مطاردة شعرية (بالابوذية ) [الأرشيف] - الصفحة 2

فاتن وهيب شاعرة المنتدى

17-07-2011, 09:01 PM

السلام عليكم حبايبي الحلوين شنهو القضية اميرة

هيج زين جاوبوج ؟؟؟؟؟؟؟؟؟؟؟ يمعودة مو احنا حبايب ليش تزعليني منج هههههههه

والك ياابو الليث هاي الابوذية ولو يساعدك الله على النسيان بس يدلل علينا الغالي

احلى من العسل حبيبي وأصفه
علّة البيّة دوا مايرهم ولا وصـفه
ماأعرف جماله الحبيبي ولاوصفه
اعرف من احاجّيه تذووب اديه

الحرف الي بعدي غ

ابو الليث الليثي

17-07-2011, 09:37 PM

سلام عليكم
اهلا فتون لازم زعلانه على الدارمي
ياله هسه نجي اني ومحمد واميره حتى انراضيك
0000000000000000
غيابج اثر بروحي ولي ايـــــــــروح
صرت بالجاي مااهتم وليــــــــــروح
جرحتي الصاحي من عندي وليروح
حرام عليج شوفي شضال بيــــــــــه
0000000000000000000
تحياتي

فاتن وهيب شاعرة المنتدى

18-07-2011, 04:09 AM

صباح الورد والياسمين على كل الفراتيين

عمامي فدوة تروحلك و جدي
و صريح انه بحبي الك و جدي
لأخذ طاسة و بابك أجدي
بلكي من ادك الباب تطلع عليه

الحرف س

وسلامتكم

شاطئ السلام

18-07-2011, 03:04 PM

تحية راقية وجميلة بجمال قلوب عائلتي الغالين علي حبيبتي فتونة لاتزعلين علية والله انتي غالية علي واليوم آني فرحانة ماأريد احد يزعل ولعيونج حبيبة هاي ابوذية بحرف السين
سهول الناس عندي وانته راسي
سفن غركت ابحري وانت راسي
اخويه انت صديقي وتاج راسي
واعز منك ترى ماكــــو عليـــــــــــه
حرف (العين)

**نور الهدى**

18-07-2011, 04:17 PM

السلام عليكم

عايش اومختلي ابحالي وخالي
وشوف اهواي بعيوني وخالي
عمي ذب علي جمره وخالي
جاب امهفته وهفه عليه

تحياتي للجميع

فاتن وهيب شاعرة المنتدى

18-07-2011, 09:15 PM

حبيبتي امورة اني ماازعل من اهلي وناسي مجرد مزحة لااكثر

وبالخير عليج الخطوبه واتمنالج كل خير ويارب الله يكتبلج السعادة

ويكون قلبه مثل قلبج الابيض ياوردة قبلاتي الحارة واتمنى ترسلين

عنوانج برساله على الخاص حتى تشوفين هدية اختج الج ويدلل

الحلو علينا

http://www.alforat.org/imgcache/2/3181_alforat.org.gif

ابو الليث الليثي

19-07-2011, 09:44 AM

اهلا بيك فتون0000000000
اهلا بكل فراد العائله الكريمه000
ياربي الجميع بخير000000000
افراح دائمه انشاء الله00000000
000000000000000000000

الحلو يدلل علينه ويامــــــــــر
احلى من الشهد طبعه ويا مر
اذا قرر الي ايشرف وي مر
اقدمله العمر كله هديـــــــــــه
0000000000000000
تحياتي

شاطئ السلام

19-07-2011, 10:35 AM

اشكرك حبيبتي فتونة والله هاي الكلمات الراقية ةالجميلة هي اغلى من كل هدايا الدنيا وجدا ممنونه من خوتك الصادقة والرائعة
احبائي راح اختار حرف مني واهديها الك غاليتي فاتن بالاخص وللعائلة الراقية الطيبة

جمالك محير المخلوق صفين
اشما نكتب يظل الشعر صفين
من تمر كل احنة نصير لك صفين
صف اني وصف ياخذ تحية

حرف (التاء)

فاتن وهيب شاعرة المنتدى

19-07-2011, 09:00 PM

ممنونه منج يالغاليه ومعروف عنج الطيب وصدكيني فرحت الج من كل قلبي

وحرف التاء يكول

تدري بجفاك الكلب ماراد
وكتي وليريده عمل ما راد
بعالي الصوت اصيحن يرد ما راد
هلال اللي مشه ميعود اليه

حرف الميم

شاطئ السلام

20-07-2011, 08:11 PM

تحية رائعة لاروع عائلة

مصايب غربتي بهجرك لوني"
أفرح وأنسعد وأرجع لوني"
أمنيتي من العمر يمك لو أني"
تواسيني وتضمد جروحي الية

تحياتي للجميع

فاتن وهيب شاعرة المنتدى

21-07-2011, 09:04 PM

تحياتي الج ياغالية

تلوعنه وشفنه كل حلاوتهم ومرهم
والروح تمشي على طوعهم ومرهم
حبيبي دوه لجروحي ومرهم
تمنيته يجي ويحن عليــــــه

مع حرف الثاء

وسلامتكم

سجاد الرحال

21-07-2011, 09:20 PM

تحيه لكِ اختي العزيزه فاتن واقول

ثلج حبك ابنص كَلبي بلشته
بلشته اوياك وشنوتالي بلشته
كثيره اشيا ترآودني بلشته
مثل بلواك مامرت عليه
بقلمي المتواضع
تحياتي اختي وتقبلي مروري:66 (46):

شاطئ السلام

22-07-2011, 04:40 AM

تحية صباحية جميلة ورائعة بلون عيون احبتي عائلتي الراقية ربي يخليكم الي يارب ** انا أعاني دوم اللي قبلي ينسى يثبت الحرف وهم راح اختار اني الحرف (الياء)

يدنيا ارجوج مره صاحبينه
وعظم بالجسم ماظل صاحي بينه
عرفنه شكثر وشكد صاحبينه
ماكو مثلك وفي وصاحب اليه

حرف (الشين)

سلام الدراجي

22-07-2011, 05:15 PM

شبه خرزات عينك سبحه يسرا

وأحس نظرات منك بيه يسرا

أنام وياك يمنه أتريد يسرا

اشرايك لو شبك نغفه سويه

د \ سلام الدراجي

فاتن وهيب شاعرة المنتدى

22-07-2011, 05:45 PM

الله الله يادكتور سلام منور والله اليوم علينا وعاشت ايدك بس ياريت مخلي الحرف الي تريده

بوسـط دلالي نامــ - وانت ظلي
واذا حُبـــي ظلالــه - انت ظلي
اشوفك ؟ وين اشوفك - وانت ظلي
اذا جوه الضـــوّه تصير بيه

حرف الزاء

مع تحياتي

الشاعر محمد الحميداوي

22-07-2011, 06:03 PM

تحياتي القلبيه الى كل من ترك بصمه في هذه المطارده الجميله ومنوره فاتن اليوم ونكلهه الف هلالا

وحرف الياء يكول

يمته الدهر يا ولفي يلمنـــــه
ودرب ما ننطي للعاذل يلمنه
اموت وبيك اتحايه يلمــــــنه
يمن وصلك يرد الروح بــيه
------هاء ---- تحياتي للجميع

فاتن وهيب شاعرة المنتدى

22-07-2011, 06:44 PM

حمودي حياتم بساتم حرف الزاء وليس الياء بس ولا يهمك

زماني مرعبل ومجنون ويهاذ
وبعد مالتام ذاك الجرح ويهاذ
اهم ليلي اطفي هذا ويهاذ
اليابس والندي شبن سوية

وحرف الهاء الك ياحلو المنتدى

ها سل الكلب بجفاك هامات
ويامة اكبال سيفي انحنت هامات
اخبرك روحي نص اليل هامت
عليك وسحل جابتني من ادية

ومشكورين حبايبي

مع حرف العين

ابو الليث الليثي

22-07-2011, 06:56 PM

اختي العزيزه فتون
اخي العزيز ابو جاسم
اختي العزيزه اميره
اخي العزيز سلام منور0000الك وحشه من زمان مانورتنه بنورك
لكل حبايبي العائله الكريمه
ياربي عزيزنه دكتور سلام يشرفنا باطلالته الكريمه
ورفقته العطره
0000000000
وهذا حرف الهاء لابو جاسم

هله بجيتك حبيبي الف مره
ولو بالشهر سوي علي مره
من غيرك الدنيه اصير مره
دخيلك لاتشح وصلك عليه

--و--

ابو الليث الليثي

22-07-2011, 07:06 PM

فتون اني معاك نكتب في نفس اللحظه
بس ولايهمك لعيونك بس لاتزعلي
هذا حرف العين

على اللي صار مني نادم اني
ازعله شلون حبي النادماني
كلامي موش رايي ند ماني
رايي انت حبيبي وخل اليه
00000000000
تحياتي لكل حبايبي

فاتن وهيب شاعرة المنتدى

22-07-2011, 07:42 PM

وهلا ومرحبا بيك ياابو الليث واكول الك

غزال ايكول ماخذ شمرة منك
وعسل صافي اشحلاتك شمرة منك
تجي ساعات حنظل شمر منك
اجرعنك وكول اتحن علية

وحرف الشين يالغاليين عليه

شاطئ السلام

22-07-2011, 08:28 PM

حبيبتي فاتن المفروض تكولين لحمودي (حياتم بساقتبم )يعني حياتي واروحلك فدوة بالكردي اسأليني آني حبيبة اعلمج 3 موجات

شلون انساك يمعود وأجهلك
والله من الكمر خالق وجه لك
وافكر بيك وبكماطك وجهلك
وأحبك وأنت دوم تلعب بيه

(حرف السين)
تحياتي لحبايبي العائلة الراقية

فاتن وهيب شاعرة المنتدى

22-07-2011, 08:54 PM

ههههههههههههه هاي اكوله للضحك حبيبه اعرفها ممنونه ياغالية

سنة دمعي مله جفوني وسنا سال
وسنة مجنون خلاني وسنا سال
وسنة بحبال جتفني وسناسل
وسنة هدني وكعد يضحك علية

حرف الغين مع حبي

شاطئ السلام

22-07-2011, 09:07 PM

هو اكو غير الضحك ياغالية احنا كلنا أخوة بأذن الله

غالي والذهب مايرهم وصف لك
وأكتب شعر من كلبي وأصف لك
تعال بكلبي مدرستك وصف لك
وأذا تاخذ صفر انطيك ميه

حرف(الذال)

ابو الليث الليثي

23-07-2011, 09:45 AM

ياربي ايدوم الابتسامه البريئه على وجوه
الجميع وايديم الحب والاخوه الخالصه
اكيد كلنا نمزح لنتخلص من ظغوطات كثيره
نتعرض لها في حياتنا اليوميه000
سلام من الله عليكم جميعا
0000000000000000000
وهذاحرف-الذال-
ذوله احنه ذهب صافي طبعنه
مانزور واصلي طبعنـــــــــــــه
النحبه روحنه نهديه طبعنـــــه
ياخذ كلشي اليريده هديــــــــــه
00000000000000
حبي واخوتي وتحياتي
للعائله الكريمه

سلام الدراجي

23-07-2011, 05:22 PM

اعتقد حرف الراء

رميهم عبر حدنه مدفي عانه

وعلى اعدايه أصيرن مدفع انه

أتدافع عل الخيانة مادفع انه

أدافع للوطن حد المنية

اخوكم

د \ سلام الدراجي
الاخوه الاعزاء جميعا السلام عليكم
يفترض من جميع الاخوه ان يكتبوا من ابداعاتهم
وليس نقل مع تحياتي للجميع

فاتن وهيب شاعرة المنتدى

24-07-2011, 02:43 PM

سلامي للولف ياطيــر وصله
احبه ومن صدك محتاج وصله
كريم النسب ابن شيوخ واصله
اصل عز واصل غيره وحميه

حرف الف

مع تحياتي يالغاليين عليه

فاتن وهيب شاعرة المنتدى

24-07-2011, 02:48 PM

أزعل يا وطن وارجع اراضيك
وحن بغربتي لناسك واراضيك
بغير الفرح صدك ما ارى ضيك
واذا ًَمََرك حزن احسه بيه

