاك أخذ كلبي وياك يلماشي لهواي
كله انزرف بجفاك وبوصلك شفاي
حرف الياء

وسلامي للجميع

الشاعر محمد الحميداوي

29-06-2011, 03:38 PM

يردوني اعوفك ليش اهلي وبلا اسباب
وانته ويه روحي تعيش بيك الجرح طاب

تحياتي لكم فاتن وابو الليث
---ب-----

ابو الليث الليثي

29-06-2011, 05:32 PM

ياهلا وغلا اخي ابو جاسم بيك وباختنه فتونه
وبكل اعضاء منتديات الفرات الكرام
سلمكم الله جميعا
ورد على حرف الباء

بين الجفن والعين خليتك اتنام
خفت الرمش ياذيك بطلت الاحلام

0000000000000
--م--
تحياتي وحبي لكل اخوتي واخواتي اعضاء المنتديات

الشاعر محمد الحميداوي

29-06-2011, 06:48 PM

ما ادري شنهي البيك خلاني اهواك
كلبي بهواك يذوب بلوه ابتله وياك

تحياتي الك ابو الليث انته والعزيزه فاتن
----ك-----

فاتن وهيب شاعرة المنتدى

29-06-2011, 06:57 PM

مراحب يالغاليين عليه وحرف الكاف اكول

كل مااكول انساك ارجع واحبك

مثل الزرع والماي كلبي ويه كلبك

هم كاف

ابو الليث الليثي

29-06-2011, 07:51 PM

تسلمون يعيوني واخواني واصدقائي
عن جد نحن اصبحنا عائله واحده واخوه واصدقاء خارج ارادتنا
حزين ابقى يوما لاارى مشاركه
لاختي وحبيبتي وعزيزتي فاتن
وكذلك الاخ محمد العزيز الذي شارك معنا في قافلة الاحباب مؤخرا
واصبح سريعا من المتقدمين في الركب
وكل احبابي واخواني اعضاء هذا البيت الذي احتوانا
شكرا لكم جميعا0000000000
شكرا للاخ foraten.net/?foraten.net/?foraten.net/?foraten.net/? foraten.net/?foraten.net/?foraten.net/?foraten.net/?foraten.net/?foraten.net/?foraten.net/?00 الراعي لهذا الصرح الكريم00
على فكره foraten.net/?foraten.net/?foraten.net/?foraten.net/? ابن ولايتي بس ماشايفه0000
شكرا لكل الاخوه المشاركين معنا00
همنا الوحيد اسعاد اخوتنا00والتواصل مع الجميع

وهذا الكاف 0000
وتكرم اختي العزيزه 0000فتونــــــــــــــــــــــــــــــــه000
اني استاذنت من الاخت فاتن00كلتله احس بسعاده من اكتب اسمك
فتونـــــــــــــــــــــــه
وسمحت الي جزاه الله خير
00000000000

كل يوم اكول انســـــــاك شو حبك ايزود
انترس كلبي وفاض بين بالخـــــــــــــدود

هذا حرف الدال
00000000000

فاتن وهيب شاعرة المنتدى

29-06-2011, 09:01 PM

دوم التريده الروح مبتعد عني....
ليش الحبيب وياي مايفتهمني

وتحياتي يالغالي عليه

حرف الياء

محسن المفرجي

30-06-2011, 01:59 AM

يامن الك بلروح مسكن ولك دار

ردلا تروح بعيدكلبي التهب نار

مع اجمل تحياتي
للمشارنين

ابو الليث الليثي

30-06-2011, 09:49 AM

ياهلا وغــــــــــــــــــــــــــــــلا
بيك اخوي العزيز المعمار000
شرفت واحسنت0000000

وهذا حرف الراء

ردت الزمان يدور واتلاكــــــــه وياك
جا شفت حالي شلون تايه بليــــــاك

تحياتي لاخواني الغالين
0000000000000

الشاعر محمد الحميداوي

30-06-2011, 05:58 PM

كل ما اكول نسيت اذكـــر وارد ليك
شايل خرز يهواي بس هاي اشك بيك
تحياتي لكم
----ك----

فاتن وهيب شاعرة المنتدى

30-06-2011, 08:13 PM

مساء الغلا على حبايبي الطيبين

وحرف الكاف يكول

كافي ياروحي الم كافي ياكلبي جراح

اذاني جرح الندم من ولفي عني راح

مع تحياتي

حرف الحاء

:66 (46)::66 (46)::66 (46):

ابو الليث الليثي

30-06-2011, 08:35 PM

تحياتي لاحبابي وهله ورحب بيكم
شرفتوني وتستاهلون عشه بس عالجايات
00000000000000
وهذا حرف الحاء

حيل ارد اشم محبوب كلبي من الاكيه
بلكن تروح الروح مني وتضل بيه

وحرف الهاء

فاتن وهيب شاعرة المنتدى

30-06-2011, 09:01 PM

اهلا وسهلا بيك بس عزيمتك هاي على العشاء

عزيمه مصلاويه ههههههه

وحرف الهاء يكول

هذا انت يالمحبوب يابعد روحي
مجروح وبملكاك هادت جروحي

مع تحياتي وحرف الياء

كبريــاء رجـل

30-06-2011, 09:10 PM

ابداع من بعد ابداع
عاشت الايادي جميعاً

يابعد هاي الروح ياضوة العين
من دون كل الخلك عندي شمسين

حرف السين

ابو الليث الليثي

30-06-2011, 10:10 PM

شرفت ونورت كبرياء رجل
مليون هله ومرحبه معنا في هذه المطارده
التي هدفنا فيها00ادلاء اخواننا بدلوهم كل بما يحب ويحسن

تحياتي لحبايبي فتونه وابو جاسم
وكل اخواني اعضاء هذه العائله الكريمه

وحرف السين

سلم عليه وروح لاتبطي يهـــــــــواي

راح اضل ويه النوح ومراجف اجلاي
0000000000000000
--ي--

فاتن وهيب شاعرة المنتدى

30-06-2011, 10:23 PM

يتشابهن بالضوك ملحك وملحي
بس انه فوك الزاد وانته على جرحي

ومراحب بيكم يالغاليين عليه

الشاعر محمد الحميداوي

01-07-2011, 04:59 PM

يمه الكلب مقبوض من ساعة الراح
يمه الوداع يصير بالعاشك رماح

----ح-----
وتحياتي للجميع

ابو الليث الليثي

01-07-2011, 05:49 PM

هلا وغــــــــلا اخوي ابو جاســـــــــــــــــم

وهلا باختي العزيزه فتونــــــــــــــــــــــــــه

وجميع اخوتي وحبايبي
شرفتو ونورتـــــــــــــوا

حبك ثبت بالروح كصبه بوسط هور
كل وحده ميه اتصيركلما بزغ نور

وهذا حرف
--ر--
تحياتي لكل اخواني وحبايبي

فاتن وهيب شاعرة المنتدى

01-07-2011, 09:58 PM

مساء الصباح ههههههه على حبايبي الطيبين

حرف الراء يكول

ريتك تحس الصار وتشوف الجروح
جرحي انا مو بضماد تلفه ويروح

مع كل الحب للجميع

ابو الليث الليثي

02-07-2011, 01:03 AM

اهلا حبايبي الحلوين
الف هله بفتونــــــــــــه
00000000000
حسبالي كلبي اضماد يشفيلي جرحه
ثاري الجرح كتال بعدك يفتحــــــــــه
000000000000
--ه--
وتسلمون حبايبي

فاتن وهيب شاعرة المنتدى

02-07-2011, 02:09 PM

هلا وغلا احبابي مع حرف الهاء

هاك أخذ هاي الروح عذبها بيدك
وصلت لحد الموت وتصيح أريدك

مع تحياتي

حرف الكاف

الشاعر محمد الحميداوي

02-07-2011, 04:40 PM

الف هلا ببو الليث وفتونه الورده والكل المشاركين وهذا حرف الكاف

كافي الوجه يندار عني وتبعدون
مو دمعه اصبن لا صبيت العيون
-----ن------
تحياتي

ابو الليث الليثي

02-07-2011, 04:49 PM

ترليون هله بحبايبي
000000000000
نامت عيون الناس وعيوني تتناك
بس لو تمر وتشوف رك شوفي بجفاك
0000000000000
تحياتي

الشاعر محمد الحميداوي

02-07-2011, 05:10 PM

كل اليغمض العين ما فاكد احباب
اليفكد حبيبه بظيم حتى الكلب شاب
تحياتي الك ابو الليث والف هلا

فاتن وهيب شاعرة المنتدى

02-07-2011, 05:49 PM

هلا وكل الهلا بيكم

بالك تغث الروح روحك تهمني

يعني انت روح الروح مو قطعة مني

مع سلامي

حرف الياء

الشاعر محمد الحميداوي

02-07-2011, 06:02 PM

هله بفتونه ودام ابداعك
يامن تريد تروح هاك اخذ كلبي
ما اصبر بلياك يشهدلي ربـــــــي

-----ي---- تحياتي

فاتن وهيب شاعرة المنتدى

02-07-2011, 06:26 PM

هله بيك ياشاعرنا الورد وحرف الياء اكلك بيه

ياخلي لو صديت كلبي يريدك
موت وحياة الروح ياخلي بيدك

حيا الله الجميع

حرف _ك_

الشاعر محمد الحميداوي

02-07-2011, 07:22 PM

كلمن يموت وياك هنياله مرتاح
حبك علاج الروح ويطيب اجراح

تحياتي فتونه
-----ح-----

الصابرة

02-07-2011, 07:57 PM

عاشت ايدك اخوية ابو ليث شعر يخبل

ابو الليث الليثي

02-07-2011, 07:58 PM

هلا وغلا بحبايبي000

حبك مردلي الروح وعمالي العيون
هذا اني اشوفك دوم لو ترحل اشلون
00000000000000000
تحياتي00للحلوين000000
اعتقد محمد احلا منه فتونـــــــــــــــــــــــه
هههههههههههههههههه
لان حلو مخلي صورتـــــــــــــــــــــــــه

--ن--

الشاعر محمد الحميداوي

02-07-2011, 08:15 PM

هله ببو الليث الغالي وانون يكول

ناوي الرحيل شلــــون وكليبي عندك

جا اخذ هاي الروح خرزه اعله زندك

انته الاحله ابو الليث طبعا اني احله من فاتن
ههههههههههههههههههههههههههههههههه

فاتن وهيب شاعرة المنتدى

02-07-2011, 08:45 PM

هلا والله يالجمالك سومري ونظرات عينك بابلية والك حرف الكاف

كون بضلام وليل والدنيا هوسه.

