اطروحة حزن

بس جوع وكتل جبنه العمرعاشــــور,,,,,وبيوم المصاب اتريد مني افــرح

ماشفت العكل تتشيع بتابــــــــــــــوت,,,,,تجفنت بالغتر والغتر تتجــــــــرح

ماشفت المدن حبلت باسرائيـــــــــــل,,,,,منتظرين منهه اتموت لوتطـــــرح

ماشفت المسارح بالسجون اكـــــــراه,,,,,من دمنه ولحمنه اتمثل المســـــرح

فنجان انكسروتشضه فوك الكـــــــاع,,,,,جاي بياوجه وتكول يتصلـــــــــــح

وين الغيره وين اطفوف ابوالسجــــاد,,,,,شوظلت حجي اعله السن تتمرجـح

كسروهه المساحي وهلهل العاكــــول,,,,,من شاف الملح فوك الأرض يطفح

وهسه ابن العراق ايخاوي الأمريكان,,,,,زوده ابوجه اخوه امحزم امسلـــــح

صاعد عالهمريخبطنه عرض وطول,,,,,واحنه ابلا ذنب كل ساعه نتذبـــــح

حته اجلابنه اتعض بالعراقــــــــــيين,,,,,لوشافت امريكي اتخاف ماتنبــــــح

للشاعر تحسين الشاعر

صاعد عالهمريخبطنه عرض وطول,,,,,واحنه ابلا ذنب كل ساعه نتذبـــــح

حته اجلابنه اتعض بالعراقــــــــــيين,,,,,لوشافت امريكي اتخاف ماتنبــــــح
....................................
صح اللسانك يا لغالية
تسلمين اختي الغالية لهذا الانتقاء الرائع
وبارك الله بشاعرنا تحسين

الله الله عليج احلام اروع قصيده قراتها كانت رائعه فعلا تحيه لكي من القلب
رمضان مبارك عليك

اسعدني مروركم وتواصلكم الدائم
ربي يوفقكم
ودوم التواصل

تحياتي الكم

ابداع حقيقي
وحروف تبكي القلب
احساس جميل
ينبع من سطرك
رغم حدة الالم
تبارك قلمك وابداعك
لاعدمناك
تحياتي

سعيدة بكل من مر من هنا ربي يوفقكم جميعااا
ودوم التواصل
تحياتي الكم