حرف الباء

وسلامتكم

الشاعر محمد الحميداوي

24-07-2011, 04:43 PM

الف هلا بفاتن منوره والله حياتم بساتم وحده بوحده هههههههههههههههههههههههههههههههههههههه
كلمه انته حبيبي وشعر والهام
كمت اطحن صبر بجفاك والهام
كطع شريان كلبي الحزن والهام
يمص دمي ويذبه اعله الوطيه

تحياتي احباب كلبي

سلام الدراجي

24-07-2011, 04:46 PM

بهواك انه درست ونلت طبا

وأحس نظرات منك بيه طبا

أسمعت طبات يم الباب طبا

اطلعن چيلات تاخذلك تحيه

الدكتور

سلام الدراجي

فاتن وهيب شاعرة المنتدى

25-07-2011, 02:49 PM

فراكك هدني وماخله بعد بيه حيل
وياهو الاشكيله يكلي يستاهل والف حيل
كلما تدوس على كلبي اكولن بعد حيل
دوس وخلي الوجع يزداد بيه

مع تحياتي للغايبيين عليه

حرف النون

سلام الدراجي

25-07-2011, 03:57 PM

نضل يعراق نضوي لآله كنه

وألف لعدانه نصرخ لأله كنه

حچينه بصوت واضح لا لكنه

نحب بغداد تاج اليعربيه

الدكتور

سلام الدراجي

فاتن وهيب شاعرة المنتدى

25-07-2011, 08:32 PM

الله ممنونين منك يادكتور سلام ارجو وضع الحرف المطلوب حتى المشارك يرد عليه

مع الشكر الجزيل ياغالي يامبدع

ابو الليث الليثي

27-07-2011, 05:25 AM

فراكك هدني وماخله بعد بيه حيل

وياهو الاشكيله يكلي يستاهل والف حيل
كلما تدوس على كلبي اكولن بعد حيل
دوس وخلي الوجع يزداد بيه

مع تحياتي للغايبيين عليه

حرف النون

عيني فتون صباح الخير يعيوني000

فراكك هدني ماخله بعد حيل
يكلي الاشكي اله همي بعد حيل
ادوس على الكلب واصرخ بعد حيل
دوس وخلي همي يزود بيه

والك الف شكر

فاتن وهيب شاعرة المنتدى

27-07-2011, 06:33 AM

صباح الخير والف هلا وممنونه للتعديل مع تحياتي ياغالي

فاتن وهيب شاعرة المنتدى

27-07-2011, 06:39 AM

وهذه الابوذية اهداء الك ياابو الليث

لتهم بالعمر خلصان وحده
وانا ضعني سرى بالهوى وحده
حلت جنها بعيونك غير وحده
وكمت ما تسأل ولا تمر بيه

حرف السين

مع تحياتي

سلام الدراجي

27-07-2011, 03:47 PM

سهام عيون حبي خنثني

رمني وكلت اويلي خنثني

أبوسك مره مشبع خنثني

وإذا ثنيت أخمسهن سويه

الشاعر الدكتور

سلام الدراجي

حرف الياء

ابو الليث الليثي

27-07-2011, 06:09 PM

حبايبي فتون العزيزه انتي الاخت العزيزه0000
اخي الدكتور سلام0000حبيبي ابو جاسم00
عيني اميره000بعد بس الخطبه عفتينه0000000
عيني نور الهدى000

سلام من الله عليكم
00000000

يمر عمري وحبك كبر ضعفين
وانا حاير بظعنك نزل ضعفين
حبك مرد كلبي اضعفت ضعفين
ضعف حبي وضعف بعدك عليه

تحياتي لحبايبي
000000000

فاتن وهيب شاعرة المنتدى

28-07-2011, 01:20 PM

الله عليك ياابو الليث ياراقي ابوذية روعة كروعتك

الهجر يكتل ياابو الليث وانت داري
وعليك الكلب يخاف وانت داري
انت اهلي وعمامي وانت داري
انت امي وابويه واخ اليه

مع تحياتي لكل من يشارك ويسأل عليه

مع حرف اللام

شاطئ السلام

28-07-2011, 06:37 PM

حبايبي الغالين مشتاقتلكم كلش هواي ماعايفتكم والله تعوفني روحي اذا أعوفكم بس اشوية انشغال
والك غاليتي فتونة حرف اللام

الك ياصاحبي ماظل مني خاطر
واحسبة حساب دربك من اخاطر
تعال كرب حبيبي مني خاطر
تعرف جنون حبك شسوه بيه

حرف (الخاء)
تحياتي للجميع

ابو الليث الليثي

28-07-2011, 08:20 PM

تحياتي الك يااختي العزيزه يعيوني يافتون
تحيتي لعزيزتي اميره ياربي بالسعاده والمسرات
تحياتي لاخواني الكرام 000
محمد وسلام
تحياتيي لكل اخواني الذين يساهمون معنا

خليك بوسط روحي يروحي
كتلتني وكثرت بيه يروحي
اكرميني وعلي مري ياروحي
لتخليني معلك خطيه
000000000000
تحياتي

شاطئ السلام

29-07-2011, 03:52 AM

تحية صباحيه عطرة تالي وياج غاليتي فتون هم نسيتي اخونا ابو الليث الحرف يكتبه وهم راح انزل حرف مني

أبد ماشفت بخلاقك و عدلك
اريد اكتب اعله روحي و عدلك
وسكنت كلبي ورضيت انه و عدلك
وجبت كرسي رأستك عليــــــــة

حرف (الفاء)
****************

فاتن وهيب شاعرة المنتدى

29-07-2011, 09:48 PM

شكرا حبيبتي اميرة تحياتي لك وللعزيز ابو الليث مو بيدي اموت من القهر اذا مااشوف مشاركته

وهذا حرف الفاء

فز مثل الكطَة كَلبي منشفاه
وعسل يالجان مشروبي من شفاه
عسه كلمن كَطع شفي من شفاه
بمرض لا للشفه ولا للمنيه

وسلامي للجميع حمودي الحلو ليش غايب عسى ماشر يمعود

رجل الغرام

30-07-2011, 10:36 AM

جل عينك والله ابجي كل العيونولجل حبك اكسركلوب اليحبونواذانزلت دمعه منك والله انزل دموع الكونتدري ليش..؟لان بحبك صرت مجنون

فاتن وهيب شاعرة المنتدى

30-07-2011, 08:30 PM

هلا وغلا بيك يارجل الغرام وشكرا للمشاركة ولكن ليس هذه ابوذية نرجوا المشاركة بنفس السياق

عيوني من الهجر ملت وسالت
وعليه احبابي مانشدت وسالت
الف دمعة الجرت مني وسالت
ولا دمعة الجرت منك عليه

وحرف النون

مع سلامي وتحياتي

ابو الليث الليثي

31-07-2011, 06:50 PM

حبايبي 00وعيوني
انتم نور عيوني
بكم تتم سعادتي000000000
عيوني فتون والله انتي اسعدنا00الحريه لاتقدر بثمن
ابقي تتمتعين بالحريه00التي سلبها الله منا000

نار دموعي من تنزل من العين
مقامج عندي حوريه من العين
اذا دمعج نزل صافي من العن
عليج اعيوني نزلن بين اديه
0000000000000
كولي ماوفيت
فتـــــــــــونه
هههههههههه

تحياتي لحبيبي محمد الغائب الحاضر في قلوبنا
لا ابو جاسم والله صعبه علينه
لانعرف وين ونجي
ولا انت تجينه
000000000
--ك--

سلام الدراجي

31-07-2011, 09:15 PM

تحياتي للجميع

كتبت الشعر وعيونك تراني

foraten.net/?foraten.net/?foraten.net/?foraten.net/?ك واذكر أفضالك تراني

إذا عظمك كبر عظمي تره ني

يحيد انه اعتمد انته عليه

مع تحياتي

رمضان مبارك عليكم

شاطئ السلام

01-08-2011, 08:06 AM

تحية رمضانية عطرة وفقكم الله لبلوغ طاعاته وتقبلها منكم آمين يارب احبائي عائلتنا الغالية
الظاهر اخونا سلام نسى يثبتلنا الحرف

اجروحك للشمس ياكلب شرهن
وليالي الشوق ماينحمل شرهن
الك عمري رهنتة وبعد شر هن
اذا حتى العمر ماعاد الية

حرف(السين)

سلام الدراجي

01-08-2011, 08:32 PM

تحياتي للجميع
سره وسار السرور وياه من سار
وسره ابموضع الاسرار من سار
امس وانه بقدوم الترف من سار
سره وبسراه خان الدهر بيه
مع الود والمحبه
الياء

فاتن وهيب شاعرة المنتدى

01-08-2011, 11:44 PM

هلا وغلا بحبايبي ورمضان مبارك وهسه وكت سحور والف عافية

يا لايم لا تلوم النفس خلها
وعساها تموت عكب فراك خلها
لازم ايدي الطبيب وكلت خلها
الالم داخل مهجتي وشلون بيه

حرف الزاء

وسلامتكم

ابو الليث الليثي

02-08-2011, 12:59 AM

السلام عليكم حبايبي
رمضان مبارك000000000

زماني وياي مثل الكعد مانام
تحمل كل حجي العذال مانم
تكلي اتحمل انت السهرمان ام
حكك مادريت الصار بيه
00000000000
تحياتي

فاتن وهيب شاعرة المنتدى

02-08-2011, 01:24 AM

نيوتن ما غلط علمه وكشفــــــــه

مريض ولو شفت طولك واكشفــه

تفحص قلبي بجفوفك واكشفــــه

عداك انت ولا موجود بيــــــــــــــــــــــــــــه

سلام الدراجي

02-08-2011, 01:57 PM

السلام عليكم

بما انه الاخت فاتن لم تضع حرف تم اختيار حرف مني

يريت انه أكون اليوم رجلج

وبيدي انه احني اثنين رجلج

يرجني الوكت ما فديوم رجلج

يدك ناعم الج والخشن ليه

ملاحظه كل ما اكتب بقلمي
مع تحياتي
د \ الشاعر
سلام الدراجي
الراء

فاتن وهيب شاعرة المنتدى

02-08-2011, 10:19 PM

شكرا لتواصلك معنا دكتور وتحياتي لك وللجميع ومع حرف الراء

ردت بالكونه من عدك ولك حس
وجبينك لو عرك بيه ولك حس
ضربتك للعظم وصلت ولك حس
اموت تريد؟اموتن هاي هيه

وسلامتكم حرف اللام

سلام الدراجي

02-08-2011, 10:32 PM

شكرا لك اخت فاتن

لك أبكلبي محبه اهواي حامل

وألك باقة ورد بالأيد حامل

العقيمة بأمر ربها أصبحت حامل

وعسى بخير وسلامه آتگوم هيه

الشاعر

سلام الدراجي

حرف الظاد

نــونــة

02-08-2011, 10:58 PM

ظيم اليمر علناس مامثله موجود
جود اليجينا بذل لاهذا مو جود
هم توكع انت بضيج وتصيح لك جود
واذكرك شكد شفت منك اذيه
حرف القاف

سلام الدراجي

02-08-2011, 11:10 PM

قفل صندوگ سرك ما افتحه

وعتاب وياك عندي ما افتحه

تدري ليش وردك ما افتحه

خفت تذبل إذا كمشك بيديه

الشاعر

سلام الدراجي

ابو الليث الليثي

03-08-2011, 10:25 AM

سلام الدراجي

03-08-2011, 12:19 PM

رمضان كريم حبايبي
وكل رمضان وانتم صيام
وبالف خير
00000000000
عيني سلام

خفت تذبل واموت عليك حســـــــــــــره
ومن تبعد يصير الكون حســــــــــــــــره
اذا ماجيت بالمعروف حصــــــــــــــــره
شتاني بيك اذا متحن عليـــــــــــــــــــه
00000000000
لازم نستخدم القوه
ههههههههههههه

الاخ ابو الليث الليثي
شكرا اخويه العزيز
ما الومك استعمل القوه
هههههههههههههههههه
تحياتي لك