حتى اركض انه عليك واخذلي بوسه

حرف الهاء

وعليهم

ههههههههههه

سلامي لابو الليث الوردة

ابو الليث الليثي

02-07-2011, 09:09 PM

حبايبي الاعزاء فتونه ومحمد0000
اكيد اني احلا منكم اثنينكم000000
الزموا الخشب000000000
ههههههههههههه
0000000000000

هي السنين تعود وتكلي تانــــــــــي
صدكني صار اسنين منتضرك اني
0000000000000000
تسلمون يحبايبي العندي احلا
من الحلوين000
انتم نور عيوني
000000000000

فاتن وهيب شاعرة المنتدى

02-07-2011, 10:49 PM

ياراحة ياأفراح تلتم عليه
غير القهر وأحزان هواللي بيه

مع سلامي يالغاليين عليه

شاطئ السلام

03-07-2011, 12:46 PM

اجمل صباح اليوم وبعمري بس هاي *** شلت الغطه وفزيت لن عيني بهواي.

تحياتي للجميع

فاتن وهيب شاعرة المنتدى

03-07-2011, 02:15 PM

هلا وغلا بااميرة الروح والك الياء

يايوم افز والكاك باحضاني غافي

ياجوري يارمان ياعسل صافي

مع سلامي

شاطئ السلام

03-07-2011, 02:46 PM

لوگتلك انه أنساك أحســــبني چذاب
وأنت أغله من الروح وأغله من الاحباب

شكرا غاليتي فتونة
تحياتي للجميع

الشاعر محمد الحميداوي

03-07-2011, 04:42 PM

هله باميرة الروح وكل الطيبين في هذا المنتدى واتمنه مازعلت فاتن لئن كلت اني احله منهه لها كل الود والاحترام

ماانسه ابد هيهات لو كطعوني
التم واكوم النوب حبك جنوني

-------ي-----
مع تحياتي الى كل المبدعين

ابو الليث الليثي

03-07-2011, 05:15 PM

صدقوني غلاتكم فعلا بغلاة عيوني

فتونه000محمد 000اميره

انتم اخوتي اصبحت جزء منكم00حينما ادخل واشاهد درركم
التي نثرتموها في محراب الفراتين
احس ببهجه ماتقابلها بهجه
شكرا لكم00ياربي ديم هذي الخوه
من اين تجد هكذا اخوه في هذا الزمن المادي
سلمتم وشرفتم واسعدتم
00000000000000

ياهو اليريد ايشوف شتسولف الروح
انتم ضوه للعين بلسم للجـــــــــروح

--ح--

الشاعر محمد الحميداوي

03-07-2011, 05:42 PM

هله بابو الليث المبدع والله انك اخ عزيز وغالي ولي الشرف شخصيا بل ارتديت تاج الفخر بمعرفتك دمت اخا واستاذا عزيزاوهذا رد حرف الحاء

حاولت انه انساك لن روحي انه نسيت
بس من الناس محبوب الي صفيت
---ت----
مع تحياتي للمبدعين

محسن المفرجي

03-07-2011, 06:00 PM

سلام الله ورحمته وبركاته على الجميع

(حرف الياء)
يلماشي صوب اهواي بالله ارد احاجيك
بكلبه الهواك الشوك مالحظه ناسيك

تحياتي للجميع

ابو الليث الليثي

03-07-2011, 07:23 PM

ابو جاسم انته اخوي وتاج راسي وعيوني
الله يسلمك وهذا كله من اخلاقك العاليه
تحياتي الك 00ولاخواتي العزيزات
فتونه بعد هاي هي الملح مال المطارده
ههههههههههههههههههه
وعزيزتنه واختنه اميره اللي التحقت بموكب التعب
وشلعان الكلب0000
بس هو تحويل الفرح والالم الى سطور 00تعبه حلو000
شكرالكم000

تايه واريد وياك لاتجفي عني
صدك يبعد الروح همك كتلني
0000000000000
--ي--

شاطئ السلام

03-07-2011, 08:27 PM

ياهم تشيله الروح ياهم تحطه
كلما أصفي الماي دهري يخبطه

* * * * * * * * *
حرف (الخاء)

ابو الليث الليثي

03-07-2011, 08:54 PM

هـــــــــــــــــــــلا وغلا باميره
تحياتي لكل حبايبي
وهذا حرف الخاء

خلي اليصير ايصير بس انته اليه
عندي انته تسوى الكون واكثر شويه

00000000000
حبايبي

عراقيه للاابد

04-07-2011, 07:19 AM

عجبني الموضوع وحبيت اشارك يسلمووووووووو
هم قهر هم فراك هم قسمه سوده
الحظ يمشي بالمكلوب واعمه اليكوده

الصابرة

04-07-2011, 08:57 AM

ياكمر تالي الليل وصلي الاخبار
نايم حبيب الروح لو مثلي محتار

فاتن وهيب شاعرة المنتدى

04-07-2011, 01:59 PM

اهلا وسهلا بيج ياصابرة بالمطاردة ولكن المفروض الرد يكون بالحرف المنتهي فيه

الدارمي وهو حرف الهاء

ها كتلي وين اتروح ها رح اكلك
من ازعل اني وياك امشي وية ظلك

فارجو الرد يكون بهذا الاسلوب ونفس الكلام موجه الى الاخت اميرة الروح لان الرد

كان خطأ بالنسبه لدارميها السابق مع تحياتي للجميع

شاطئ السلام

04-07-2011, 02:31 PM

كافي هجر وجراح يا مالك الروح
كلبي الك متبوع شما تبعدوتروح

شكرا حبيبتي فتونة ولاتزعلي مايكون خاطرك الا طيب

فاتن وهيب شاعرة المنتدى

04-07-2011, 02:59 PM

ماكو زعل انشاء الله يالغالية اميرة الروح
وحرف الحاء يكول

حسبالي خوش وليد سلمتك الروح
عكرب تريد اصير تلدغني وتروح

مع تحياتي

شاطئ السلام

04-07-2011, 03:29 PM

مع تحياتي لكي ياغالية وللجميع وهذا بحرف الحاء

حيران أذب حسرات وبعيني دمعة...
مشتاكـَ أريد اليوم صوتك أسمعة..!!!

ابو الليث الليثي

04-07-2011, 05:58 PM

نورتي اختي العزيزه الصابره وياهلا والف مرحبه بيك وبالغاليات فتونـــــــــــــــــه

الذي لاتمكن ان ادخل المنتدى الا وتكون متواجدهلان المنتدى وقتها يكون

منور00واختي الغاليه اميره التي اعطت للمطارده نكهة الطيب والجديه

واشلون انسى حبيبي واخوي وصديقي محمد0000انتم جميعا نور للعيون حياكم الله ودام هذه الاخوه الصادقه00

وهذا حرف الهاء

هلت هلال العيد هليتو كلكم
انتو النفس بالروح وعيوني منكم

0000000000000000
تحياتي

الشاعر محمد الحميداوي

04-07-2011, 06:23 PM

تحياتي الك تاج راسي ابو الليث والى الجميع
وحرف الميم يكول
منك فلا موجود بالدنيا والكون
لعيونك استعداد نوكف يمزيون
-------ن------
تحياتي

ابو الليث الليثي

04-07-2011, 08:47 PM

عيوني اخي العزيز ابو جاسم

0000000000000
نوكف الك خدام بس مر علينه
دربك نصفه شموع وفراش ادينه

0000000000000000000
تحياتي لاخياتي العزيزات اليوم مابين النور00000000

ياربي ابخير انشاء الله
00000000000000000000

شاطئ السلام

04-07-2011, 09:00 PM

تحياتي للاخ ابو الليث الليثي اتمنى ماأشارك به يعجبك وهذا دارمي أخي الشاعر محمد بحرف النون

نوم المخدة ايلوگـ للباله خالي
ومنين اجيب النوم وانته اعله بالي

فاتن وهيب شاعرة المنتدى

04-07-2011, 11:33 PM

ياروحي يادنياي ياحبي الأول.... بسك هجر وفراك البعد طول

مع سلامي للجميع منورين

فاتن وهيب شاعرة المنتدى

04-07-2011, 11:53 PM

منور بيك المنتدى ياابو الليث وممنونة منك وحرف اللام ارد اني عليه

لا تظن بيه اظنون لا ترمي سهمك
ابقه الوفي وياك واحمي اني حدك

مع تحياتي للغاليين عليه

شاطئ السلام

05-07-2011, 04:26 AM

تحية عطرة حبيبتي فتونة وللاخ الغالي ابو الليث الليثي

كف كافي كف ارجوك كف كافي واسكت
البنيه التحب اثنين هم تنحسب بـــــــــت

سيف المشهداني

05-07-2011, 09:05 AM

تين ومشمش ورمان كلهن بجسمه
احتار من اشوف هواي ومنين الزمه

تحيه لكم

ابو الليث الليثي

05-07-2011, 01:49 PM

ياربي اديم هذه الاخوه الصادقه
تحياتي لكم احبائي الكرام
سلمكم الله ورعاكم
000000000

