حمّاااااااااااال

نسيت اسم العلم واسم اليدرســــــون

وبعت كلشي ورضيت اشتغل حمّـــال

احمل واني بطني اتلولي للجـــــــوع

وعلي ثوب الهضيمه مفصّل افصــال

اسم بس اهانـــــــــه وحجي البطران

وانه اخدودي ترفـــــــه ودمعي شلال

حمّااااااااااااال

اعرف كل جزء لـــــــــــــوراد تحليل

واحجيلك شعــــــــــر واكتب بالامثال

حافظ كل حرف دونــــــــــــه السياب

واكلك عالرصافي اشكال وشكـــــــال

حمّااااااااااااال

هذا انــــــــه المشيت ابجتف مخلوع

وتربات الشوارع صــــــــارت احوال

هذا انه النهــــــــــــــر جفيت ياحيف

اعله قطرة ماي ابوّس جف الوشــال

وكت خله الصحاري اتوزع المـــــاي

وخله اسفوح تعله اتعير الجبــــــــال

وصار اجم حجر بالكاع متـــــــــروك

من يحجي اعله روحه اتكـــول تمثال

وفيثاغورس باع الحصـــــــه ياناس

وانيوتن كفر من طاح العكــــــــــــال

وخلود انكيدو مات ونسه الاعشـــاب

ماعنده رشاوي اتكفي ترحــــــــــــال

وشفت العيد يمشي وثوبه مركــــوع

وعله اخدوده اثر دمعات الاطفــــــال

سألت العيد شنهو هالغيبه ياعيـــــد

دنّك راسه كــــــــــــــال انباك الهلال

اذا حته شمسنــــــــــه اتحجبت بليل

بعد شرجه سواد الليل ينـــــــــــــزال

كفر ضاع العلم بجدام الفلــــــــــوس

مثل حبة عدس مابين الرمــــــــــــال

طلعت غشمه الجفوف الشالت اكتاب

وصدكت كل كلام البيهه ينكــــــــــال

اتمنا

ان

تنال

رضاكم

سلمت أناملك الراقية على هذا الأبداع دام عطر حبرك الراقي وتميزك وعطائك تقبلي مروري مع ارق التحايا وأعطرها

كفر ضاع العلم بجدام الفلــــــــــوس

مثل حبة عدس مابين الرمــــــــــــال

احلام والله ما ادري لقد اختاريت بيت واحد من هذه القصيده الاكثر من رائعه شكرا لكي وبارك الله بيج

اسعدني مروركم وتواصلكم اخوي الطيب سلام الدراجي
وغاليتي الورده الجوريه
تحياتي الكم