اتانيك ويخي بيدي ورد لاك

وجرلك سبحه يوميه ورد لاك

أروحن ابتعد عنك وارد لاك

أخاف أعليك لا أتصيبك أذيه

مع الود

الشاعر

سلام الدراجي

الطاء

نــونــة

03-08-2011, 01:27 PM

طبع غدرة الزمان ومرداني
ومرة ابعيد احسك مرة داني
اصيحن ليش احبك امداني
جبتلي هموم وانواع الاذيه
تحياتي للجميع
حرف ( الثاء )

شاطئ السلام

03-08-2011, 05:56 PM

السلام عليكم حبايبي

ذلولي عليك ناحل ......ما بغيره
وسليم الذات اوده ......ما بغيره
صديـجك لو لكيته ......ما بغيره
بجف ارماد بيعه لو تهيه
حرف (النون)

فاتن وهيب شاعرة المنتدى

03-08-2011, 08:41 PM

امورة حياتي حرف الثاء وليس الذال ممنونه يالغاليه عليه

ثدي الحب يبس ما در ......والك دار
ومحبتك زالت همومي......والك دار
الك عرش انتصب يا اسمر..والك دار
بكلبي ولا لغيرك سكن هيه

ومثل ماتريدين يالحبيبة مع حرف النون

نهاني الينم عنك............ وابد منهه
وودك مثل روحي .........وابد منهه
السمه كابلت وجهك........وابد منهه
البدر من ضي سناك انعكس ضيه

حرف الصاد

وسلامتكم

سلام الدراجي

03-08-2011, 09:08 PM

السلام عليكم

صحت يأرب دخيلك من شفته

العسل ينگط يخوتي من شفته

يريت أيدي تصيرن منشفته

ونشف كل جزء مخفي عليه

تحياتي

سلام الدراجي
الخاء

نــونــة

03-08-2011, 10:28 PM

صديجك نسفّه كلش ويوله
وشوفه الخوتك راغب ويوله
دكله الشوف من يعله ويوله
يبين بالشمس كسران فيه

فاتن وهيب شاعرة المنتدى

04-08-2011, 05:20 AM

صباح الخير على احبابي منورين وشكرا لكم لتواصلكم وللغاليه نونة حرف الدال

دليلي من يون معذور شي به
ومثل حالي تكلي الناس شبيه؟
اذا توك يا ترف شفت شيبه!
انا مكمط وكون شيبات بية

وسلامتكم مع حرف الكاف

نــونــة

04-08-2011, 07:59 PM

ربي يسلمج ويخليج
كونك تشوف الحال ياحلو يااسمر
من رحت صار الزاد حتى الحلومر
دخيلك انتهينا ياعمي بس مر
ترد الروح من تمر عليه
تحياتي للجميع
حرف ( ر )

فاتن وهيب شاعرة المنتدى

04-08-2011, 09:55 PM

حبيبيتي الغالية نونه

روحي بيش اسليها .....كتلها
عليك اني ودمع عيني...كتلها
شبه العيش بالبيده.......كتلها
الظمه ودومن اتحمل الماي هيه

حرف الالف

سلام الدراجي

04-08-2011, 10:26 PM

السلام عليكم

احترگنه احنه بغرامك كوم طفنه

وچثير ألبيك غرگوا واحنه طفنه

تذكر من شمسنه بحرب طفنه

سطع نور الحسين أعله الدنية

سلام الدراجي

الميم

فاتن وهيب شاعرة المنتدى

04-08-2011, 10:42 PM

هلا وغلا يادكتور منور

مثل حزني حزن ما شفت والماي
ولا تـلاوم عليـه محب والماي
عجيبه من الفرات انحرم والماي
ابويه عراق و افدي بل منيه

( العين )

وسلامتكم

سلام الدراجي

04-08-2011, 10:48 PM

تحياتي للجميع

عجب متفگلي بابك من دگيته

ويناعم صار حبگ من دگيته

انطبع أبچتافي اسمك من دگيته

صرت معروف باسمك عل الوطيه

الشاعر الدكتور

سلام الدراجي

الزاء

فاتن وهيب شاعرة المنتدى

04-08-2011, 10:58 PM

زرع بينه العشكَـ دايه وحبه
وعونه اللمس بدره... وحبه
كَلبي أعله السهر هايم...وأحبه
ونجوم الثرى التمن عليه

الواو

مع كل الحب للجميع

سلام الدراجي

04-08-2011, 11:11 PM

زرع بينه العشكَـ دايه وحبه
وعونه اللي لمس بدره... وحبه
كَلبي أعله السهر هايم...وأحبه
ونجوم الثرى التمن عليه

السلام عليكم

وياك انه اريدن احجي سرا

وكبل محچي أحس چلمأتي سرن

أسير وياك لو ما بيك سران

ورغم ألبيك احبك مو بدية

سلام الدراجي

التاء

فاتن وهيب شاعرة المنتدى

04-08-2011, 11:28 PM

شكرا الك دكتور على التصحيح فعلا نسيت كتابه كلمه بينه بسبب الاستعجال

ممنونه منك ساقوم بالتعديل

فاتن وهيب شاعرة المنتدى

04-08-2011, 11:35 PM

توجّل گـلب الحنينـه علمها
يولي وحست بـوحشه علمها
ساعه من وگع الحبيب علمـها
لطمت عـالوجه منين يرجع اليه

اللام

سلام الدراجي

05-08-2011, 02:10 PM

السلام عليكم

ان شاء الله هدأت العاصفه

\\\\\\\\\\\\\\\\\\\\

لك راح العمر فدوه ولك مال

إذا مال احتجت عيني ألك مال

جثير الرسبوا بحبك والكمال

وانه بحبك أخذت اليوم ميه

الشاعر

د \ سلام الدراجي

غ

فاتن وهيب شاعرة المنتدى

05-08-2011, 08:19 PM

غريبه ولاوطن عندى ولادار
وحولك ما خلص يبني ولادار
يبني اجفاك مرمـرني ولادار
بحليبك ياحبيب تعود اليه

ح

سلام الدراجي

05-08-2011, 09:50 PM

حسافه انطيتك أنت اللي طلبته
وگلبي وياك ينزف من طلبته
مثل جمار گلبي منطي لبته
لان حبك خيانه ومسرحيه
سلام الدراجي
ق

ابو الليث الليثي

05-08-2011, 10:07 PM

تحياتي حبايبي عائلتي الكريمه
عيني فتون00عيوني اخواني واخواتي
دسلام0000
والاخ ابو جاسم00
والاخت اميره0000
وكل حبايبي000
الذي يساهمون معنا
شكرا لجهودكم ورمضان مبارك
00000000000000000
هديتي الى الحبيبه فتون
000000000000000

قليله الناس مثلك وانته عيني
وانت نبض كلبي وانت عيني
جنتي0انته وكتابي وانته عيني
بس اصير الي كافي عليــــــــــه
0000000000000000000
تحياتي لحبايبي

نــونــة

05-08-2011, 10:11 PM

قفل حبك بكلبي شلون قفله
وأخذ صنودك كلبي وهاك قفله
ولك حُبك قفلني شلون قفله؟
قفلتني وقفلت قفلي عليه
حرف الهاء
تحياتي للجميع

سلام الدراجي

05-08-2011, 10:21 PM

يهل ينكط عسل خده وصدره

واله شعر الغزل عجزه وصدره

ملك ديوانه متوسطه وصدره

وعلى يسره ويمنته الخدم هيه

سلام الدراجي

ر

فاتن وهيب شاعرة المنتدى

05-08-2011, 10:29 PM

الله الله ابوذيات في غاية الروعة ممنونه الك يالغالي ابو الليث على الهديه والله لايحرمني منك

والظاهر كتبت انت والاخت الغاليه والنشطة نونه الصغيرونه وطلبت الاخت حرف الهاء والدكتور سلام راد بحرف

الياء والدكتور عزيز عندنا لذلك راح نرد على نونه ونحاول نصلح الغلط مع تحياتي لاحباب قلبي

سلام الدراجي

05-08-2011, 10:35 PM

والله لم انتبه كنت اريد حرف الهاء ولكن سهيت
ارجو المعذره تحياتي لكم

فاتن وهيب شاعرة المنتدى

05-08-2011, 10:36 PM

ومع حرف الهاء رد للاخت نونه

هلي وياهم چنت عايش بلاهم
ونهاري شماضوى مظلم بلاهم
هلي مدري الوكت شنهو بلاهم
ولاهم اعرفوا بالصار بيه

حرف الياء
وهذا رد عليه الدكتور سلام

وهسه نرد على الدكتور سلام بحرف الراء

وسلامتكم وارجو من الجميع الالتزام بالمطاردة

فاتن وهيب شاعرة المنتدى

05-08-2011, 10:42 PM

ربينه اعلى حبك احنه علينـه
نصيح بشده لـوطحنه علينه
يا عراق جـارت الدنيـا علينه
ورمتنه بـدار غربه واجـنبيه

حرف الباء

مع تحياتي يالغاليين عليه

فاتن وهيب شاعرة المنتدى

05-08-2011, 10:45 PM

الله يبعد عنك السهو يادكتور وشكرا لمشاركتك وممنونين منك ومنور ياغالي

سلام الدراجي

05-08-2011, 11:11 PM

بس انته الي يهواي مالك
وكلبي اللي ابوسط احشاي مالك
شجاك اشغيرك ياترف مالك
مشيت ويه الشماته وخنت بيه
منقول
ي

شاطئ السلام

06-08-2011, 01:35 AM

السلام عليكم حبايبي الغاليين عائلتنا الحلوة

يهل تمشي خفيف الجدم برضاي
جدمك خيزران ونبت برضاي
حجي وياك موش بزعل برضاي
اهدأ ولا تشمت اعداي بية

(حرف الضاء)

ابو الليث الليثي

06-08-2011, 08:45 AM

حبايبي رمضان مبارك
سلام الله عليكم ورحمته وبركاته
000000000000000000
الغزل يقينا عطش رمضان
ههههههههههههههههه
وهذا البيت الك فتون
0000000000000

يمج روحي فتونه وعمـــــري
خربي بكيفج بكلبي وعمــري
نخبط شيخلي بحبنه وعمــــري
شنهو اليصفي نبني عليه سويه
0000000000000000

فتون عيوني واختي
انتي الفراشه الجميله التي تعطي الحقل المنظر
الشاعري المليئ بالزهو والتفائل
شكرا لك000
شكرا لجميع اخوتي العائله الكريمه
التي حباها الله بالحب والموده والاستمرار
سلمكم الله وكفانا شر الحاسدين
00000000000000

فاتن وهيب شاعرة المنتدى

06-08-2011, 12:34 PM

اشعل شموع لجلك واعدهه
مغرم الكلب مرحله واعدهه
ورده ويمين عليه اني واعدهه
ازكيك العشك من الصبح للمسيه

وممنونه الك ياابو الليث

حرف الثاء

وسلامتكم

الشاعر محمد الحميداوي

06-08-2011, 04:21 PM

ثلم كلبي حبيبي وطاح سوره
معصم اني وانته سوار سوره
مواية حسن لابيك سوره
ونزل قران حسنك عالبريه
------هاء----
وتحياتي يافاتن

يبوي مندي

06-08-2011, 05:49 PM

هلي وشلون حالي من بعدكم
سليت وماشفت راحة من بُعدكم
أريد أرجع وأشمكم من بعد كم
هجر وبعاد وانواع الاذية

سلام الدراجي

06-08-2011, 09:17 PM

السلام عليكم

بسبب عدم وضع حرف من قبل الاخ يبوي مندي

اختاريت حرف مني

شهد كلبي ابمحبتج أي شهد أي

وإذا أتسليني احبج أي شهد أي

سلام متهدهه أيدي أي شهد أي

شهد غير أيدچ امجلبة بدية

الدكتور سلام الدراجي

ص

فاتن وهيب شاعرة المنتدى

06-08-2011, 09:45 PM

هلا وغلا ياحمودي الحلو وين هل الغيبة يمعود مكانك خالي والله

وحرف الصاد يادكتورنا الغالي

صومي لليكول اهواك.......شفته
صبحت وارشفت من الترف..شفته
يكلي افطرت كتله البدر.....شفته
بجبينك حرم كل صومي عليه