تالي العمر وياك ياريت اخلصه
لحظه العمر ويروح والدنيه فرصه

تحياتي لحبايبي
0000000

شاطئ السلام

05-07-2011, 01:57 PM

هم الليالي تعود واتعاتب وياك
احجايه للشمات خلاني فركاك

الشاعر محمد الحميداوي

05-07-2011, 05:26 PM

كافي العتب يهواي مو كافي لوعات
همك وهم الناس وجماله فركاك
تحياتي الكم احبائي
---ك----

شاطئ السلام

05-07-2011, 05:48 PM

كافي هجر وجراح يا مالك الروح
كلبي الك متبوع شما تبعدوتروح

تحياتي للغالين

حرف(الحاء)

ابو الليث الليثي

05-07-2011, 09:34 PM

تحياتي لحبايبي وياهله والف مرحبه بيكم
نورتوا وشرفتو

حاير شكول عليك يمدوهن الـــــــروح
مو بس دليلي انعاب كل جسمي جروح
0000000000000
تحياتي

فاتن وهيب شاعرة المنتدى

05-07-2011, 10:07 PM

حاير شحط بالعين ومنعها منكم
صبح ومسى وغروب تسالني عنكم

تحياتي وسلامي احباب قلبي

ابو سجاد العتابي

06-07-2011, 12:52 AM

ماظل دمع بالعين ابجي ترة دم

من هاجرت لليوم عايش انا بهم

الشاعر محمد الحميداوي

06-07-2011, 06:16 AM

هله وميت هله بمدعي الفرات تحياتي الك
مانادم اعله الشوك بس اندم انساك
تدري شيعذب الروح والكعبه فركاك
تحياتي يا رائعين

ابو الليث الليثي

06-07-2011, 07:37 AM

[quote=الشاعر محمد الحميداوي;1090324]
هله وميت هله بمدعي الفرات تحياتي الك

مانادم اعله الشوك بس اندم انساك
تدري شيعذب الروح والكعبه فركاك

تحياتي يا رائعين

السلام عليكم حبيبي ابو جاسم

خوفتني بكتابتك (مدعي)

استدركت بعدها انك تقصد مبدعي وسقطت الباء

شكرا لك اخي العزيز000
وشكرا للغاليه العزيزه فتونه000
وشكرا للعزيزه الغاليه اميره0000000000
وماشاء الله على هالعائله المبدعه المثقفه

منهو عنده هيجي عائله000
يربطهم رابط الاخوه والمحبه00
المتجرد من الماديه000
شكرا لكم جميعا0 اخوتي اعزائي نور عيوني
والله لايحرمني منكم0000

[/quot0000000000000000000000000000000000000000000000 0000000000000000000
e]

ابو الليث الليثي

06-07-2011, 07:42 AM

وهذا حرف الكاف
00000000000

كل مااملكه يروح فدوه لخيالــــــك
لاتنسه بله ارجوك خلني على بالك

تحياتي

شاطئ السلام

06-07-2011, 11:33 AM

كل ظني بيك ارتاح بيك اظوي داري
ثاري طلع يفلان حبك تجاري

تحياتي للجميع

ابو الليث الليثي

06-07-2011, 03:36 PM

اهلا اختي اميره000000000
تحياتي لاخواني وحبايبي0000000
000000000000

ياهواليكلك غير حظك تحصله

لو ظالم وخداع لو رده باصله

000000000000

تحياتي

الشاعر محمد الحميداوي

06-07-2011, 04:17 PM

تحياتي لكم يا رائعين اتمنى ان تكونو بخير وعافيه يا اجمل لمه عائليه
هامت عليك الروح مثل الحمامه
روحي ويه كلبي اليوم مثل اليتامه

تقبلو فائق ودي وتقديري

شاطئ السلام

06-07-2011, 04:40 PM

هجرك ياحلو صاير بلا حد
مثل سيف اليكص ركبه بلا حد

تحياتي للجميع ياأجمل عائلة

الشاعر محمد الحميداوي

06-07-2011, 05:03 PM

حلوه اميره رائع بس احب ان انوه على مساله هذا مو وزن دارمي هذا ابو ذيه ولكن جميل تحياتي الك يا رائعه

فاتن وهيب شاعرة المنتدى

06-07-2011, 07:53 PM

حبيبتي اميرة هذه ابوذية وليس دارمي

هجرك ياحلو صاير بلا حد
مثل سيف اليكص ركبه بلا حد
رحت عني وكلت ترجع بالاحد
اجه الاحد ولا جيت انته ليه ...

لذلك مراح نعتبره رد واصور العائله الكريمه اله نفس الرأي

ارجو المعذرة غاليتي لان احنا نحب نتعلم تحياتي لك

ونرجع ونرد على ابو جاسم بحرف الهاء

هالمره راح نشوف أغفر وأتاني
محتاره صار سنين اني وزماني

مع تحياتي للجميع

الشاعر محمد الحميداوي

06-07-2011, 08:07 PM

يابعد هاي وهاي وكليبي والروح
اتحمل الحسرات دونج والجروح
تحياتي الج فاتن وكل من يشارك معنا

فاتن وهيب شاعرة المنتدى

06-07-2011, 09:07 PM

حجي الحجيته وياي مرهم اليه

داويت كليبي بيه وماظلت اذيه

ممنونة منك ياغالي وسلامي للجميع

ابو الليث الليثي

07-07-2011, 09:08 AM

ياربي ايديم الحب والسعاده
تحياتي لحبايبي

وحرف الهاء
ها وينه حجيك ذاك وسوالف الليل
ومبادل البوسات والجاي ابو الهيل

بس سوالف
ههههههههه
تحياتي

الشاعر محمد الحميداوي

07-07-2011, 10:35 AM

سولفت بيك هواي وي روحي والعين
لحظة وداع وياك احسبهه انه سنين

تحياتي الك يا ابو الليث وكل من يشارك معنا
وهذا ----حرف النون-----

ابو الليث الليثي

07-07-2011, 05:53 PM

السلام عليكم عائلتي الكريمه00000000
رعاكم الله
نوكف نهار وليل تانين الاحباب
طلعواشبه مو صاغ والوعد جذاب
00000تحياتي

سيف المشهداني

07-07-2011, 06:17 PM

بيه تسع امراض عاشرهن الهم
وكل هذا ما انساج مخلوطه بالدم

كل الود للغالين

الشاعر محمد الحميداوي

07-07-2011, 06:19 PM

بالك تراهه الناس مو كلهم احباب
لو غمضت عيناك تلكاهم ذياب
تحياتي لك يا ابو الليث ولكل العائله الكريمه في منتدى الفرات

فاتن وهيب شاعرة المنتدى

07-07-2011, 07:42 PM

الله يبعد عنا الذياب بويه شبيك يامحمد وين احنا بالجبل ههههههه تحياتي الك وحرف الباء

بأخر نفس مخنوك وأتمنه اشوفك
واعذرني بس الموت يجبرني أعوفك

حرف الكاف

وسلامي للجميع وللاخ ابو الليث

ابو الليث الليثي

08-07-2011, 05:35 AM

تحياتي لاختي العزيزه فتونـــــــــــــــــــــــــــه
تحياتي لاخوي ابو جاسم00000000000000
تحياتي للاخت اميره الغائبه الحاضره بقلوبنه
تحياتي لكل من يساهم معنا000000000

-ك-
كبرت بكلبي جروحي بس جرحك اكبر
لااكدر اني انساك لاانت تجبـــــــــــــــر
00000000000
تحياتي

فاتن وهيب شاعرة المنتدى

08-07-2011, 10:42 AM

شكرا يالغالي ابو الليث والك حرف الراء

ريتك تحس الصار وتشوف الجروح
جرحي انا مو بضماد تلفه ويروح

حرف الحاء

مع سلامي

ابو الليث الليثي

08-07-2011, 04:53 PM

تحياتي الك يفتونه الغاليه
تحياتي لكل الاخوه الكرام
افراد عائلة المطاردات
000000000000000
حاير بجرحج بيش محتار الفه
قررت بالرمشين مو عندي كلفه
00000000
تحياتي لحبايبي الغالين
0000000000000

الشاعر محمد الحميداوي

08-07-2011, 05:22 PM

تحياتي الى ابو الليث والعزيزه فاتن والغائبه اميرة الروح وكل من ترك بصمه في هذه المطارده الجميله

هين عليك الشوك يالردت الفراك
وانته الكلت للموت خلينه عشاك
----ك-----
تحياتي للجميع تره ارجع الذيابه هههههههههههه

فاتن وهيب شاعرة المنتدى

08-07-2011, 08:06 PM

كالولي منهو ذاك كلتلهم هواي....
شنهو العلامة البي؟ رف كلبي وجلاي

حبايبي عساكم كلكم بخير وبصحة وعافية
تحياتي وسلامي للجميع

ابو الليث الليثي

08-07-2011, 08:37 PM

تحياتي للاخت فاتن وجميع الاخوه المشاركين معنا

ياهو اليكلي اشلون محبوبي اعوفه
ماعرف شنهو البيه يمكن ضروفه

تحياتي
0000000

فاتن وهيب شاعرة المنتدى

08-07-2011, 08:49 PM

هاي البداية وهيج التالي شلون
رايد سند ياناس ادعولي تهون

:66 (46)::66 (46)::66 (46):

مع تحياتي ياابو الليث الوردة

شاطئ السلام

09-07-2011, 04:58 AM

تحية صباحية عطرة لعائلتي الكريمة

نصفن نريد انشوف تاليت الفراق

اتعنى ولله زحوف لو مامشى الساق

تحياتي للجميع

فاتن وهيب شاعرة المنتدى

09-07-2011, 06:19 AM

صباح الخير يالغالية وحرف القاف يكول

قلبي عـلـيـك يـنـوح مانام لـيـلـه
مسألتي انا وياك صارت طـويـلـه

وسلامي

شاطئ السلام

09-07-2011, 06:55 AM

هاك اخذ كل اعضاي صفطهة بيدك

واحسبني دم محروم يمشي بوريدك.

