صرنة سوك الكل بضاعة
الكل سياسي اجيوبة فرغت
وجاي ياخذ الكمة من حلك الجواعة
الكل ضمير الماعرك بية الضمير
وكل لسان الصوتة باعة
كل ملوث اجيوبة تارسهن عمالة
ابنفسة ماعندة قناعة
الوطن جرغد نظيف
الوطن دلة مظيف
الوطن مو شرطي واكف
يحرس اباب الامير
اشما ترسهه اجيوبة يدري
عمر جيبة اشكد كصير
وجفة ماعندة مناعة
صرنة سوك الكل بضاعة
مايهمة الليل ييسدل عباتة
وخل تلوج الضحكة بدموع الحزن
وخل يشمع ابوابة بجفوفة السجن
وخل يلف حبل الشانق
كل قضية اماصلة ابطرف الردن
وخل يشوف المادرة اجفوف البشاعة
خل تظل الهاتة مرة
لان تحت السانة ثورة
وخل عسلهم غافي يحلم في حلاتة
اجروح الماصل قصيدة
وشرف ينزف في مماتة
الوطن صرخة علينة ابيوم طبروة ابصلاتة
موسهل واللة اقتطاعة
صرنة سوك الكل بضاعة
صرنة سوك الكل سلاح المايعرف الرحمة طبعة
حيل وسيوف وخناجر
ردت اعلة حسين تكطع
خاف مامكطوع اصبعة
اتريد تاخذ كلشي مني
اتخاف من اعيوني ذني
لوتلالت بيهه دمعة
اتخاف من لوعت طفلنة
من صمتنة ومن حزنة
لان كلش زين تدري
من صدر طاهر رضعنة
رسمت الخوف اعلة كلشي
عالتراب وعالجدار
شوهت حتة الطفولة
وباكت اعيون النهار
مادرت سكتتنة تكتل
ودمعة المهظوم من تنزل شرار
ومادرت رايتنة بيهه انكتب
اعظم شعار
لا للذل سيف لعظم انتصار
وجلمة الذل موشجاعة
رادو ايشوهون كلشي
بدلو لون القصيدة
ايدتذبح وايد تاكل
وايد تصفك للتريدة
وللشعب ماكو اعتبار
وكلمن امحظر متاعة
صرنة سوك الكل بضاعة

والله كلامك ذهب
تقبل مروري

من صدر طاهر رضعنة
رسمت الخوف اعلة كلشي
عالتراب وعالجدار
شوهت حتة الطفولة
وباكت اعيون النهار
مادرت سكتتنة تكتل
ودمعة المهظوم من تنزل شرار
ومادرت رايتنة بيهه انكتب
اعظم شعار

من صدر طاهر رضعنة
رسمت الخوف اعلة كلشي
عالتراب وعالجدار
شوهت حتة الطفولة
وباكت اعيون النهار
مادرت سكتتنة تكتل
ودمعة المهظوم من تنزل شرار
ومادرت رايتنة بيهه انكتب
اعظم شعار



ابـــــــــــدعــــــــــــــــــــــت السلطــــــــــــاني
بالقصيده وان شالله يتحسن الوضع للاحسن
بااارك الله فيك