حرف النون

نــونــة

06-08-2011, 11:05 PM

نامت عيون الناس بس عيني تسعى
ونار المحب يهواي بلروح تسعى
أجيبلك شيوخ وناس تسعى
بس ارضى ياحلو او حن عليه
أو
نامت عيون الناس بس عيني تسعى
ونار المحب يهواي بلروح تسعى
مرن ثمن ايام والباقي تسعه
حبيبي ارجوك لاطول عليه
تحياتي للجميع
حرف اللام

سلام الدراجي

06-08-2011, 11:06 PM

نيبان الوكت روحي لجنها
وحتىالمالجت غصبن لجنها
البعوضه اتشوفها ازغيره لجنها
جم مقله اسد تدميه هيه
منقول
ف

سلام الدراجي

06-08-2011, 11:08 PM

مع المعذره كتبت مع الاخت نونه في نفس الوقت
مع الود

ابو الليث الليثي

07-08-2011, 01:41 AM

تحياتي الكم حبايبي العائله الكريمه
ورمضان خير وبركه00وحر فوق الخمسين00
الله يرحمنا جميعا ويزيد اجرنا
000000000000000
وهذا الالف عزيزي سلام
00000000
اخذ روحي هديه وروح عنها
لو تدري شكثر بالكلب عنها
اذا متصدك اسال منها عنها
روحي وروحه انطبكن سويه

تحياتي لحبايبي
000000000000

فاتن وهيب شاعرة المنتدى

07-08-2011, 08:03 PM

يظل حبك ترى بكلبي
علي دين
وعهد للموت ما انسه
علي دين
ولولا البعد لمشي لك
على ايدين
تفداك الروح ياغالي علية

وتحياتي الك ياابو الليث وعلى كل المشاركين احباب كلبي

حرف الدال

نــونــة

07-08-2011, 08:29 PM

حبي إلك مافد يـــــــــــــوم ينقص
أوليش الصاحب أمن ايغيب ينقص
زمن خل الحديد ابخشــــب ينقص
ويخلـــــــــــــي الماله اول بالثنيه

فاتن وهيب شاعرة المنتدى

07-08-2011, 09:02 PM

نونه الحبوبه طلبت حرف الدال وانت نشطة ماشاء الله عليج ومنوره ياريت تعدلين الابوذية ياوردة تحياتي او تكتبين ابوذية بالحرف المطلوب وتكتبين الحرف الي تريديه لان ابوذيتج حلوه وعاشت ايدج مع كل الود

سلام الدراجي

08-08-2011, 03:15 PM

الدال

دوه انت وفقط عندك دوه لي

ولفاني بليل وبصوته دوه لي

يلوم الما دره وكتله دوه لي

انه المهموم وانت تعم عليه

سلام الدراجي

س

شاطئ السلام

08-08-2011, 05:30 PM

تحيه طيبه احبائي وصيام مقبول

سكاره احنه ابهوه شوكه......وصحنه
جره دمعي وجرح خدي......وصحنه
غركنه من الدمع صاحوا.....وصحنه
احتركنه وناركم عمت عليه
حرف (الشين)

الشاعر محمد الحميداوي

08-08-2011, 06:07 PM

هله بالي سره بنوره محه الليل
التجافي اهل الهوه عدهم محالليل
ليش الحب لعد غيري محالليل
الهي بيا ذنب يحرم عليه

-----الام------ تحياتي لعائلتي

شاطئ السلام

08-08-2011, 07:25 PM

اخونا محمد احنا كلنا حرف الشين مو الهاء ترا اشكيك لفاتن وتنطيك الكارت الاحمر التزم بقوانين المطارده هااااااا شلوني هسه وهسه راح آني اكتب بحرف الشين

شنهو السبب يا مدلول .......مرضيت
وابزعلك اللب احشاي ......مرضيت
الك عاشك انه وانجان......مرضيت
فؤادي اللي غصبته رده ليه

وهسه لعيونك حرف اللام

لااسمع لا ارى لحجي .......ولاشام
ابشوك الما حوى نجد .........ولا شام
اله سوره ابصحن خده........ولا شام
سوده وبالسويد اثر سجيه

حرف (الضاء)

سلام الدراجي

08-08-2011, 07:30 PM

تحياتي
انا بدات بما انتهى اليه الاخ محمد
بحرف اللام

لفت نظري من اجيت البيت با يين

هاي وباي يحچي والي با يين

انحنه برقه واليه الصدر با يين

شفت نهداك يتمنن أديه

سلام الدراجي

الضاء

فاتن وهيب شاعرة المنتدى

08-08-2011, 09:20 PM

عاشت ايدج يااميرة عفيه عليج اريدج اقوى بس مو ويه حمودي الحلو يمعوده تره مايتحمل الله يخليج
اخاف يزعل ويطفر ههههههههه ها حمودي خوش حجي مو والله اليستر شراح احصل من وراك

فاتن وهيب شاعرة المنتدى

08-08-2011, 09:48 PM

هلا وغلا بيك دكتور سلام بس خويه على كيفك رمضان كريم

وحرف الضاد يكول

*********
ضيم اليالي وسط الريج مرت
وعفه لحظات فرحي بساع مرت
تعدي الباب ما فد يوم مريت
علينه وتنشد اعله الصار بيه

http://www.alforat.org/imgcache/2/6768_alforat.org.gif

سلام الدراجي

08-08-2011, 10:55 PM

الاخت فاتن السلام عليكم

نسيتي تضعينه حرف

إذا تريديني احبج بوسي أيدي

وكلامي ما يناقش ابد أيدي

إذا احجي انكليزي وياج أيديAD

ورغما عنچ ترديلي إليه

سلام الدراجي

رمضان كريم

ي

فاتن وهيب شاعرة المنتدى

09-08-2011, 11:35 AM

اليه بالمعالي كان ماكان
وعلي هسه يتجعبن كان ماكان
بطران ويسولف كان ماكان
ولك ياكان والكانون بيه

عفوا دكتور طالب الياء العتب على النظر
مع حرف الياء

يليالي وي الرديه جرش ذبن
وعلى الحره العفيفه نغل ذبن
فحلت النخل ها كد رطب ذبن
ونثايه البرحي ماشالن وجيه

حرف الراء

http://www.alforat.org/imgcache/2/7091_alforat.org.gif

وسلامتكم للغالين عليه

كبريــاء رجـل

09-08-2011, 12:38 PM

ردن وتراددن وياي يردان
رديات ويريدن بعد يردان
شمالك ما جسيت العجس يردان
انوب انته وليالي عليه
منقول

حرف (القاف )

شاطئ السلام

09-08-2011, 03:50 PM

تحيه طيبه حبايبي
حبيبتي فاتن محد يحجي لان احنا عائلة وحده واخوه بأذن الله وأغار لاتدللين محمد هوايه احنا هم شويه دللينا حبيبه

قلبي انت ملكته وانت حر بيه
عليل وطبي عندك وانت حر بيه
كاس السم اشربه وانتحر بيه
اذا غيرك يمس اطراف ادية

حرف (الكاف)

الشاعر محمد الحميداوي

09-08-2011, 03:54 PM

ههههههههههههههه عفيه فاتن حزام ظهر انتي عله عناد اميره اروح اذا طلعت بعد منين تلكون حلو مثلي والله متعجب بروحي هههههههههه تحياتي الكم احباب كلبي الغوالي اموت عليكم

شاطئ السلام

09-08-2011, 04:00 PM

هيجي محمد تعاند بيه ميخالف الله كريم روح زعلت رب اللي خلى الغاليه فاتن تدلل بيك هم يجي يوم يباوعنا بعينه هم تحن فتونه علينا

الشاعر محمد الحميداوي

09-08-2011, 04:05 PM

ههههههههههه حلوه اميره منج هاي بس اني لئن حلو وما موجود واحد بجمالي يدلعوني يله صيري حلوه مثلي وتدللج فاتن لكم يا احباب كلبي كل الحب والود

شاطئ السلام

09-08-2011, 06:10 PM

صيام مقبول حبايبي
محمد الله كريم هم يجي يوم ونصير حلوين بسيطه ربك رحمته واسعه

گبل مثل الحمامه تحوم..يمنه
وگبل چانت اليّه الايد..يمنه
تحت جدمچ الجنه صدگ..يمنه
ورضّاتچ من رضا الباري عَليهhttp://www.qalbaliraq.net/vb/images/smilies/qalbaliraq%20%2814%29.gif
حرف (الطاء)

فاتن وهيب شاعرة المنتدى

09-08-2011, 06:22 PM

مساء الغلا والحلى على حبايب قلبي الحلوين اشوف الموضوع منور اثاري حمودي الحلو مار بيه بس لاتزعلين اميرة انت اختي الحبيبة الله لايحرمني منج يالغالية والج حرف الكاف

كثيره اجروح يبن امي ترابيك
عفت الدار وعيوني ترابيـك
چانت تسهر ليالي وترابيك
متكلي اشوكت اتعود

حرف الجيم

http://www.alforat.org/imgcache/2/7180_alforat.org.gif

شاطئ السلام

09-08-2011, 06:40 PM

هلاوين غاليتي فاتن يمعوده اغااااااااااااااااااار كافي

والج ياغاليه حرف الجيم
جمالك حير المخلوق صفين
اشما نكتب يظل الشعر صفين
من تمر كل احنة نصير لك صفين
صف اني وصف ياخذ تحية
حرف (التاء)

فاتن وهيب شاعرة المنتدى

09-08-2011, 06:51 PM

هلا هلا ........ ياوردة منورة عزيزت كلبي الج حرف التاء

تظن يبره الجرح عكبك.....ويلتم
جفيت وبالحشى منـــك.....ويل تم
الثريا الها شمل سبعه......ويلتم
وانه واحد حبيبي وشح عليه

الهاء

http://www.alforat.org/imgcache/2/7208_alforat.org.gif

شاطئ السلام

09-08-2011, 07:02 PM

هاااااااااااااااااا سل الكلب بجفاك هامات
ويامة اكبال سيفي انحنت هامات
اخبرك روحي نص اليل هامت
عليك وسحل جابتني من ادية

حرف (العين)

سلام الدراجي

09-08-2011, 07:55 PM

السلام عليكم

علي من مرت اضعونه وفاتن

رمني وصوبن جبدي وفاتن

خلق ربنه جمال ساحر وفاتن

اشتصير كلوبنه ومتحن شجيه

الشاعر سلام الدراجي
خ

سلام الدراجي

09-08-2011, 11:32 PM

السلام عليكم

ليش محد ايرد

خطف كلبي المحب بيده وسارة

وسمعت همسات من عنده وسارة

وحك إلي سره بهاجر وسارة

تضل كلبي وحياتي وروحي هيه

الشاعر سلام الدراجي

ث

فاتن وهيب شاعرة المنتدى

10-08-2011, 10:28 AM

مساءكم عسل صافي وتقبل الله صيامكم

ثوب الحزن بفراكك لبسنه
وثكيل الطبع طبعه لو لبسنه ؟؟
ولك خدك لاوصلناله لا بسنه
تزعل ليش يامدلل عليه ؟

حرف الذال

http://www.alforat.org/imgcache/2/7244_alforat.org.gif

الشاعر محمد الحميداوي

10-08-2011, 05:43 PM

ذلولي نحر بيه البين يسعه
ثكل همي ولا لي صدر يسعه
اليغص بالزاد اهو للماي يسعه
وانه بالماي اغص شلون بيه

------هاء-----
مما راق لي

سلام الدراجي

10-08-2011, 08:27 PM

السلام عليكم

هاي الروح من فركاك لأبات

وأحب العب فقط وياك لأبات

لا بحظني غفه لأ نام لا بات

ولا فد يوم حن گلبه عليه

الشاعر

د \ سلام الدراجي
ت

فاتن وهيب شاعرة المنتدى

10-08-2011, 09:13 PM

ترف من يوم هجرك مايعاني
ويعاني الكلب منك ما يعاني
لون تذبل سكيتك مايعاني
ولك روحي اقدمهه هديه