تحياتي للجميع

ابو الليث الليثي

09-07-2011, 07:39 AM

السلام عليكم0000
اخوتي الكرام 000عائلتي الكريمه
تحياتي لجميع المشاركين معنا000
وجميع قراءنا الكرام
00000000000000000

كل ماتريد انطيك بس مر عليه
بس ساعه ردلي الروح واحسبه جيه
0000000000000000000000
تحياتي

فاتن وهيب شاعرة المنتدى

09-07-2011, 12:56 PM

هلا وكل الغلا بيكم يااحباب قلبي وحرف الهاء الكم اهديه

هاك اخذ كل عضاي لتضن اعوفك
بقيلي بس العين البيها اشوفك

وسلامتكم

شاطئ السلام

09-07-2011, 01:00 PM

كومة دفاتر هاي ودوها لامج
ضاعت خذتها الناس من شافو اسمج

تحياتي للجميع

فاتن وهيب شاعرة المنتدى

09-07-2011, 01:11 PM

حياج الله يااميرة وحرف الجيم يكول

جبت العمر ترحال من دار الدار
وبصت ابيع الشيب حتى ادفع الايجار

وتحياتي

الشاعر محمد الحميداوي

09-07-2011, 03:56 PM

تحياتي الج فاتن وهذا الراء
ريتج تجين اليوم واتسامر وياج
لحظه فراك سنين اقسم بليــــاج
تحياتي الى كل العائله الراقيه عائلة الفرات

ابو الليث الليثي

09-07-2011, 06:39 PM

ماشاء الله عيني بارده على عائلتي الكريمه
ياربي الجمعه دوم
سلمكم الله حبايبي
رعاكم
اسعدكم
0000000000

جنه00وربيع00وخير000يوم00التمرون
حاير شعزب بيش كلتي اهدي العيون
0000000
تحياتي لاحبابي
عائلتي الكريمه
00000000

شاطئ السلام

10-07-2011, 05:50 PM

تحية للعائلة الكريمة

ناسيني لو ع البال احجي الصراحة
ترة كليبي هايم بيك ليله وصباحه

فاتن وهيب شاعرة المنتدى

10-07-2011, 06:04 PM

حبيبتي اميرتي انشاء الله ماينساج لان انت حبوبه وغاليه علينا

هذا انت يالمحبوب يابعد روحي
مجروح وبملكاك هادت جروحي

مع تحياتي وسلامتكم

الشاعر محمد الحميداوي

10-07-2011, 07:54 PM

ياريت اشوفك كون بس ساعه وحده
مثل البحر بالشوك ماجزر مــــــــده

تحياتي لكم ودمتم من ابداع الى ابداع
---الهاء----

ابو الليث الليثي

11-07-2011, 07:13 AM

السلام عليكم
اكو واحد ينسه روحه لو عيونه
كل واحد من عائلتي الكريمه هوروحي واعيوني
تحياتي لكم جميعا

هانت عليه الروح اخذوه عدكم
صيروا النفس والعين بس ابقه يمكم
تحاتي لعائلتي العزيزه
000000000000000000

شاطئ السلام

11-07-2011, 03:09 PM

عائلتي الغالين تحية طيبة

ماادعي ع البذات بالذل والهموم
ادعي عليه يهيم ويحب فرد يوم

ابو الليث الليثي

11-07-2011, 05:00 PM

حبايبي سلمكم الله ورعاكم
وتكونوا دائما بالف خير وبركه
000000000000000
مو بيدي صدكوا الروح تجبرني احبكم
والليل اخلصه بنوح لو ماشفتكم
000000000000000000
تحياتي لكم

شاطئ السلام

11-07-2011, 05:12 PM

ما اصبر بلياك صدكًني محتار
فدوة الك هاي العين وضلوعي الكًصار
تحياتي للعائلة الرائعة

ابو الليث الليثي

11-07-2011, 07:34 PM

تحياتي الى حبايبي الكرام

فدوه الج هاي وهاي وكليبي والروح
فاض ومله الدلال ضل بالحب يفوح
000000000000000000
تحياتي

فاتن وهيب شاعرة المنتدى

12-07-2011, 04:51 PM

حقي من أحامي إعليـــج ياشجرة التيـن
ماي الربيـــتي إعليه من دمعة العيــن

مع تحياتي

الشاعر محمد الحميداوي

12-07-2011, 04:58 PM

تحياتي الى كل المبدعين
كل الحلات البيك جايبهه من وين
بخدك ورد واعناب وجماله بي تين

اسعد الغريب

12-07-2011, 09:15 PM

مو بس انتم شعراء

الدهر صاير جاي والدنيا قوري
ليش اليحب يهواي ينضرب بوري

اسعد الغريب

12-07-2011, 09:17 PM

حبك يبعد الروح خلاني ساهي
كمت اكل الصمون حسبالي كاهي

فاتن وهيب شاعرة المنتدى

13-07-2011, 01:48 PM

حيا الله اسعد الغريب صدك ثبتت عنوان اسمك مشاغب من الدرجة الاولى

بويه غير ترد بالحرف الاخير شنهي غير هيه مطاردة باصول لو اكتب واركض

بس تدلل يالغالي المهم شرفت بوجودك والف هلا بيك بس هالمرة نعديها

والمرة الثانية نحذفها وحق ربك ومية هلا بيك

ونعدل اللعبه ونرد على ابو جاسم الوردة والنون

ناسي ها مليت ها لو قرولك
لو شفت غيري ايلوك طوله ويطولك

مع تحياتي

شاطئ السلام

13-07-2011, 02:46 PM

كافي بعد وفراك خليني اشوفك
وحدك تضل بالروح لا ما اعوفك
تحياتي للعائلة الراقية

الشاعر محمد الحميداوي

13-07-2011, 03:42 PM

تحياتي الى العائله الرائعه لكم مني كل الحب

كل ما اكول انساك انسه اني روحي
ثاري انته بيه الروح منك جروحي
---ي---
تحياتي وحبي لكم

اسعد الغريب

13-07-2011, 04:26 PM

ههههههههههه على كيفكم وياي تره فقير هههههههه
سر وابتلي من احجيه ومن اسكت يشيع

حبك علي ينباع والشامت يبيع

ابو الليث الليثي

13-07-2011, 05:05 PM

اهلا بيك سعودي نورت
وانشاء الله ستكون عضو فاعل مع هذه العائله الكريمه
عائلة المطاردات الشعريه
حياك الله والف مرحبه بيك
تحياتي لكل عائلتي الكريمه وحياكم الله واسدكم وقواكم على هذا الحر القاتل

ان ساهمتم فشكرا لكم وان لم تساهموا فشرا لكم
لاننا جميعا معذورون وخاصتا ونحن على ابواب رمضان
ساعدنا الله وقوانا على هذه السنه

وهذا حرف--ع--

علمته حلو العين يخزر خزرني
ولمن تعلم زين صدلي وكتلني

0000000000000
تحياتي لكم

اسعد الغريب

13-07-2011, 05:09 PM

النور نورك حبيبي

يايمة يمتة تعود وتجمعنا الايام
بيدج تنشفين العين وتوعين الاحلام

ابو الليث الليثي

13-07-2011, 05:48 PM

شكرا عيني اسعد لمشاركتك
بس رجاء اطلع على تفعيلة الدارمي في مقدمة المطارده
حتى يكون ضمن بحره وتفعيلته الصحيحه
0000000
ويمكن ان يكون ماتفضلت به
على النحو التالي

يايمه يمته تعود تجمعنا الايام
بهيده الدمع نشفيه صدكيلي الاحلام
تحياتي لك اخي العزيز
شكرا لك0000

فاتن وهيب شاعرة المنتدى

13-07-2011, 08:51 PM

هلا ومرحبا بيك وحرف الميم

مل مني حتى الليل والكمر شاهد
بس بيك أفكر دوم للفجر كاعد

ابو الليث الليثي

14-07-2011, 07:36 PM

تسلمين يافتونــــــــــه يامبدعه
وهذا حرف الدال

دوخت كل الناس من وني عليك
كل مااكول انسيت اكثر احن ليك

تحياتي
000000000

**نور الهدى**

14-07-2011, 09:00 PM

كافي هجر وجراح يا مالك الروح
كلبي الك متبوع شما تبعدوتروح

تحياتي ابو ليث

فاتن وهيب شاعرة المنتدى

14-07-2011, 09:42 PM

شكرا يالغالي ابو الليث وحرف الحاء يكول

حبك غزل واشواك يا عشك عمري
وافديلك انه الروح بس مره مرني

وسلامتكم

اسعد الغريب

14-07-2011, 10:01 PM

حرف الياء

يالي عـــــفت بغــــــداد تنهــــشه الذياب
وشـــــبعت ذياب البين وعــافته لجلاب

ابو الليث الليثي

14-07-2011, 10:05 PM

نورتي ينور العيون000
وياهلا ويامرحبه بيك اختا عزيزه بين هذه العائله الكريمه

ومليون هله بيك فتونــــــــــــــــــــــــــــــــه000
صدكيني اعوف المنتديات اذا انتي ماكو0000

