بالغربه يالسافرت .. هم بيها الك اصحاب؟!

هم بيها طيبة هلك .. ناس وربع واحباب؟!

هم بيها يمك اجو .. ربعك دفك الباب ؟!

وبالغربة يالسافرت .. انذليت بيها اشكثر

بالغربه تجمع ملك.. ويجوز تبني قصر

بس كلي هم تشتري .. الكعده على دجله العصر ؟؟؟؟

وجن ظلع بس منحني ..أمك حناها الزمن

تشوفك ولو ثانيه .. من كبل لبس الجفن

امك عليها نذر .. ناذرته لام الحسن

وعيون ابوك التصب .. مرسوم بيها الحزن

لو هالغربه خلتك ..كلبك صخر مايحن

يمه ويبويه او ولك .. لو ذني هم انسن ؟؟؟!!!

لو ناسي اهل الشعر .. لو صوت داخل حسن

وبالغربه يالسافرت .. وسنين عمرك كظن

خايف عليك اشكثر ..بالتالي تنسى الوطن

وبالغربه يالسافرت .. عينك تنام الليل ؟؟؟

بالغربه ياهو اليهد.. لو خان بيك الحيل !!!!!

وبالموج ليش امنت .. ماتدري طبعه الميل ؟؟

مذبوب يم الجرف ..طبعك خذاه السيل

شمتاني ارجع بعد ..ظلم عليك الليل

الرجع يعني عرف .. والعرف يعني كحيل

وبالغربه يالسافرت ..الكلشي لازم حد

الهور لمن رجع ..ماشاف يمه احد

جان الكصب بالكبر .. ومن سمع هوره انهد

ذب موته يم الجفن ..ومن كبره كام أورد

وأنته الي طبعك دمع ..لازم تريد الخد

ومادام خدك وطن ..بالغربه وين الخد؟؟؟

وبالغربه يالسافرت ..ماتحن بعدك لامس؟؟؟!!!

واحنه طبعنه الدمع .. ايموت لو ينحبس

وانته الي عين بسجن ..جاكلي يمته تحس

بعده بطلعته الصبح ..يرجع وماكو شمس

والدك هده الكبر .. يجمع فلوس العرس

حسبالي باجر تجي ..مافات كلت الدرس

باجر وكولن تجي ..باجر وكولن تحس

ومن باجر آنه أيست ..ظليت اتاني أمس

.................................................. ..........

قرأتها مرار واغرورقت عيناني بالدموع
فنقلتها لكم

الى كل من فارق الوطن

المشاركة الأصلية كتبت بواسطة اشجان

كلمات استوقفتني بها مفردات عده من بينها الغربه والانتظار

مااقوله هنا الا ما استحضرني من هاته العباره

الغني في الغربه فقر ....والفقر في وطني غربه
سلم انتقاءك سيدتي وفي هذه المواقف لا نجد الا الدمع رفيق لنا
اشجان

فعلا عزيزتي الغني في الغربة فقير
لانه فقير الى الاهل وفقير الى الصحبه
وفقير الى العزه فالغربه لاتحمل غير المذله

بلدي وان جارت عليه عزيزة

يسلملي مرورك العطر بعطر الكادي
قبلاتي لاشجان

المشاركة الأصلية كتبت بواسطة ام فيصل

وجن ظلع بس منحني ..أمك حناها الزمن

تشوفك ولو ثانيه .. من كبل لبس الجفن

امك عليها نذر .. ناذرته لام الحسن

وعيون ابوك التصب .. مرسوم بيها الحزن

لو هالغربه خلتك ..كلبك صخر مايحن

يمه ويبويه او ولك .. لو ذني هم انسن ؟؟؟!!!



الله عليج يم علي
قصيدة اكثر من رائعة
واحساس يقطر ألم وشوق ولوم
لاحرمنا هذا النبع
دمتي بخير

تسلملي هالطله الرائعه كروعة صاحبتها
لاحرمني الله منك غاليتي ولا من روعة مرورك البهي

تحياتي

المشاركة الأصلية كتبت بواسطة سلام الدراجي

ام علاوي قصيده تغنت بالوطن والحنين اليه شكرا بارك الله بيج شكرا للنقل دمتي بخير

تسلملي هالطله الحلوه اخي سلام
لاحرمني الله منها
تحياتي