حرف الياء

http://www.alforat.org/imgcache/2/7344_alforat.org.gif

سلام الدراجي

10-08-2011, 09:42 PM

تحياتي

يهل بيك الظلم اذبح وشيعه

عراق بگلب حاضنه وشيعه

سنه وبدلو شيعه وشيعه

غدو سنه وقتلنه ألطائفيه

سلام الدراجي

ض

ابو الليث الليثي

12-08-2011, 02:52 PM

السلام عليكم
00000000000000
رمضان كريم
تحياتي لكم جميعا
عيني فتونه اتعبتك بمتابعة المطارده
اعذريني لان المنظومه المشترك فيها عاطله
0000000000000
ظلم محبوبي ميهمني ولي روح
لاني روح اني لروحه والي روح
اذا يزعل يخاصمني والي ايروح
كلبه وكلبي يتنفسن سويــــــــــــه

تحياتي الى عائلتي الكريمه

فاتن وهيب شاعرة المنتدى

13-08-2011, 07:00 AM

صباح الخير على كل احبابي الحلوين ونكول لابو الليث تأمر امر وتدلل ياخوي علينا بس ياريب تضع لنا الحرف المطلوب حتى نرد عليك لكي لايكون علينا اعتراض من قبل بعض الاخوة الاعضاء مع تحياتي للجميع وصيام مقبول

http://www.alforat.org/imgcache/2/7543_alforat.org.gif

ابو الليث الليثي

13-08-2011, 09:41 AM

تحياتي الك فتونـــــــــــــــــــــــــــــــــــــه

حبيبي العشك عن كلشي لهاني
شتجيب الدنيا ميهمني لها اني
كافي00مو خلص كلبي لهاني
اشبكك واليصير ايصير بيه

اسف 0000حبيبي امنسيني كلشي
بس ظالم وياي يدلل عليه
ههههههههه
--ص--

فاتن وهيب شاعرة المنتدى

13-08-2011, 12:38 PM

صاحبي طال هجرك علينه
حتى الزاد بعدك مر علينه
اذا بعدك تحبنه مر علينه
تعال وكروة التكسي عليه

http://www.alforat.org/imgcache/2/7620_alforat.org.gif

وحرف الميم

وشكرا الك ياابو ليث الوردة

مع تحياتي للجميع

ابو الليث الليثي

14-08-2011, 07:38 PM

تحياتي لحبايبي رمضان كريم
وكل عام والجميع بالف خير
000000000000000

منهو العشك محبوبه وناله
حبيبه اصير اله ونه وناله
تحلف كال خل يمشي وناله
الدهرطبعه ايغدر باهل الحميه

00000000000000
تحياتي للجميع

فاتن وهيب شاعرة المنتدى

14-08-2011, 09:21 PM

هلا وغلا ياابو الليث وطبعا كالعادة ماكو الحرف لان محبوبك منسيك الحرف لكن ياغالي تخلي الاعضاء يحجون علينا شلون بيك اني وارد عليك واكول

العشك منه استراحينه وهدنه
واخذنه من الدمع راحة وهدنه
ياحلو الطول فك ياخه وهدنه
عجزنه من الهوى وناره سريه

وسلامتكم مع حرف العين

سلام الدراجي

14-08-2011, 10:44 PM

بالعافيه عليكم
فطوركم

فاتن وهيب شاعرة المنتدى

14-08-2011, 11:14 PM

هلا وكل الغلا بيك دكتور ونورت الصفحة وحرف العين

عشرتك روحــي صَـــــــــدگ .. ماتملها
وگلبي ايــــــــــام سعـــــــدك .. ماتملها
اريد انصــــب لروحــــــــــي .. مأتم الها
واشوفك هم تجي وتبچي عليه ؟

حرف التاء

مع تحياتي للجميع

ابو الليث الليثي

15-08-2011, 06:54 AM

السلام عليكم حبايبي ورمضان كريم ومبارك
تحياتي الك حبيبتي فتون
تحياتي الك د سلام00الله يساعدك على الصيام
الظاهر متعبك0ممخليك حتى اشاركنه بفرحة
انتهاء نصف من رمضان بالخير
انشاء الله على النصف الثاني يكون ابداعك اكبر
لان الحمد لله الجو غير وراحت حرارة الجو
تحياتي لحبايبي محمد واميره اللي نسونه من صارو مراقبين لسه
تحياتي الى جميع اخواني الذين جعلهم رمضان في خمول

وهذا حرف التاء فتون
واعتذر لان حبيبي مدوخني
ماخليت الحرف
000000000
توه الوكت مدلي ايده واجر بيه
اجه حبك حرك كلبي وجر بيه
يكلي العشك بيه لعنه واجر بيه
وانا حبك حبيبي الجنه اليـــــــــه
0000000000000
---س---
وتسلمـــــــــــــــون

فاتن وهيب شاعرة المنتدى

15-08-2011, 07:18 AM

http://www.alforat.org/mhtml:file://C:\Users\Eng.Ghazwan\Desktop\زهيريات\ابوذيات ولا اروع.mht!http://upload.7bna.com/uploads/53dcfcccae.gif (http://www.ok-iraq.com/vb)

وصباح الخير على الجميع وانشاء الله صيام مقبول

فاتن وهيب شاعرة المنتدى

15-08-2011, 07:24 AM

وحرف السين نكول

سكاره احنه ابهوه شوكه......وصحنه
جره دمعي وجرح خدي......وصحنه
غركنه من الدمع صاحوا.....وصحنه
احتركنه وناركم عمت عليه

حرف الباء
تحياتي

ابو الليث الليثي

17-08-2011, 03:26 PM

تحياتي الى اخوتي وحبايبي
رمضان مبارك 00وافطار شهي
0000000000
وهذا حرف الباء فتون

بديه الكلب لعيونك هديتـــــــه
النظر باعيوني يالدربي هديته
هديي وقصتي باسمك هديتــــه
لانك نور عيني العز عليــــــــه
000000000000
تسلمون وينكم حبايبي

شاطئ السلام

17-08-2011, 03:53 PM

السلام عليكم حبايبي الغالين عليه شلونكم اخباركم وصيام مقبول
واخونا ابو الليث مانزل الحرف وراح اكتب بحرف الجيم

جزه حد الصبر وصبري بلا حد
يمن تذبح بسجينك بلا حد
واعدتني وكلت اجيلك بالاحد
اجه الاحد وانت ما مريت بيه

حرف(الحاء)

ابو الليث الليثي

17-08-2011, 09:48 PM

اهلا اخت اميره
عاشق والعاشق معذور
هههههههههههههه

اعذريني يعيني عاشق انـــــه
الزمن بيديه جمعنه عاشقانه
منك صار ليلي عشق وانــــه
حبيبي قاسي ماتعطف عليه
0000000000000000000
تحياتــــــــــــــي للجميـــــع

فاتن وهيب شاعرة المنتدى

18-08-2011, 09:41 AM

مساء الغلا وكل الهلا على احبابي الحلوين

ومنورة الحبيبه الغالية اميرة

ايكلك يا حبيبي
قدر مكتوب حبك من تقسمه
الواحد ماله ناتج من تقسمه
دهاك الكلب بيدك انته قسمه
وشوف اشكد الك وشكد اليه

وسلامتكم

وحرف الياء

ahwazi

20-08-2011, 10:39 AM

بغيابک ماأميزاشمس منفى
اوبدونک انه ما موجود منفى
تعال ادخل ابگلبى اوشوف منفى
اذاغيرک لگيته اعتب عليه

ابو الليث الليثي

21-08-2011, 08:38 AM

تحياتي لكم ورمضان كريم
وناخذ السين من الاخ الاهوازي ولوهي مو ابو ذيه

الظاهر هو معذور لعدم اطلاعه على سياق المطارده

00000000000000000000

سبني ارظه منك بس لتجفـــــي
وحجيك خله واضح مو لتج فيه
رزق ربك اكل منه لتجفيـــــــــه
الواحد لو رضيت ايصير ميـــــه
00000000000000000

وهذا لفتونه الغاليه الحرف الكاتبته
--ي--

يانورالعيون الروح ملكــــــــــك
عشكتك ماحسبت شكثرملكـــــــك
لان عمري ودليلي صار ملكـــك
وانته البوسه تمنعه عليــــــــــــه
00000000000000000
وانتم سالمين

شاطئ السلام

21-08-2011, 02:38 PM

السلام عليكم حبايبي
حمامة الفرت من ايدي ولاجت
وعليها الروح تتعـذب ولاجت
من امس لليوم لاحطت ولاجت
ولا الها جدم بــرض الوطيه
حرف (الجيم)

سجاد الرحال

21-08-2011, 07:52 PM

تحياتي لكم جميعاً

جميل انته وعليك الروح يارت
من شفتك همومي علي يارت
امنيتي اوياك كَعده اتصيرياريت
ننسه اهمومنه ونفرح سويه

وشكراًلكم (حرف الراء)

فاتن وهيب شاعرة المنتدى

21-08-2011, 08:03 PM

حياكم الله احباب قلبي منورين وكل الهلا بسجاد الرحال منور الموضوع بدخلته علينا واشكر ابو الليث

على ابوذيته الحلوة ورمضان كريم على الجميع امين رب العالمين

وحرف الراء يكول

روحي والهوى ودنياي وعداي
واشلون اشيل الجدم وعداي
صابر وانتظر واشـوف وعداي
ابفرح لو دوم وكـتي محيط بيه

حرف الحاء

وسلامتكم

ابو الليث الليثي

22-08-2011, 05:45 AM

تحياتي لحبايبي ورمضان كريم
0000000000000
وهذا حرف الحاء فتون
00000000
حلو طبعك ولكن بيك لوله
حبك صدك لو جذاب لولا
اليريدك مااصور يوم لولا
لانك مرتبك مو صافي نيه
00000000000000000
تحياتي وحبي للجميع
0000000000

فاتن وهيب شاعرة المنتدى

22-08-2011, 08:12 PM

حياك ياابو الليث وجوابي الك اكول

حبيبي وردة البستان بيضة
انا نيتي وياك بيضة
لعلك راية العباس بيضة
وزورة بكل صباح وكل مسية

ابو الليث الليثي

23-08-2011, 06:55 PM

حبايبي سلمكم الله

<B><FONT face="Arial Black"><FONT size=5>

فاتن وهيب شاعرة المنتدى

23-08-2011, 08:32 PM

شكرا اخي ابو الليث لمرورك وسلامي للجميع وابوذية جديدة نكول فيها

أنا دلولي نحر بيا البــين يسعى
ثقل همي ولالي صـــدر يسعى
اليغص بالزاد أهو للماي يسعى
وانا بالماي اغص أشــــنون بيه

حرف الشين

سلام الدراجي

25-08-2011, 02:42 AM

السلام عليكم

وهذا حرف الشين

شجره هالشعر رايد قلمنه \تقليم

وشعري المنوجد منه قلمنه \ قل منه

أضل اكتب شعر شاهد قلمنه\ القلم

وأصلح كل زحاف البيه أذيه

الشاعر الدكتور

سلام الدراجي

ق

ابو الليث الليثي

25-08-2011, 07:56 PM

اخي العزيز سلام 00تحياتي لك
عيوني فتون000000
تحياتي وحبي00000الك
حبايبي عائلة المطارده
00000000000000سلمكم الله ورمضان مبارك

قسمت الروح الي نص والك نص
وكتبت الشعر من اجلك ولك نص
كل مرتفع ساويتـــــــه والك نص
الوفه منك وانه الباقي عليـــــــــه
00000000000000000
الله يحفظكم حبايبي

فاتن وهيب شاعرة المنتدى

25-08-2011, 09:02 PM

هلا وغلا بسلام الدراجي ابوذية روعة

وممنونه من ابو الليث على الرد الجميل

لكن كالعادة لم يضع الحرف المطلوب

لذلك راح اكتب ردي واكول

قلبك بس يكفيّني وحسبك
قلبي بين كفينك ويحس بك
يروح الروح ،يعيوني وأحسبك
نبضات الحياة الـسرن بيه