اختي اميره حبيبتي العزيزه
مبروك الاشراف00بس ديري بالك عليه
يابختي 0000
اخواتي اثنينهن مشرفات
منهو عنده هيج بخت00
ابو جاسم حبيبي انته وين0000
اني من اسباب فاتن000المره طردتني000بس اني صمدت
قبلك ابو نرجس الحلي0000حكمو عليه بعدم التقرب من المطاردات الشعريه
لان اليوم شفته يقره وماكاتب شي000
اخاف وصلك السره00000
هههههههههههههههههههههههههه
حبايبي الله يسلمكم ويرعاكم
يااحلا اخوان واحلا عائله
واحد ماشايف الثاني
0000000000000

ياهو الانشده عليج مايندل البيت
لاني العرفتج وين لا لهلي رديت
00000000000000000
تحياتي لكل حبايبي الغالين

**نور الهدى**

14-07-2011, 11:32 PM

تامر يبعد الروح لتريده مسموح

كل التريده يصير وترخصلك الروح

شكرا لك ابو اليث للاطراء المميز

فاتن وهيب شاعرة المنتدى

14-07-2011, 11:40 PM

والله عندك سوالف ابو الليث محمد هم صامد ميخاف والك حرف التاء

ياسابي القلوب

تدري احنه من نشتاك هاك اسمع شلون
نوزع سبيل نكوم من دمع العيون

حمودي لايخوفك ابو الليث اريد اسمع جواب منك

وسلامي

ابو الليث الليثي

15-07-2011, 12:12 AM

شكرا الك يعيوني ويااختي العزيزه نور الهدى
احبيبتنه الاخت العربيه التي ابت الا ان تكون ضيفه في قلوبنا
وعيوننا وتبقين بيننا00000000
شكرا لك واهلا بك اختا حبيبتا عزيزتا على قلوبنا
انتي الان روح شفافه مباركه تضاف الى هذه العائله
المتحابه
00000000

حسيت الك بالروح صارن مكانين

واحد بلب الروح والثاني بالعين

مليون هله بنور الهدى

مليون هله بحبايبي
نور عيوني ليزعلون عليه
هسه ايكولون الاطراء لنور الهدى ونسيتنا
هههههههههههههههههههه
انتم جميعا في نبضي
سلمتم اسعدني لله بكم
لابد ان تضيفنا نور الهدى
ولو بس ايام تموز واب
هههههههههههههه

ابو الليث الليثي

15-07-2011, 12:18 AM

عزيزتي واختي فتونه

انا وانتي نكتب في نفس اللحظه
موضوعك سبقني بثواني
تصبحين على الف خير
يانور العين ويادقة القلب
فتونه انتيلايمكن لي ان استغني عنك ساعه
واحده لااراك في المنتدى بس الصبر من الله

00000000000

شاطئ السلام

15-07-2011, 07:31 AM

تحية صباحية عطرة حبايبي

نحبك بس ظالمنا ولاتفكر تواصلنا
بعيد الناس تهواهم واحنه الود حارمنا

**نور الهدى**

15-07-2011, 05:01 PM

اريد انشد الدكتور ليجبر اعضام

شنهو دوا المكسور بكسرات الايام
......................................

ها انا قد عت كما وعتك اخي العزيز
ويسعدني الانضمام اليكم

تحياتي لكل المتواجدين

وشكرا مره ثانيه على كلماتك الرائعه

ابو الليث الليثي

15-07-2011, 05:04 PM

مساء الخير عليك وعلى كل حبايبي
اعضاء هذه الاسره المباركـــــــــــه

اموره وسط الروح قررت اخليج
خبلني كلبي يلوج بس يسال عليج

0000000000000
تحياتي لاخواتي واخواني
الفراتيين الاعزاء

●.فيصل الشمري.●

15-07-2011, 06:46 PM

مصـآإفحه أولى

لـ حرف الـ (ج)

جذبك طـلـع هـاليوم وأعلن ظهوره
تقلي يكفي الشوق تطبع الصوره

تحيــآإتي...~

الشاعر محمد الحميداوي

15-07-2011, 07:29 PM

تحياتي الى الرائع ابو الليث والى الغائبات الحاضرات فاتن واميرة الروح والى كل من انظم الى هذه العائله
هلبت تمر فد يوم وتشوف الاحوال
من همي والله تزول ما تحمله جبال
---لام----
تحياتي لكم

ابو الليث الليثي

15-07-2011, 07:49 PM

السلام عليكم
سلامتك حبيبي ابو جاسم
وين هاي الغطه الطويله
قلقنا عليك00قلت لفاتن انا من اسبابك ومن اسباب وردتك الحمراء الت كنتي تضعينها في توقيعك 00طردتني المراه من البيت00واليوم جاء دور محمد
ليلحق بي وباخ لنا كان هنا اسمه ابو نرجس الحلي00
لم نشاهد نشاطه معنا000
لكن الحمد لله خابت تصوراتي وهذا ماكنت ارجوه
ههههههههههههههههههه
اهلا بيك حبيبي واخي العزيز محمد0000
افتقدناك والله اتمنا من الله ان يكون المانع خير
التحقت بركب العائله الكريمه اخت لنا نعرفها جميعا
هي الاخت الاماراتيه نور الهدى
التي ستكون رفدا عزيزا لهذه المطارده
ياربي زد وبارك
00000000000وهذاحرف
الام

ليل التنامه الناس وكفه اني اكضيــــــــــــــــــــه
انطر حبيب الروح بلكت يمر بيـــــــــــــــــــــــــــه

تحياتي الى حبايبي واخواني
افراء عائلتي الكريمه
00000000000000

فاتن وهيب شاعرة المنتدى

15-07-2011, 08:40 PM

هلا بالغايب حمودي الوردة وهذا الدارمي الك خاص

هذا انت يالمحبوب يابعد روحي
مجروح وبملكاك هادت جروحي

ابو الليث شتكول هسه ارجع الوردة الحمرة

:66 (6)::66 (6)::66 (6)::66 (6):

ابو الليث الليثي

15-07-2011, 10:19 PM

هلو فتونــــــــــــــــــــــــــــــــــــــــــه
هله بيك ابو جاسم
سلامات
ايبين من فصيلتي ابو جاسم من المايخافون
بس انتضري هو اجانه بعد النوم
000000000000000
لتستعجلين
0000000000

ياهله بجيتك هاي نورت العيون
سهرانه تبجي عليك لتخلي فتون

تحياتي للاخت اميره العزيزه
00000000000000والاخت نور الهدى

سلمكم الله جميعا

فاتن وهيب شاعرة المنتدى

16-07-2011, 09:16 AM

هله والله ابو الليث اريد اكلك

ابجي عليه باليل والصبح انساه
قلبي بحلات الشوق بس تبقى ذكراه

مع تحياتي للغاليين

شاطئ السلام

16-07-2011, 04:23 PM

تحية للعائلة الراقية

همك.... وهم الناس وهم كل الهموم
لو وحدة منهن بيك ماتكدر تكوم

الشاعر محمد الحميداوي

16-07-2011, 04:54 PM

تحياتي وحبي وشوقي لكل الموجودين وبالاخص ابو الليث الرائع وفاتن وهيب الرائعه واميرة الروح الرائعه اهديكم اجمل التحيات ولا انسى اخوتي واخواتي في هذه العائله الرائعه واحب ان اجيب فاتن على الدارمي لئن اني حلو وبكيفي هههههههههههه

اتحده كل الكون وارجع والاكيك
بكلبي والك مشتاك وفرفح عليك

-ك-
تحياتي لكل احبائي مع ودي وتقديري للجميع

ابو الليث الليثي

16-07-2011, 05:22 PM

السلام عليكم
اهلا ومليون ---لا ترليون هله بيك ابو جاسم
ابو جاسم وحشه بلياك النوب خبصتنه فاتن
محمد حلو ومحمد حلو
ههههههههههههه
الله يسلمكم ويحفظكم وياربي اسالك ان تديم هذه الاخوه الصادقه
عيوني وحبيباتي واخواتي
فاتن واميره ونور الهدى
انتن نور عيوني واخواتي وعزيزاتي
الله يسلمكن من كل شر
ويديم هذه العائله المترابطه فيما بينها
----------------------------
وهذا حرف الكاف لعيونك بو جاسم

كلما احبك حيل ارجع وحبك
حسبالي عني بعيد ثاريني كلبك
============
تحياتي لكل اسرتي الفراتيه لكبيره

الشاعر محمد الحميداوي

16-07-2011, 06:39 PM

هله ومليون هلا بتاج راسي واستاذي ابو الليث الغالي تحياتي الك
وتحياتي الفاتن ونور واميرة الروح
وهذا الك ابو الليث
كلبك صرت واروح اني ادري بيهه
بس الك عيني تلوب عاين عليهه
--هاء----
تحياتي

فاتن وهيب شاعرة المنتدى

16-07-2011, 08:15 PM

هاليوم انه وياك بس أرمش أشتاك....
جا شنهو بيه يصير لو صار الفراك

وسلامتكم

ابو الليث الليثي

17-07-2011, 08:30 AM

حبيبي ابو جاسم يسلملي كلبك
اخوي العزيز
عائلتي الكريمه انا لااجد الكلمات التي تليق بمقامكم
سوى ان اقول لكم
والله احبكم نفس حبي
لاخوتي واولادي
سلمكم الله
00000000

