اثر هجرك مرض جسمي.... ولم بي
تطشر كلبي بضلوعي ........ ولمبي
صرتلك بوحة يا خايب ...... ولمبي
درت وجهك بعد مسألت بيه.

لنك صرت ناكة ........ صالح اني
وطردت الفرح لمن .... صالحاني
سنين الظيم خايب ..... صالحني
وعقد هدنة المرار او عم عليه.

ضاع الليل مني وبزغ ....... لنهار
وريدك تبني سدي ذاك....... لنهار
اضن من ماي شفتك تروي.. لنهار
وانة هور وكطعت المي عليه .

صرت انت القلم يسمر....... ولكتاب
وطفل كلبي اثر هجرك ...... ولكتاب
كمت ما اقرة من غدرك ... ولكتاب
وبعد ما اكدر امحي الجاهلية.

بقلمي

تسلمون ياغالين هلى اهتمامكم وتشجيعكم