حرف الميم

وسلامتكم

سلام الدراجي

25-08-2011, 09:15 PM

شكرا اخي ابو الليث الورده

شكرا اختي فاتن بارك الله بك

تحياتي لكل الاعضاء

وهذا حرف الميم

مو انس ألخدمتك مارد أنه

وكلام أسمعت منك مارد أنه

تكلي ارجع احبك مارد أنه

حبيتك عمر وغدرت بيه

سلام الدراجي

ت

فاتن وهيب شاعرة المنتدى

25-08-2011, 09:31 PM

هلا هلا يادكتور وجوابي الك

تِسَلني عن حِزِن بية وهـم لي ؟!
ولهمومچ تقل طنشي و همـلي ؟!
يمن حبك شَهَدْ لِـي لا وهـم لي
أنـا في خير من تلِـقِـي الـتحية

ص

مع كل الحب للجميع

سلام الدراجي

25-08-2011, 09:56 PM

الاخت فاتن السلام عليكم

وهذا الصاد

صحتله اوكف أريد وياك ماتن

ترك بيه ورحل أجروح ماتن

ارجوا لا يظن البيه ماتن

بقن أشواكي اله حد المنية

سلام الدراجي

د

ابو الليث الليثي

26-08-2011, 12:57 PM

اهلا بيكم اخواني وحبايبي
رمضان مبارك على الجميع
000000000000000

وهذا حرف
--د--

دله دلوي ودله من ماي صافي
حبي الك مابيه دغش صافــــي
اذا عندك مشاكل كبل صافــــي
اريدك ذهب صافي ابين اديـــــه
0000000000
اريدك ذهب صافي كلاده بالجيد
عدل وياي اذا بالمزح والجيـــــد
ميهمني ابوك منين والجــــــــــد
يهمني انته حبيبي وتوفي اليـــه
0000000000000000
يهمني انته حبيبي ونور عيني
ترد كلمن حجه بالشين عنــــي
كلتلك كلشي ماضميت عنــــي
وانته اهديتلي روحك هديـــــــه
000000000000000-
انته اهديتلي روحك وجسمـــك
خالص صافي النيه وجس ماك
اخذ روحي واخذ عمري وجاسمك

حتى بنور عيني الباقي اليـــــــــه

فاتن وهيب شاعرة المنتدى

27-08-2011, 12:05 PM

خبرنـي اعله گلبــــك .. من جنابي
ويحبك غيــري آنــــه .. من جنابي
إذا تقصيــر حاصــــل .. من جنابي
أجيب الروح الك بثنين أديه

وسوي اشما تريـد وياي .. واحكام
وضيقلي الخناق ابعمـد .. واحكام
أجيب الحبس والمامـور .. واحكام
وصير القاضي وترئس عليه

وأنا اشكيلك اجروحي اشلون .. فرعن
وگلبي اللــي ابغيابك علــــيَّ .. فرعن
واذا حكمــــك ويــاي ابحكــم .. فرعون
عصت موسى آنه ابين اديه

وأبطل بالعصـــى سحرك .. وكيداك
وآخـــذ حگي أنا بيدي .. وكيداك
جـــوه وتشلع ابگلبـي .. وكيداك
دجر ايدك ، شنو ماتحس بيه !؟؟

لو واهــــس خـــــذاك وردت .. گلبي
دخــــذه الصبر مـــــن ازمان .. گلبي
يدنيا السهم بيــــدچ صــــــار .. گلبي
ومثل شيبوب صيري انتي قويه

وحيل اترادفـي الطعنه .. وطعني
لأن طيري اللــي طيرته .. وطعني
گلبي الما أخذ شــــــــوري .. وطعني
هم امسايره واجب عليه ؟؟

لو أمشي ابهوى راســي .. وعقلاي
وأجازي ابرده الربيته .. وعقلاي
يروحي اشبيچ وچ هيدي .. وعقلاي
اشو سيفچ گبلهم هد عليه

ووصل بسيوف هجـره .. واصلتني
واصيح النار واصـرخ .. واصلتني
طحت وادري المنيــــه .. واصلتني
بس ابلا وعي مديت اديه

وصافحت التعلــــــم .. من هوانه
ذل وعاش ذلــــــــه .. من هوانه
انا امــدد ويســــأل .. منهو آنه
وگبل يومين چنه احنه سويه !!

وسلامتكم يالغاليين عليه

حرف الكاف
http://www.alforat.org/imgcache/1/10951_alforat.org.jpg

فاتن وهيب شاعرة المنتدى

28-08-2011, 11:16 PM

مساء الخير احباب قلبي مابقى الا ايام قليله على نهاية الشهر الفضيل

وانشاء الله يتممه على الجميع بالخير والتوفيق وانشاء الله اجركم بصيام

الشهر واصل باذن الله تعالى وكل عام وانتم بالف خير

ومني الكم هاي الابوذيات لحبابي الي شاركوني بالمطاردة واكول الهم

نبيل وطبعك توافي وعيدك
واحسبك من اعز ناسي وعيدك
عيد الفرح على الوادم وعيدك
سرور وفرح ويامك زهيه

يهل ناديت بسمي هواي عيده
وياماخذ دليلي وياك عيده
الكلب مو بس بعد رمضان عيده
عندي العيد من نكعد سويه

http://www.alforat.org/imgcache/1/11089_alforat.org.gif

الشاعر يوسف الذهاب

29-08-2011, 08:20 PM

الزمن ويه الاحبهم مشكلانــــي
وصرت عثره بدربهم مشكلاني
اخاف امشي بـطريق امشكلاني
اكــع والناس تتغامــز عـليـــــه
تقبلو مشاركتي

الشاعر يوسف الذهاب

29-08-2011, 08:36 PM

تقبلو اخوتي هذه المشاركــــــه
على وكتي جنت واعي وصاحي
ونـبــه دوم بــالغافـي وصــاحـي
أخويـــه الكسَر اجناحي وصاحي
نكرني ومزك ارقــام الـهـويـــــه

فاتن وهيب شاعرة المنتدى

29-08-2011, 11:40 PM

هلا وكل الهلا بيك نورت الموضوع ونتمنى التواصل معنا وكل عام وانت بالف خير وعيدك مبارك وشكرا
لروعة الابوذية والمشاركة

الشاعر محمد الحميداوي

30-08-2011, 03:28 PM

السلام عليكم وكل عام وانتم بالف خير وادعو الله ان يعيده عليكم بالصحه والسلامه
طبعا ممخلين حرف بس اني راح اختار حرف لان اني الحلو مال المنتدى وبكيفي هههههههههههههه
انه احتاريت وضعك حيراني
ميت واليعاين حي يراني
خوخ وتين خدك حيه راني
وترافة شفتك نعناع هيه

تقبلو حبي وتقديري

اريانا

01-09-2011, 04:23 PM

تريد الناس اسولف واني كلي هموم
خانكني الدمع ما اكدر احجي ...
أذا حتى الدمع من شافني بهل حاال
لبس اسود عليه وكاااااام يبجي ..

حرف الباااااااء

تحيااااتي واتمنى المشاركه من الجميع

فاتن وهيب شاعرة المنتدى

02-09-2011, 05:16 PM

تريد الناس اسولف واني كلي هموم
خانكني الدمع ما اكدر احجي ...
أذا حتى الدمع من شافني بهل حاال
لبس اسود عليه وكاااااام يبجي

هلا وكل الهلا بيج اختي اريانا وشكرا للمشاركة ولكن للاسف لاتعتبر ابوذية

ولايوجد اي تقارب معها ونلبي طلبك بحرف الباء ونكول تدلل الحلوة اريانا علينا

بطل حيلي اعلةخلي اليوم.. من شال
اشيل الجدم من الكاع.. منـــــــــــشال
اثاري الجدم من فـــــــركاه.. من شال
بجيت وضاكت الــــــــوسعة علـيــــة

وسلامتكم

حرف النون

ابو نرجس الحلي

05-09-2011, 06:28 PM

نبتلك سهم بالدلال...... وانجر
وصرت غصبن اميلن ليك .وانجر
ظل اسحك بكلبي حيل. وانجر
عسى ساعة وتحن يسمر عليه

تحياتي وسلامي(حرف الفاء)

فاتن وهيب شاعرة المنتدى

05-09-2011, 07:37 PM

هلا وكل الهلا بعودتك ياابو نرجس بيننا في المطاردة ونكول بحرف الفاء
فرهد ابروحي يصاحب وداعك
وحگ اعيونك ورسمك وداعك
وحگ جلماتك الحلوه وداعك
انتلف ثلثين والباقي باذيه

حرف السين

وسلامتكم

الشاعر يوسف الذهاب

08-09-2011, 05:56 PM

اجيك محزم بروحي وجيلك
وعزك حيل تدريني وجلك
اذا جيلي غرب وكته وجيلك
شمس شعت تضوي بها ثنيه
مع تحياتي اخت فاتن

امنيات ضائعة

08-09-2011, 09:02 PM

عيونى ما تشوف الدرب دونك
وتظل روحى تترقب كل خطوه لجدومك
ويوكف نبض كلبى من دونك
لانك نبض بالروح وانت عز اليه
حرف الالف

فاتن وهيب شاعرة المنتدى

08-09-2011, 09:22 PM

هلا ومرحبا بالطلوا علينا ولبوا ندانه من نادينه نرحب احلى ترحيب بالشاعر يوسف الذهاب ولمشاركته الرائعة ونرحب بالاخت امنيات ضائعة ويارب تحققين امنياتج وماتضيعيها واجاوب بحرف الف ونكول

العشك منه استراحينه وهدنه
واخذنه من الدمع راحة وهدنه
ياحلو الطول فك ياخه وهدنه
عجزنه من الهوى وناره سريه

وسلامتكم

حرف الباء

سلام الدراجي

10-09-2011, 12:26 PM

الحمد لله لكيت ابوذيه مولفه

بحرف الباء

عندي

بدوي ساكن حبيبي برشلونة

حلو وخدوده شكره برشلونة

على المدريدي فايز برشلونة

برشاوي وتضل مرفوعة أديه

سلام الدراجي

فاتن وهيب شاعرة المنتدى

11-09-2011, 12:59 PM

هلا وغلا يالبرشاوي نسيت تكتب الحرف المطلوب ونكلك برشا برشا يامدلل

وبما ان الدكتور لم يكتب الحرف ونكتب ونكول

درج حسنك وكعني وهواني
اصيح غركت بحبك هوه وني
ولهان بعشكك وحبك هو اني
وضوكني سهر كل مسية

وسلامتكم ياحبايب قلبي

مع حرف العين

شاطئ السلام

11-09-2011, 03:22 PM

السلام عليكم حبايبي والك ياغاليه حرف العين
عيوني من الدمع لجن وغارن
وعلي حيل الهجر هدن وغارن
اموتن من تحب غيري وغارن
اريدك بس تحبني وهاي هيه
حرف الغين للي بعدي

Broken oars

11-09-2011, 05:53 PM

كتلني القهر من فركاج والهام
وصرت غصبن اطخ الراس والهام
انتي الكل قصيدة فكر والهام
وانتي جروح دلالي الندية

هاذ حرف الميم اذا ممكن حرف اللام يا فاتن

Broken oars

11-09-2011, 06:12 PM

عذرا للاخت فاتن اجيت للموضع من اوله
وللاخت اميرة الروح ... حرف الغين

زغير انته ولساتك منته بالغ
وبعد لجبال حبي منته بالغ
تريد احنه انتبالغ ؟ منتبالغ
من تكبر نحل هاي القضية

حرف الزاي للي بعدي

فاتن وهيب شاعرة المنتدى

11-09-2011, 09:15 PM

سلام عليكم على الجميع وللاخ بروكن كل الهلا عزيزي احب اوضح الك ابوذياتك جميله جدا ولكن انت تعتبر الحرف

الاخير هو المطلوب لا ياغالي الحرف يكون باول الابوذية يعني عندما تطلب الاخت اميرة حرف الغين نكول اله
غيرك لا تظن بالعين ......حالي
اوريجي عليك مر ما يوم...حالي
بغرامي يالتسل عن شرح ...حالي
اعله كل حال الهوه جتال اليه

ارجو اكون قد وصلت الفكرة الك ياغالي وشكرا للمشاركة مع تحياتي

Broken oars

11-09-2011, 11:03 PM

ولا يهمك يا فاتن الغالية مع اني كنت افضل الحرف الأخير لأن المطاردة ستكون اصعب ولكن يجرالك

غريبة اليوم حبك ... صار الي شان
وصرت بعدك مناره ... وصار الي شان
جانت ليش وحده ... صار ليشين
احبك ليش؟ ... ليش تمن عليه؟