وهذا حرف الكاف فتون
0000000000000
كون الكلب بي باب وتفتحه بيدك
وتشوفه يالمحبوب شكد يريدك
0000000
وتشوفه يالمحبوب صرت انته نبظه
اكعد ونام هناك صدكني يرضــــــــه
00000000
صدكني يرضه اتصير وي دكته دكه
من الورق شفاف بعدك يشكـــــــــــه
00000000
بعدك يمزق الروح ويطفي العيون
ويشمت العذال واللي يكرهــــــون
000000
عذالي تدري كثار منعوني منـــــــك
وانته بحنين الروح تمنعني عنـــــك
000000
انته بحنين الروح ماتنصف وياي
مامره يمي تبات ماتكعد ويـــــاي
0000000
مامره يمي تبات وتكلي مكـــــــــدر
وانته الصلاه والصوم صايرلي واكثر
0000000000
انته الصلاه والصوم واهلي وعمامي
لا 00عندي اكثر حيل 00بس00مااكول اسامي

000000
منهو انته حبيبي
ياريت اعرفك
ههههههههههههههههه
تحياتي لكم حبايبي

فاتن وهيب شاعرة المنتدى

17-07-2011, 09:26 PM

الله عليك ياابو الليث يارائع يامبدع عمي هنياله لحبيبك على هذا الحب كله وعليهم وهذا الك الدارمي

يعيني هلكد تفيض شوك ومحبة
طيب وعالاخلاق كلبك تربّة

ابو الليث الليثي

18-07-2011, 07:21 PM

تحيتي الى اخوتي الكرام
ابناء هذه الاسره الكريمه اسرة المطاردات الشعريه
شكرا لكم تحيتي وحبي
0000000000000
وهذي الك فتون

تتبره مني الروح لو يوم اعوفك
ظلمه وضباب وغيم يوم المااشوفك

تحياتي
00000000

فاتن وهيب شاعرة المنتدى

18-07-2011, 09:01 PM

ممنونه منك ياابو الليث وهذا حرف الكاف

كل ضنك انـه انسـاك هذا التضنـه ؟؟
خلصت دمـوع العين والونه ونـــه

وسلامتكم

شاطئ السلام

19-07-2011, 05:42 AM

صباح جميل على عيون عائلتي الغالية

هاي دمعاتي جرت ولا تضن دمعي يهيـد
والله لو حبك رصاصه بحبك انه اول شــهيد

ابو الليث الليثي

19-07-2011, 09:17 AM

السلام عليكم اختي العزيزه اميره000
وسلامي الى كل العائله الكريمه00جعل الله ايامك كلها سعاده وخير ونجاح
اختي اميره00رايت الاخت مفاتن تهنئك
لااعلم بالضبط ولكن00اتمنى من الله ان يسعد ايامك
0000000000000000
دومك حبيبي وياي بالشده واكف
بس ماكلت فد يوم مصلي الشفايف
00000000000
تحياتي لجميع العائله الفراتيه

شاطئ السلام

19-07-2011, 10:46 AM

اخوية اشكرك على كلامك الراقي ومشاعرك الاخوية النبيلة والغالية فاتن هنئتني بمناسبة خطوبتي على ابو علي الصكر ولعيونكم عائلتي هذا الدارمي

" فخختْ " روحي اليوم كل هذا لجلك
ولو مارضوا ينطوك انفجر بهلك

ابو الليث الليثي

19-07-2011, 07:04 PM

ياربي افراح دائمه وبالخير والتمام000
شكرا لك اختي العزيزه00بعد ماكول حبيبتي خاف يزعل
ههههههههههههههههه
تحيتي لجميع اخوتي اعضاء هذه العائله الكريمه
ياربي اتكونو جميعا بالف خير
بس لتعوفينه000
ياربي يوم لفاتن حتى اخذ منها الاشراف
ههههههههههه
00000000000000

كل الحبايب كون بالحب يغركون
والعمر فرحه وخير دايم يفرحون
000000000000
ياربي سعاده وافراح
دائمه

فاتن وهيب شاعرة المنتدى

19-07-2011, 09:16 PM

شكرا على الدعاء ابو الليث اني جربت حظي وانتهى يوم انشاء الله للبالي هههههههه

وحرف النون

نخله انه وي الريح اتحرك ابسر
هذه اني حالي ايصير من اسمك يمر

ابو الليث الليثي

20-07-2011, 01:52 PM

السلام عليكم تحياتي لكل عائلتي الكريمه
0000000000

ريت السعه بفركاك ياولفي عني
مثلي يظل محتارويصيبه حزني
0000000000000

الشاعر محمد الحميداوي

20-07-2011, 04:37 PM

يامن تريد الروح هاك اخذ روحي
انته الجرح وتصير بلسم جروحي
------ياء----
تحياتي الى كل عزاز كلبي احبابي ادعولي اخطب احب انحب شبيكم تره يتيم وخطيه والله مع حبي لكم

ابو الليث الليثي

20-07-2011, 05:42 PM

هلا وغلا ابو جاسم
تحياتي وحبي لك ولكم عائلتي الكريمه
ياربي زوج اخي وصديقي محمد الحميداوي
انسانه طيبه طيبة قلبه
ووفيه وفائه لعائلته
0000000000

ياكلبي شنهوشبيك من يجبل اهواك
ترتجف سعفه بريح وتفارك اجلاك
0000000000000
تحياتي لكم اخوتي الكرام

الشاعر محمد الحميداوي

20-07-2011, 06:46 PM

تحياتي الك ابو الليث وانشاء الله تاخذ الثانيه بس اطلب لجوء احسن ههههههه
كل ما اكول انساك ارجع واذكرك
شنهو الجمال البيك عذبني سحرك

شاطئ السلام

20-07-2011, 08:18 PM

تحية عطرة لعائلتي الغالين وشكرا اخوية ابو الليث الليثي للتهنئة نادني بأي أسم شئت ابو علي مايزعل ويعرف احنا هنا كلنا عائلة وحدة واخوة

كـلك ذهب يا ذهب .. مابيك ذرة تراب
والصادقك ما خسر لا وحگـ داحي الباب

لكم مني اعطر التحايا

ابو الليث الليثي

20-07-2011, 10:08 PM

ياهلا وغلا اختي العزيزه
اختي العزيزه00اللهم ربي يجعل حياتك اسعد من السعاده
ويجعلكم قلب واحد ويد واحده

عزيزتي واختي فتونه اتمنى لك كل الخير والبركه والسعاده
عزيزي ابو جاسم000
تحياتي لك 00اذا اردت ان تسعد فتزوج اربعه
هههههههههههههههههههههههههه
000000000000000
بين الكلب والروح محبوبي موجود
ويكلي عني بعيد0لو تكدر ازود

00000000000000
تحياتي ومعذرتا اخواتي العزيزات
لما نقلت
ناقل الكفر ليس بكافر

فاتن وهيب شاعرة المنتدى

21-07-2011, 09:15 PM

انت خليت شي يابعد كلبي كون اعرف الكاتب هذا حتى اعرفه مقامه اكو احسن وافضل من المراة

هاي المراة الي جعل الله الجنه تحت اقدامها لان خلقت مظلومة ويكفي انها حملت به قابل الله سبحانه

وتعالى نزله بزنبيل مع تحياتي الك ولكن الي سؤال واحد هل هذا رايك ايضا بالمراة ؟؟؟؟؟؟؟ مع الشكر الجزيل

فاتن وهيب شاعرة المنتدى

21-07-2011, 09:18 PM

دمك وسط هالروح ومكحل أيدي

مثل العسل والله يمشي بوريدي

شاطئ السلام

22-07-2011, 04:50 AM

تحية صباحية معطره بعطر الورود احبتي عائلتي بس من النساء هاي هي احنا فريق وانتو فريق واؤيد اختي فاتن على رأيها اذا انت ابو الليث مامؤمن بالكلام ليش تنقله وليش تعلم محمد هو خطية ناقص عقد شوف اشكد ناصرية آني

ياذهب ماننساك لوتعمه لعيون
شرق وغرب بغداد فدوه الك يرحون

ابو الليث الليثي

22-07-2011, 05:22 PM

بسم الله الرحمن الرحيم
تحياتي لكن يااخياتي وحبيباتي العزيزات
انتي فتونه تعرفين رايي بالمراه والا كيف لي هذا الراي واقول
انتن نور عيوني000
انتن نور عيوني فعلا000
والله المراه المتعلمه لايعادلها00عندي مال الدنيا باكمله
المراه هي الام والزوجه والاخت والحبيبه00
المراه هي الحياة باكملها000
اذا كانت متعلمه000اما الجاهله فلا عتب عليها
واغلب ضني ان المقصود هي المراه الجاهله
وقالو ناقل الكفر ليس بكافر0000
ولكني اجد نفسي فعلا في تقصير
اسفي0000لك ولكل اخواتي وعزيزاتي وسامسحه مع اعتذاري
لكن لي طلب اختي فاتن واميره0000

ارجو ان تطلعو على محاظره للعالم

(مارك جونجر)

والتي بعنوان 00بين عقلين00
فقط للاطلاع

وان ماكتبت مسحته مع اعتذاري
000000
تحياتي لكم جميعا
0000000000

اسف يبعد الروح مو قصدي اجرح
انته الضوه البالعين وبجيتك افرح
000000000000000

انت الضوه البالعين والنبضه بالروح
شبو وعطر قداح من تجبل ايفوح
0000000000
شبو وعطر قداح ومكاسر بهيل
من يمي ليلي نهارلو ماتمر ليل
00000000000000

تحياتي حبايبي الاعزاء
هذا كله من اسباب محمد
ورطتني
هههههههههههههههههههه

فاتن وهيب شاعرة المنتدى

22-07-2011, 06:06 PM

مقبول اعتذارك ياابو الليث بس حتى المراة الجاهلة لها اسباب لجهلها ولكنها ايضا لها فضل كبير

