دير بالك راح اموت
راح اغمض عيني هالمره واموت
وراح يرتاح الغرام
من المحبه
من المحنه
من الصراخ
من السكوت
دير بالك راح اموت
وانه ماراضي عليك
من تهزني
من تسافر
من تروح
ومن تفوت
دير بالك راح ......
راح اكلك
لاتجيني
خاف أعدل من تجيني
خاف يحييني حنيني
ياترى هم بيه احبك
مثل ماحبيت اول
ومن اشوفل تحتفل
بدموع عيني
وتشتعل رعشه اديه
وماالمسك
خاف اموت
دير بالك كلشي بيه اليوم ذابل
حتى صوتي بلايه صوت
وجني لوحه اتعلكت ابسمار دربك
وجني لعابه تهزهه تصيح أحبك
وجني طير بسفره طول
جنحه ميعينه يكمل
ماكو قوت
اعتقد هالحب اللهي
والدليل اشصار بينه
واحنه كل فتره انتلاكه
وانتعاتب بالنواظر
كلمن اطفاله عله صدره
وبعده يتخيل شملنا
يلمه باجر
العشك اكبر نحسه
من ظروف وقسمه ضدنه
موشرط نبقه سويه
المهم تبقه المشاعر
والمشاعر ماتموت

دير بالك دير بالك
راح من حبك اموت

موشرط نبقه سويه
المهم تبقه المشاعر
والمشاعر ماتموت


\
\


كلمات بها من المشاعر ما يترك الدمعة تسيل

والقلب ينفطر

شكرا لكم على الكلمات الرائعة


ننتظر جديدكم

المشاركة الأصلية كتبت بواسطة سلام الدراجي

الله الله يامهند ان شاء الله بعد عمر طويل قصيده جدا رائعه دمت تالقا ياورده ورمضان كريم

الرائع سلام الدراجي ممنون منك ياغالي
رمضان كريم علينا وعليكم
جعل الله ايامكم يمنا وسعاده

وجني طير بسفره طول
جنحه ميعينه يكمل


قصيده مميزه بااارك الله فيك اخي
مهند صاحب الربيعي