فاتن وهيب شاعرة المنتدى

11-09-2011, 11:14 PM

حياك هسه تمام
والك حرف الزاء

زعلت وغير شخصك مرضاني

هجرك حيل خايب مرضاني
ترد صدري وتكلي مرضاني

ولاجنك سحكت انته عليه

وتحياتي الك ياغالي

حرف الهاء

Broken oars

11-09-2011, 11:24 PM

الله مبدعة يا فاتن

هاي سنين صارن ... ونته ناسي
وانته سنين عمري ... ونته ناسي
جان الكلب عكبك ... ونته ناسي
هسه شذكرك يالغالي بيه؟

تحياتي الك يا ورده وغصن مكسور ... ان شاء الله مجبور الكسر

حرف الراء

فاتن وهيب شاعرة المنتدى

11-09-2011, 11:44 PM

ممنونه منك وحرف الراء يكول

ردت بلكونه من عندك ولك حس
وجبينك لو عرك بيه ولك حس
ظربتك للعظم وصلت ولك حس
اموت تريد اموتن هاي هيه

حرف الشين

وسلامتكم

Broken oars

11-09-2011, 11:57 PM

شحس والنار تجوي .... من نمسها
شحس والروح ماتت ... من امسها
شحس تطلب حبيبي ... مني مسها؟
وانته الشاغل التفكير بيه؟

تعيشين يافاتن

حرف القاف

فاتن وهيب شاعرة المنتدى

12-09-2011, 08:03 PM

مساء الليل الهادي على احباب قلبي

حرف القاف

قلبي احترك من هجرك ولع شاب
وانة المتولع بحبك ولع شاب
دوة الدكتور ماينفع والاعشاب
اطيب بطبت اقدامك علية

حرف الدال

وسلامتكم

ابو نرجس الحلي

12-09-2011, 08:57 PM

دنيا وكلها لعب يالغالي وملذات
وبس حبك شغل بالي وملذات
تتحدى دوم الهوى روحي وملذات
ومو مثلك تحب مثل الحراميــــــه

سلامـــــــــــــــــــي (ت)

Broken oars

13-09-2011, 11:09 AM

اجمل تحية تزين نهاركم المشرق وتنير مسائكم بلألئ ضوء القمر .... كأروع ما يكون

ترف ... رصعات خدك بسمني
اشو ماجاني طيفك ... بسمني؟
ردت بوسه انه منك بسمني
ويخلص ليلنا مشابك سويه

تحياتي للغالين

*حرف الجيم*

ابو نرجس الحلي

13-09-2011, 07:54 PM

جمر حبك على الدلال منحال(من حل)
ولغز حبك عليه صعب منحال (منحل)
ردتك بس لكيتك للاسف منحال
ولحلت روحك اله حالك ثانويه....

مع شكري للاعزاء .........(ز)

فاتن وهيب شاعرة المنتدى

13-09-2011, 08:36 PM

مساء الخير وكل الهلا باحبابنا الغاليين

زماني مرعبل ومجنون ويهاذ
وبعد مالتام ذاك الجرح ويهاذ
اهم ليلي اطفي هذا ويهاذ
اليابس والندي شبن سوية

حرف الشين

مع تحياتي

Broken oars

13-09-2011, 08:45 PM

شركت الروح من فركاك بثراك
وكعدت اتبع خطا الدلال بثراك
الي طلابة وتطالب ثار بثراك؟
عليش تميل من تكبل عليه

مع تحياتي للغالين
حرف الدال

فاتن وهيب شاعرة المنتدى

13-09-2011, 08:55 PM

دموم هلّ من كلبي واعاني
متت بس صدى صوتك وعاني
اعاني فراك اهل ودي واعاني
جرح فركاك وبعادك عليه

حرف الجيم

وسلامتكم

امنيات ضائعة

13-09-2011, 09:06 PM

عذرا لك غاليتي فاتن
وعذرا لحرف الجيم
البوذيه بس الك نصبهه
او محاجيك عسل مر نصبهه
جم سيطرة لروحي نصبهه
غيرك مايمر لو موهيه
حرف الجيم

Broken oars

13-09-2011, 09:10 PM

جفيت وما رعيت الفات بجفاك
وعفت عمر الخلص وياك بجفاك
وانه بجفين عفت العمر بجفاك
وجف الموت من تبعد عليه

تحيه الى الامنيات الضائعة والى كل الاخوة المشتركين
حرف الفاء

فاتن وهيب شاعرة المنتدى

13-09-2011, 09:26 PM

شكرا الك ومع حرف الفاء نكول

فكدت اضعونهم واصفج........بياداي
حلت وين ما ادري............بياداي
الكلب هيهات يســــــلاهم.....بياداي
ولا عيني تلذ بالنوم هيه

حرف الكاف

تحياتي

ابو نرجس الحلي

13-09-2011, 09:27 PM

شكر خاص برساله اليوم وديت
تجاوبني وتعتذر يهواي وديــت
عن شخصك اجتنا اخبار والdate
الأجت ,قاسي و روحك مو وفيه

سلامي......لكم (ع)

فاتن وهيب شاعرة المنتدى

13-09-2011, 09:59 PM

تحياتي الك ياابو نرجس والك حرف العين

عساه حد سيفه بنحري عسا كر
ويتيه حساب طعناته عسا كر
ان الجنت اهد لجلك عساكر
تريمني وهسه تهد عليه
وسلامتكم

حرف الهاء

امنيات ضائعة

13-09-2011, 11:01 PM

عزيزتي فاتن
اعتذارنا لك مرة اخرى
ولحرف الهاء
رياك العسل من فركاك مرا
وحب شخصك علي كل ساع مرا
وجنت بليوم اشوفك الف مرا
وهسى شوفتك حسرة عليه
حرف الهاء
غاليتي فاتن دعوتي لك بتشريفنا
في موضوع سؤال وجواب في قسم النقاش

Broken oars

13-09-2011, 11:02 PM

الاخت فاتن العزيزه ... مشتاقين الكلماتك الجميله والرائعة

هذن عيناي لجلك مايثمناك
وحبيبي ذنوب هجرك مايثمناك
صدك تركيب جسمك ماي ثمنك
وذهب خالص ترا كل البقية

وتسملين يا فاتن العزيزه

(ظ)

فاتن وهيب شاعرة المنتدى

14-09-2011, 01:09 PM

مشكورة يالحبيبة وانشاء الله اشارك بالموضوع وطلاباتج اوامر تحياتي القلبية

فاتن وهيب شاعرة المنتدى

14-09-2011, 01:14 PM

ممنونه منك يابروكان وشكرا لمتابعتك الاكثر من رائعة والك يالغالي حرف الظاد

ظل صاحب فضل وشكبر فضلاك
وخلكي مافضه لغيرك وفضلاك
اميزك عن الخلك كله وفضلاك
وبسمك احترز صبح ومسية

مع تحياتي

حرف الطاء

امنيات ضائعة

14-09-2011, 01:53 PM

مايامر عليج ظالم حياتي وهذه لك يا غاليتي
عدل سهمك اجاني من رميته
وتره الصياد واضح من رميته
مرة الروح عدله مرة ميته
بهواك تعذبت روحي خطيه حرف الظاء

فاتن وهيب شاعرة المنتدى

15-09-2011, 12:07 PM

شكرا لك امنيات ولكن ارجو الالتزام بقانون المطاردة
المطلوب حرف الطاء وليس العين مع تحياتي

الشاعر محمد الحميداوي

15-09-2011, 07:49 PM

طر كلبي حبيبي شلون يا طر
مثل وجه الفجر من لاح يا طر
طير شما عليت النوب ياطير
تردلي انه الغصن وتلوذ بيه
((مما راق لي ))

تحياتي الى عزيزة كلبي فاتن

فاتن وهيب شاعرة المنتدى

15-09-2011, 08:58 PM

حياك ابو جاسم الوردة ومشكور يالغالي

احب صوتك واحب للعود دكات
وزماني شلون اله وياي دكات
وخلص كلبي وماظل بعد بيه دكات
وترد روحي من يمر اسمك عليه

حرف الراء

امنيات ضائعة

16-09-2011, 06:58 PM

رياك العسل من فركاك مرا
وحب شخصك علي كل ساع مرا
جنت باليوم اشوفك الف مرا
وهسه شوفتك حسرة عليه
حرف الفاء

Broken oars

19-09-2011, 08:08 PM

حلوه يا امنيات

فكدتك وانته اعز عالروح مناي
يمن صوتك لحن شفاف مناي
مني يا ليالي الهجر منـــــاي
يجي يوم الوفي يرجع اليـــه

مع كل الود
( حرف النون )

فاتن وهيب شاعرة المنتدى

19-09-2011, 10:29 PM

مشكور يالغالي وحرف النون نكول

نـحـب نسمع كلامـك مـن تمرنا
حـلاوة وطـيب للـياكل مـن تمرنا
تـمـيل البصـره كلـها مـن تمرنا
ولـك شـط العـرب ياخـذ تحآيه
حرف الياء
وسلامتكم

Broken oars

19-09-2011, 11:27 PM

الله يا فاتن العزيزه ياريت تنورون البصرة ونخلها وتمرها وشط عربها وناسها بجيتكم

يروحي شبيج لو عيناه فاتن
يروحي الجبد ينفت ليه فاتن
يروحي اهواه سبع اسنين فاتن
يروحي اهواه واقسم مو بديه

مع التحية والاعتذار لأستخدام الاسم ولكن هذا عرفانا منا لذكركم البصرة

حرف الهاء

فاتن وهيب شاعرة المنتدى

19-09-2011, 11:35 PM

مشكور ياروكان معروف عن اهل البصرة الطيب والكرم

ونكول بحرف الهاء

هاك اشعل كلب كلبي و وجهاك
اعله حاله راح اعلمنك و اوجهاك
بشالك من تلف شعرك و وجهاك
تلف روحي مثل لف المنيه

حرف التاء

تحياتي

Broken oars

20-09-2011, 12:20 AM

تحياتي يافاتن وتسلمين على روعة الابوذية
والك حرف التاء
تعبت وبعد ماني بأمل وصلاك
وتركتك بيد واحد احد وصلاك
جمر اهواي لو فد يوم وصلاك
تعرف شكد اثر هالنار بيه

مع احلى تحيه

حرف السين

فاتن وهيب شاعرة المنتدى

20-09-2011, 12:45 PM

سألتك على جروحك ما شفت بيك

حزين وغير حزنك ما شفت بيك

شفت شمات عندك ما شفت بيك

اشتفو ربعك الطلعو راس حية

ابو نرجس الحلي

21-09-2011, 08:47 AM

شعجب ماكو شي شو ناسيه الحرف عيني ست فاتن
تحياتي

امنيات ضائعة

21-09-2011, 08:45 PM

يغالي الذهب ما يرهم وصف لك
واكتب شعر من كلبي وصف لك
تعالي بكلبي مدرستك وصف لك
اذا تاخذ صفر انطيك ميه
حرف الالف

Broken oars

21-09-2011, 09:05 PM

لأمنيات ضائعة حرف الالف

اتركك من هوى الغربة ترا هم
غفل يرحون من عندك تراهم
وبعد لاعين تنظرهم تراهـــم
شمس وبساع غطتها المسية

مع تحياتي
(حرف الغين)

فاتن وهيب شاعرة المنتدى

21-09-2011, 10:41 PM

حرف الغين
غيرك لا تظن بالعين ......حالي
اوريجي عليك مر ما يوم...حالي
بغرامي يالتسل عن شرح ...حالي
اعله كل حال الهوه جتال اليه

حرف التاء

وسلامتكم

Broken oars

22-09-2011, 07:00 PM

لفاتن العزيزه حرف التاء

تعبت وما حصل عندي رجابيك
ارجع خلصت عمري رجا بيك
ها هسه بجمادى ها رجب بيك
ها شوال ونعيد ســـــــــــــــــويه

تحياتي القلبية
(حرف الطاء)

فاتن وهيب شاعرة المنتدى

22-09-2011, 10:36 PM

مع حرف ط وتدلل بروكان

طبيب الروح مايدري شبيهة
سكمها ال بالحسن يوسف شبيها
شعلي نيران هجرانة شبيها
بجبدي ولا يفيد ادواك بية