على الرجل ومشكور

والحسن احلف دوم مابعد اجيكم
اوصل لحرف النون وارجع عليكم

وارد بحرف اللام

لو تحسب النجمات وتعرف عددهن
والله وعلي الكرار حبك بكدهن

وسلامتكم مع الشكر لاختي وسندي امورة الوردة

الشاعر محمد الحميداوي

22-07-2011, 06:13 PM

الله ليجيب الزعل الهاي العائله الرائعه وكل نساء العالم ميوصلن للمراه العراقيه الاصيله والحياة بلا نساء كأرض لا تظلها السماء وهذا لا يحدث لب الحياة هي المرأه وتحياتي الك يابو الليث الرائع والى اميره الروح الورده والى فاتن الغاليه
وحرف النون يكول
نار الكلب بالروح عاين عليهه
دنيا وبلا نسوان شلي انه بيهه
----الهاء----
مع تحياتي

فاتن وهيب شاعرة المنتدى

22-07-2011, 06:25 PM

الله عليك ياحمودي الورد وارد عليك واكول

ها يابعد الروح هذا جوابك
كل العشيرة تروح فدوه لشبابك

مع كل الحب والاحترام وسلامتكم يالغاليين عليه

ابو الليث الليثي

22-07-2011, 06:39 PM

تحياتي لكم حبايبي
واسال الله ان تدوم هذه الالفه والمحبه بين هذه العائله الكريمه
محمد انتي استدرجتني لتوقعني بشر اعمالي
ههههههههههههههههههههههه
انت السبب
تحياتي الك حبيبي واخي وصديقي محمد
تحياتي لاخواتي العزيزات فاتن واميره
سلمكم الله وحفظكم
0000000000000000
لااعرف اين اصبحت الاخت نور الهدى
بيانها تاخرت عن القافله
ياربي اتكون بالف خير
0000000000000
كون الكلب بيه باب وتشوفه عينك
جا كتلي عفيه شلون يسكت ونينك
000000000000000
تحياتي لحبايبي

فاتن وهيب شاعرة المنتدى

22-07-2011, 07:56 PM

كون الكلب بي باب ينفك تشوفه
لو شفت غيرك بي حقك تعوفه

مع تحياتي احباب قلبي

شاطئ السلام

22-07-2011, 09:18 PM

العفو غاليتي فاتن هذا أقل واجب وهاي هي أخوية ابو الليث سماح هالمره صوج محمد ورطك وهو كام يبيع شعارات هههههههه روح محمد والهوى بظهرك هالمرة عليك صرت ناصرية

هايم وفكر بيك يالودعتني
نعم الله جفك لاح من شيعتني

ابو الليث الليثي

23-07-2011, 06:44 AM

صباح الخير والعافيه عليكم حبايبي وعيوني
اسعد الله كل صباحاتكم
شكرا الكم على السماح وجل من لايخطئ

شكرايبعد الروح كلكم تعذرون
افصل واضل مطلوب يمته التشرفون
00000000000000
تحياتي لكل حبايبي

الشاعر محمد الحميداوي

23-07-2011, 04:26 PM

السلام على من حبهم اصبح نبض في قلبي ابو الليث وفاتن واميره الف بوسه الكم من حلو المنتدى ههههههههه
صيري ناصريه اني وابو ليث منخرب عله عناد النسوان هههههههه
ناسيني وانته الروح وانته اغله مني
ليش اعله غفله تروح تبتعد عنـــي
----ياء---
مع تحياتي الاحباب كلبي

ابو الليث الليثي

23-07-2011, 05:47 PM

تحيتي لحبايبي الاعز من الروح
000000000000000000

ياعيني ياامور ياروحي فتون
حمودي لب الروح وصبي العيون

0000000000000000

الشاعر محمد الحميداوي

23-07-2011, 06:05 PM

تحياتي الاحبابي وهذا ردي الابو الليث الورده
نور انته يا ابو الليث ومرافك العين
وفاتن واميره اليوم صارنلي روحين
ارجو القبول وتحياتي الكم تاج راسي

فاتن وهيب شاعرة المنتدى

24-07-2011, 03:04 PM

ممنونين منك ياحمودي ياعلم وحرف النون

نشدوني هم حبيت كَلتلهم اهواي

ردت أحسب احتاريت بس أنته وياي

وسلامتكم

الشاعر محمد الحميداوي

24-07-2011, 04:33 PM

تسلمين يا ورده يا فاتن وتحياتي الى كل احبائي ابو الليث واميرهوهذا حرف الياء

يامن كلتلي اهواك ليش انته ما جيت
نار بغيابك صــــــاركلبي اني شبيت

تحياتي للجميع

شاطئ السلام

24-07-2011, 07:33 PM

تحية عطرة حبايبي العائلة الغالية
تكلي لامرتاح لانامت العين
إسمع مثل مضروب عود الصبر زين

ابو الليث الليثي

24-07-2011, 10:38 PM

السلام عليكم
تحياتي لحبايبي العائله الكريمه
0000000000000000
نار وتشب بالروح يوم المااشوفك
انفضح لو امر بيك لابيه اعوفك
0000000000000000
حبايبي

**نور الهدى**

25-07-2011, 01:41 PM

السلام عليكم جميعا

كافي كذب يهواي اعرفت طبعك

كلما تكول اتوب ترجع النبعك

تحياتي ابو اليث

سلام الدراجي

25-07-2011, 04:00 PM

گلبي اليحن أعليك ينبضلك أدموع

وسن الضحك وياك ثابت بالضلوع

فاتن وهيب شاعرة المنتدى

25-07-2011, 09:44 PM

علة بوسط هالروح ماتخفة عنك
جايبهة بالحسبات وجروحي منك

تحياتي ياغاليين

**نور الهدى**

26-07-2011, 07:13 AM

كنت النضر للعين وروح بوسط روح

تاليها يالبذات تتركني مجروح

بنت السلاطين

26-07-2011, 07:49 AM

حاولت أنساك ياأعز خلاني
وأبعد عن كل شي به ذكراك
<><><><>
وأعترفلك ماقويت أنسى لو ثواني
وماطرى بالبال غير طرياك

ابو الليث الليثي

26-07-2011, 08:57 PM

نورتوا حبايبي الاعزاء
سلام من الله عليكم ورحمةالله وبركاته

تحياتي الى ضيوفي الكرام الذي شرفوا
متصفحي
الاخ الدكتورسلام تكرمت وشرفت اخي العزيز
الاخت نور الهدى هلت علينا بعد غيبه طويله
ياربي اتكون خير
الاخت نهى شرفتي واسعدتي00اهلا ومرحبا بك بين اخوتك وعائلتك
ومليون هله فيك

حبايبي افراء عائلتي الكريمه
ياربي سلمهم واحفظهم
000000000000
هسه
--ك--
كلي الك يهواي ياروحي انت
ياعمري يادنيادي0ليلي السهرته
00000000000
وهذا الياء
يوم الاشوفك بيه بس هو عمري
لتطول الغيبات مو خلص صبري
00000000000
حبيبي دكتور سلام0اكيد كل مانكتب
هو ابداع ذاتي وليس نقل
00000
ولووووووووووووووووووو
لازم احنه مو بعينك
ههههههههههههه
حبيبي اخوي العزيز
هي مجرد لحظات نتمتع بها بتغير الرتابه التي نعيشها
في حياتنا اليوميه0
كل يدلو بدلوه
ومقدرته
========
شكرا لكم جميعا

بنت السلاطين

26-07-2011, 10:32 PM

:"يااروع الخلاان واغز الاحباب

انا الصديق لا قسا الوقت واظلم وانا الرفيق لازادت سود الاياااام :"

":تحيااتي لك ابو الليث :"

ابو الليث الليثي

27-07-2011, 05:11 AM

صباح الخير لحبايبي جميعا
صباح الخير اخت نهى000
شرفتو ونورتو0000

اخت بنت السلاطين00حاولي ان تجعلي كتابتك
قريبه من البحر المذكورفي مقدمة المطارده
وبالتدريج تكوني قداحترفتي الشعر الدارمي
شكرا لك
00000000000000

فاتن وهيب شاعرة المنتدى

27-07-2011, 01:30 PM

حرف الياء

يا كلبي بسك عاد لا تحنلهم
كل القهر و النوح والحزن منهم

وسلامتكم

سلام الدراجي

27-07-2011, 03:54 PM

ما نام انه والله سهران ليلي
يمعوده لا تغيبين موتي حيلي

مع تحياتي

ابو الليث الليثي

27-07-2011, 05:48 PM

تحياتي لكم حبايبي
سلمكم الله00000

ياكلبي كافي تنوح ونت كتلني

شبيدك على اللي راح طعناته ذني
00000000000000
سلمكم الله ورعاكم

نــونــة

27-07-2011, 07:22 PM

يلي تريد تروح روح الله وياك
ماريد اشوفك يوم ولا حتى الكاك
تقبل مروري

سلام الدراجي

27-07-2011, 08:32 PM

كافي حبيبي الروح خليهه ترتاح
من غبت حد اليوم بس اشرب الراح

شاطئ السلام

28-07-2011, 06:44 PM

تحية طيبة
حقي من أحامي إعليـــج ياشجرة التيـن
ماي الربيـــتي إعليه من دمعة العيــن

سلام الدراجي

28-07-2011, 07:25 PM

نار ألگلب بچفاك تسعر ولك حيل
وشفتك تطفي النار يل ريحتك هيل

ابو الليث الليثي

28-07-2011, 08:00 PM

تحيتي الى اخواني ابناء هذه العائله الكريمه

لو عندي عشر ارواح كلهن فدوتك
يامبرك الساعات البيه شفتــــــــك
مع ارق تحياتي
0000000000000

