زنجيل بقلمي اهداء لكل اعضاء منتديات الفرات


تمر ثكل الشدايد مربينه
هلي بطبع الجلاده مربينه
مره اسهام تشكف مربينه
واذا ما خطتني كلي شصار بيه


ابد مايوم تخطى سهام دنياي
سبب طبعي ابد ماجان دنياي
اصيح عله الوكت واندهله دنياي
واسطرنه ترة بثنين اديه

واذا يسطرني اجلب بيه اماطل
لن مامرنه الفرح للحين ماطل
واذا مرنه كصير وابد ماطال
لان فرحتنه غثه وليه اذيه

وينغث الوكت من فرحي يكدر
وقليل الكاون بهمه ويكدر
وذا مرة الوكت يفلان ويكدار
اعلمه عله الجرة والصار بيه

اعلمه عله الجره بعسرة وشداه
بكثر ماتعب الدلال وشداه
اذا موبيده اخلي الجرح شداه
وكل الراح مني يرده اليه

يردلي الراحن من ادي عله غفله
من اهدهن جن دليلي انقفل غفله
مثل ماسنح لغيري وغفله(وغفاله)
يزهيلي ويضحك ايامه ليه

اتمنا ان ينال اعجابكم ابن الشطره

الله الله كلمات روعه
تسلم الايادي
لك مني ارق السلام
تقبل مروري

مشكور اخي غيث مرورك اسعدني وتسلم يامبدع

تحيه الك عل الشطري زنجيل رائع وكلمات اروع تسلم وبارك الله بيك

تسلم اخوي سلام على ردك الجميل حياك الله ومشكورين

واذا يسطرني اجلب بيه اماطل
لن مامرنه الفرح للحين ماطل
واذا مرنه كصير وابد ماطال
لان فرحتنه غثه وليه اذيه

وينغث الوكت من فرحي يكدر
وقليل الكاون بهمه ويكدر
وذا مرة الوكت يفلان ويكدار
اعلمه عله الجرة والصار بيه




عاشت اناملك رائع بكل ماجاد به قلمك ننتظر جديدك
تحياتي

تسلمين احلام في الانتظار على ردك الجميل واسعدني وجودك في الصفحه مشكوره