حرف الواو

تحياتي

Broken oars

22-09-2011, 10:50 PM

تأمريني يافاتن العزيزه

وحيد وما الك ثــــاني سوالاك
اجتك روحي وكليبي سوالاك
دكلي يا ذنب عدهم سوالاك
وما تقبل تردلهم تحــــــــيه

تحياتي
حرف الكاف

فاتن وهيب شاعرة المنتدى

22-09-2011, 11:19 PM

گبل مثل الحمام تحوم..يمنه
وگبل چنت اليّه الايد..يمنه
تحت جدمك الجنه صدگ..يمنه
ورضّاك من رضا الباري عَليه

مع تحياتي للغاليين

حرف الباء

Broken oars

22-09-2011, 11:34 PM

بعد ما بعتك ايامي بلامال
تبعتك ما جزت منك بلامال
حرام تطيب جروحي بلامال
وتجازيني بجذبك عليه

سلامي لك يا ست فاتن
حرف السين

فاتن وهيب شاعرة المنتدى

23-09-2011, 12:31 AM

سهرانه اعد جروح والناس تعد مال
كل الناس حظها كعد شعجب حظي مال
كلما اهب بامل تخيب الامال
عجب يادنيا لعبج بس عليه

وصل سلامك يابطل

حرف الجيم

فاتن وهيب شاعرة المنتدى

25-09-2011, 08:18 AM

حرف الجيم نكول

جذب الكال عنك مرشفتك

العسل بشفاك من رشفتك

الحذر لووية غيري مرة شفتك

انتحر بيك واموتك بين ايدية

وسلاماتي للغاليين عليه

حرف الميم

Broken oars

25-09-2011, 10:00 AM

ميخالف حبـيبي الذنب ذنباي
ولا تلكه الشكوتك بعد ذن باي
الخيانه وطبعك التعبان ذن باي؟
ونه الغلطان صاحــــب كل ردية؟

تحياتي لكل من تبلغه التحيه
(حرف الصاد)

فاتن وهيب شاعرة المنتدى

25-09-2011, 11:59 AM

مشكور يابروكان والك حرف الصاد وتدلل

صرت كهوه لحبيبي بوسط فنجان
فن انس الي يوصله فن جان
اذا العاقل نضرلك نضره فنجن
وانه المجنون وتكلي انظر اليه

حرف الكاف
وسلامتكم

Broken oars

25-09-2011, 12:11 PM

تحياتي يا فاتن تأمريني بحرف الكاف

كلامك شمعتي ...وضواي حرفه
ولو صايرلك التعبير ..........حرفه
ضواك شوي عن العينين .. حرفه
لا يعميني من يسطع عليه

تحياتي الك

حرف الدال

فاتن وهيب شاعرة المنتدى

25-09-2011, 12:19 PM

حياك روعة وحرف الدال

دمعي جمر عله خدودي ترى سال
كطعَتّ اخبارك حبيب تراسل
انه انسليت من هجرك ترى سل
وتون الروح وتريد المنيه

حرف النون
وسلامتكم

Broken oars

25-09-2011, 12:35 PM

من عيوني حرف النون وتدللين

نمت بعيوني يامن الك عــناي
الك يرخص جدم لو جاك عناي
عجب ما تسأل الشمات عناي؟
عجب ما كالو الي صار بيه؟

تحياتي
حرف التاء

فاتن وهيب شاعرة المنتدى

25-09-2011, 12:52 PM

والك حرف التاء

تداين كلــــبي قلم و ورقه منك
لأن ماكو بجمالك ورقه منك
باسجلك انت الأول ورقمنك
وأكتب لافته محجوز اليه

وعليهم

حرف الثاء

مع تحياتي

Broken oars

25-09-2011, 01:00 PM

لم امنع نفسي من الابتسام طربا لهذه الابوذيه الرائعة
ولك حرف الثاء

ثمن حبك اذيه وقهر والام
ولا طبعي طبع خوان والام
بعد تونه بدينا بالف والام
لعد كلي نهايتنه شنيه

حرف الضاد
وتسلمين

فاتن وهيب شاعرة المنتدى

25-09-2011, 01:58 PM

ضكت حلوك حبيبي وضكت......ما راك
وانه بغي التجافي الحيــــــل.....ما راك
يضيج الصدر يوم البيـــــــه.....ما راك
وينطيني عذولي الحك بديه

حرف الحاء

مشكور ياغالي

ابو نرجس الحلي

26-09-2011, 07:38 PM

حبيبي الما عليه الروح ......عزيت
خذلني وكلبي بيه اليوم ....عزيت
شجاك تقرب من النار ........عزيت
وبعد شتسوي بيك الطائفيــــه

تحياتي ...الطاء

Broken oars

07-10-2011, 08:53 AM

يدلل ابو نرجس الغالي

طريق الحق صعب يندار جده
وعلى اليمشيه يبذل وسع جده
بخيت الي لحك باثار جــــــده
وتبع طيب النسب بافعال ابيه

تحياتي يا استاذنا ابو نرجس
حرف الكاف

فاتن وهيب شاعرة المنتدى

08-10-2011, 07:03 PM

مساء الخير والعافية وحرف الكاف

كل ساعة بسهام الروح تنصاب
عكب عزهة عليهة انذال تنصاب
علي صبت مصايب لون تنصاب
على الايام صارت ليال هية

وحرف الجيم

وسلامتكم

Broken oars

08-10-2011, 07:16 PM

مساء الخيرات والعوافي ... وحرف الجيم

جبت عمري بغرامك صار ماصار
وردت قصه هوانه يصير ماصار
اذا ردت الهجر يهواي ماصــــــر
روح بعيد وتركـــــــــــلي الاذيه

وتسلمون
حرف الثاء

فاتن وهيب شاعرة المنتدى

08-10-2011, 08:00 PM

شكرا بروكان وحرف الثاء

ثدي الحب يبس ما در ......والك دار
ومحبتك زالت همومي......والك دار
الك عرش انتصب يا اسمر..والك دار
بكلبي ولا لغيرك سكن هيه

حرف القاف
مع تحياتي

ابو نرجس الحلي

09-10-2011, 03:59 AM

انتظرك يابروكان للرد ...........تحياتي وسلامي

Broken oars

09-10-2011, 06:18 AM

يدلل استاذي الغالي ابو نرجس
وتدلل فاتن العزيزه ... وحرف القاف

قبل حبك جنت مرتاح من هم
ولا انشد على الشمات من هم
ولك وسفه اطلعت يهواي منهم
وانته التزرع بروحي الاذية

وشكرا للجميع
حرف النون

ابو نرجس الحلي

09-10-2011, 07:35 AM

قروا بأذنك العذال مرات
وخلوها ليالي العشك مرات
ايام الجنت بيها اشتاك مرت
وبداء حبي الك يتحول كراهيه

شكرا ....حرف القاف

فاتن وهيب شاعرة المنتدى

09-10-2011, 01:46 PM

شكرا الك يالغالي بروكان وحرف النون

نارالهجر يامهجة دموعاي
على مصابي السما يمطر دموعاي
اشما هلن يادندوش دموعاي
حسناتك تبدل بالف سيئة

وسلامتكم

حرف الهاء

Broken oars

09-10-2011, 07:37 PM

مساء الخيرات على الجميع
حرف الهاء للعزيزة فاتن

هويتك من زغر وكبرت وياك
ودليلي عافني من اسنين وياك
مثل ما وجني جمر هواك وياك
وحركنا ثنينا بنار المنيه

سلامي وتحياتي
حرف السين

فاتن وهيب شاعرة المنتدى

09-10-2011, 09:52 PM

حياك يابروكان

سعيد الي حظه بشخصك وناله

كل مغرم برت علته وناله

الطارش من سمع نوحي وناله

ترك شغله وبجه رحمه على ابيه

مع تحياتي

حرف الحاء

Broken oars

09-10-2011, 10:33 PM

تسلمين يافاتن الورد
لعيونك حرف الحاء

حرت وي مرض حبك منوصفه
مته اهمومي اتطشر مني وصفه
يجي البطران يطلب مني وصفه
يكلي الحب كتلني الحك عليه

تحياتي الك
حرف الجيم

فاتن وهيب شاعرة المنتدى

09-10-2011, 10:43 PM

جيتك وبظلام الليل عناي

وعزفت بروحي مية جرح علناي

بعد ماظنك تنشد عناي

بعد هجرك ياروح الروح اليه

وتدلل يابروكان

حرف الف

Broken oars

09-10-2011, 11:03 PM

مو تدللين ... يامسهلها الك يالغاليه حرف الالف اذا جان هوه الي تقصديه

اريدن بيك اكتب غزل واشعار
واسطرلك شحسن بيك واشعار
اريد اكتب عريضه الك واشعار
واكلك شيل من كلبي الاذيه

تحياتي الك ... حرف السين

فاتن وهيب شاعرة المنتدى

09-10-2011, 11:58 PM

هم صار الك حرف السين

سبيت اللامني بودك واناحي

حزني عليك مابطل وناحي

تبات الناس مستوره وانا حي

ليلي والنجم يشهد عليه

حرف اللام

وسلامتكم

ابو نرجس الحلي

13-10-2011, 04:16 PM

لأخر لحظه كلبي يريد وصله
ولا فكر جذوره منين وصلــه
هاك اخذ كلبي جويه وصلـــه
حتى يتوب مايعشك شمريه

تحياتي لكم اعزائي

فاتن وهيب شاعرة المنتدى

13-10-2011, 09:52 PM

مشكور ياابو نرجس بس للاسف ماخليت الحرف المطلوب

مصايب غربتي بهجرك لوني"
أفرح وأنسعد وأرجع لوني"
أمنيتي من العمر يمك لو أني"
تواسيني وتضمد جروحي الية

وحرف التاء

وسلامتكم

ابو نرجس الحلي

14-10-2011, 07:54 AM

تعال وشوف حالي........ حالفاني
لان حظي وياك مامره ....حالفاني
لون دارت الدنيا والتقينا....حالفاني
اكطع ورد وجناتك ......بديــــــــه

سلامي لكم ...وحرف (الفاء)

فاتن وهيب شاعرة المنتدى

14-10-2011, 10:34 PM

وعليكم السلام وحرف الفاء

فكدت اضعونهم واصفج........بياداي
حلت وين ما ادري............بياداي
الكلب هيهات يســــــلاهم.....بياداي
ولا عيني تلذ بالنوم هيه

وحرف الكاف

مع تحياتي
واتمنى من الجميع المشاركة

Broken oars

17-10-2011, 10:15 AM

كف عني العتب يهواي ... حسباي
وبسك لا تعاتب ثكـــل ... حسباي
حسبتك منيتي وجازيت ... حسباي
بجروح الهجر وبكل اذيـــــــــــــه

تحياتي يا فاتن العزيزه .. ولو مشاركتك معاده بس نتقبلها بكل روح رياضيه هههههه

حرف الراء

فاتن وهيب شاعرة المنتدى

17-10-2011, 12:16 PM

مشكور يابروكان والف هلا وغلا وين هالغيبة
والك حرف الراء وتدلل علينا

ردتك ترد عليه اليوم وتقارب
لاني شكيت بحرفك مقارب
لشخص عزيزبعيد مقارب
بس للاسف ظنوني مو هيه

وسلامتكم

حرف اللام

ابو نرجس الحلي

18-10-2011, 11:15 AM

لا ابد متغيرت بعدي كمانه
وفالح بعده يطربني كمانه
شكد عانيت من حبك كمانه
وهسه ارتاح كلبي من الاذيه

تحياتي لكم ......حرف الميم

Broken oars

18-10-2011, 01:39 PM

تحياتي لأستاذي الغالي ابو نرجس ويدلل عليه بحرف الميم ... وتحياتي لفاتن العزيزة وشكرا لأفتقادك لغيبتي
وتدللون عليه ثنيناتكم ...حرف الميم

مريت عله جرف هواي ... مره
وذكرت احنا كعدنا هناك... مره
شربت من الزمن كاسات... مره
بكل نسمة هوه مرت عليــــــــــه

تحياتي للجميع ... حرف التاء