شاطئ السلام

29-07-2011, 03:56 AM

تحية صباحيه عطرة لعائلتنا الطيبة

كلما اكول انساك ارجع واحبك
مثل الورد والماي كلبي وي كلبك

ابو الليث الليثي

29-07-2011, 07:55 AM

تحيتي لكم حبايبي00000

عيني اختي اميره0000
كلما اكول انساك ارجع واحن ليك
انت النبض والروح عقلي ارتبط بيك

تحياتي
000000000

سلام الدراجي

29-07-2011, 04:53 PM

كرخ ورصافه بليل ومنوره بغداد

لابد تره تنعاد كل ذيچ الأمجاد

ابو الليث الليثي

29-07-2011, 06:48 PM

اخي العزيز د سلام
تحيتي لك اخي العزيز لتواصلك الكريم معنا
بيننا مشتركات00مسرور بك
اخواني اعضاء العائله الكريمه00مساء الخير عليكم
وربي يحفظكم ويسعدكم
00000000000
وهذي الك اخي سلام00

دامت000شكد مدوم لازم يجي الحل
يشفى المريض يكوم00والجاني ينشل
000000
يشفى المريض ايكوم وتعود الايام
سنبل يصير الهور تحقق احلام
00000
تتحقق الاحلام والصحرا تخضر
ماظل جثير تعود والباقي منطر
000000000
منطر وكت وتعود ذيج الليالي
تدري الظلم والجور ماعنده تالي
0000000
ماعنده تالي الجور والظالم ايموت
شفنه الظلمنه اشلون مااخذله تابوت
000000
هذا البلد مسكين واشور الناس
شفتوا الظلمنه اشلون(حاشاكم)
بالجزمه ينداس
0000000000
تحياتي لك اخي سلام

تحياتي لكل اخوتي الكرام

سلام الدراجي

29-07-2011, 08:22 PM

شكرا لك اخي ابو الليث لهذه الدارميات الرائعه
بارك الله بك ورمضان مبارك عليكم جميعا
صار مفهوم ؟

كلمن عليها فان ياليثي افهم

والناصر العدوان والله يندم

ارد انخي الطيبين اي وحق رمضان

تدري الامر بيدين قاسم سليمان

بالجزمه اي ينداس كلمن تره ايخون

ونشهد انه وياك وتشوف العيون

ذيج الليالي اهواي احسن من الحال

ياليثي شفنه انهار من دمنه السال

شفنه جثير انهار من دمنه يجري

لا اتكول انه ما شوف مو انت تدري

مع احترامي وتحياتي اخي العزيز ابو الليث الليثي

اخوك سلام الدراجي

فاتن وهيب شاعرة المنتدى

30-07-2011, 08:45 PM

عوفوا السياسه يااخوان وخلونا بالدارميات وجاينا رمضان شهر الخير والغفران

صحه ومحبه وخير شهر اليمر بيك

وشما تحب وتريد ريت الله ينطيك

مع كل الود

سلام الدراجي

30-07-2011, 08:53 PM

كلكم وفه وأخلاق وطيبه ومحنه

وبيكم أضل اشتم ريحة أهلنه
مع تحياتي

فاتن وهيب شاعرة المنتدى

30-07-2011, 10:29 PM

همي على هم الليل وي هم الاحباب
جن كمر تالي الليل من تمر عالباب

وسلامتكم

ابو الليث الليثي

31-07-2011, 10:31 AM

تحياتي لحبايبي

باب الك وسط الروح مفتوح الك مر
ادخل وسد الباب واحجيلك السر
0000000000000000000

رمضان مبارك
ياربي هونه علينا
00000000000

سلام الدراجي

31-07-2011, 12:27 PM

تحياتي لكم جميعا

ركب عيوني حروف بس بالموبايل

وطكطكني من اضوج وخل بالرسايل

سلام الدراجي

رمضان مبارك للجميع

ابو الليث الليثي

31-07-2011, 06:35 PM

اخي العزيز سلام000
اختي العزيزه000فتون00
اخواني ابو جاسم00والاخت اميره000
وينكم يلعيون0سلامتكم000
نور الهدى اكيد رمضان والتفكير به اتعبها
0000000000000000
وجدت هذا بيت الدارمي000
استميحكم عذرا ان اخللت بالحرف00
00000
دك رهن بالبوسات وتراهن وياك
لو تشلع انته شفاي لو اشلع اشفاك
0000000000
خلي اسبق رمضان واكتبه0
ليصير بالممنوعات

0000000000

سلام الدراجي

31-07-2011, 09:07 PM

دك رهن بالبوسات وتراهن وياك
لو تشلع انته شفاي لو اشلع اشفاك
الجواب
ارفض رهن وياك مو يعني خايف
خاف اشلع الخدين وي الشفايف
مع تحياتي

ام افنان

31-07-2011, 11:03 PM

مسية العافية عليكم ياشعرائنا واحب اشاركم واكول

يسألني البطران اعربلي كان

حسبالة مثل العام عقلي بمكانة

ورمضان كريم ع الجميع

ابو الليث الليثي

01-08-2011, 12:43 AM

عيني ام افنان0000
مليون هله000وصباح الخير والعافيه عليك وعلى اهلك وعائلتك
اخت عزيزه كريمه على قلوب هذه العائله المتحابه00

توه الكلب هاليوم سولفلي عنك
كلي حبيبك روح مفصوله منك

انتي اختنا وروحنا وقد فصلت منا
فاهلا بعودتك
0000000000

شاطئ السلام

01-08-2011, 08:16 AM

تحيه رمضانية احبائي عائلتي

كالو تشوف احباب من ترف عينك

رفت عليك العين بس انتة وينك

فاتن وهيب شاعرة المنتدى

01-08-2011, 06:19 PM

مساء الحب والخير والعافية

كلمن يكول انساك صدك اشاعة
اسمك يمر علبال كل ربع ساعة

سلام الدراجي

01-08-2011, 08:24 PM

السلام عليكم
هاك ابره هاك الخيط خيطهه الجروح
أنت سبب بلواي...عن عيني لا أتروح
مع تحياتي

ام افنان

01-08-2011, 09:52 PM

مساء الخير اهلي واحبابي ياسلام اكلك

هاك ابرة هاك الخيط خوية امشي عني

لو بية اشيل جروح جاشلت ذني

سلام الدراجي

01-08-2011, 10:18 PM

شكرا ام افنان
تحيه لك والكل اسره الفرات

ياربي يامعبود حقق الاماني
والتقي بالمحبوب ونكعد ثواني

مع تحياتي

نــونــة

01-08-2011, 10:21 PM

يلي نويت اتروح خذ كلبي بيدك
احسك بيه انت الروح ودمي بوريدك

ياما شلت بجروح ظلمك وهجرك
خاين تظل للدوم واتريد اعذرك
تقبلو مروري

سلام الدراجي

01-08-2011, 10:29 PM

تحيه رمضانيه للجميع
كلمن يكولن عيب كله انت مجنون
دارس عشك ياناس وي طب السنون
مع المحبه

نــونــة

01-08-2011, 10:33 PM

نايم وردت انساك غمضت عيني
بلحلم شفتك طيف زيد ونيني

سلام الدراجي

01-08-2011, 10:46 PM

السلام عليكم
ياگلبي رحب دوم بالاخوه الأحباب
وفرش ورد وإزهار يم عتبه الباب
مع تحياتي

**نور الهدى**

01-08-2011, 10:46 PM

السلام عليكم جميعا

يا مركب العشاك خذعيني وياك

بلجن تشوف هواي وتجيبه وياك

**نور الهدى**

01-08-2011, 10:49 PM

اسفه اخي الدراجي كتبنا بنفس الوقت

باجر اكحل العين بشوفت هواي

يدري احبه حيل مايصبر بلياي

سلام الدراجي

01-08-2011, 10:50 PM

گلبي اليحن أعليك بيه اثر منكم

اقسم قسم ياناس والله انه أحبكم

نــونــة

01-08-2011, 10:52 PM

ياما اسهرت واشكيت من جور الايام
اصبر واكول اتهون تتحقق الاحلام

**نور الهدى**

01-08-2011, 10:56 PM

ما تدري بيه شصار من كثر حبك

بالحلم اصيحن وين ليدليني دربك

نــونــة

01-08-2011, 10:59 PM

كلبك غدر بهواك وامشيت عنه
انت البعت سويت عشرتنه منه

**نور الهدى**

01-08-2011, 11:06 PM

هوه العشك مرات مايخله من العيوب

كلما كلت اتوب شو ارجع النــــــــــوب

نــونــة

01-08-2011, 11:13 PM

بيه الحزن مطبوع من صغر سني
ارجعلي كافي عاد بعدك كتلني

فاتن وهيب شاعرة المنتدى

01-08-2011, 11:53 PM

ياعيني بسج عاد بللتي الهدوم
الغيث الة ساعات وغيثج يهل دوم

وسلامتكم

نــونــة

02-08-2011, 12:34 AM

ميت انا بفركاك والون اليه
ساكت واكول يهون بعدك عليه

ابو الليث الليثي

02-08-2011, 12:49 AM

رمضان الخير والبركه عليكم حبايبي
سلمكم الله ورعاكم
وجعل ايامكم كلها خير وبركه كايام رمضان
شكرا الك حبيبتي فتونــــــــــه
شكرا الك اختي العزيزه تور الهدى
شكرا الك اختي نونه
حبيبي ابو جاسم سلامات
الاخت العزيزه اميره
ياربي يسلمكم من كل شر
000000000000

هانت علي الروح فدوه الكم اتروح
مو انتو روح الروح بلسم للجروح

0000000000