مر عليه بكلب صافي...
وامسح بجفك دمع خدي وأثر طعن السيوف
مر عليّ يا سهم موتي
واذبح عيوني بحضرتك..
ما اريدن من عكب هجرك اشوف
كلبي معصوم بمحبتك
ما تجرأ وارتكب ذنب الخيانه
ولا تعافه ولاتكّبر....
ولا شرب كاس المهانه
(من الخيانه)
ياجرح حزن الليالي الما شفت مثلك جرح...
ليلي بغيابك يمر ناكوط حب...
بلايه فرحه وابتسامه
ويذبح بجفي الصبح
وشرد اكلك...
شرد اكلك لوني بغيابك صفه بلون الجرح
لا تكول أنسيت دربي
بيتي صاير مأذنه حب وعواطف
تنحني شمس الله يمي وتبجي لو جاهه الغروب
وبيه ضريح من العشك خضّر شواطي
من الصعب تلكاهه في ارض الشعوب
وانته مذنب من عفتني
نعم....
مذنب من عفتني
يلا ارجع واغسل بشاطي المحبه
ومن ذنب هجرك دتّوب
وانه اظمن
من تجي يم باب بيتي
ومن تطوف بصحن بيتي
ومن تحب شباج بيتي
تنغفر كل الذنوب
صار مده وما شفت طولك يل اسمر
دورت ديوان شعري
بل قصايد
بل دفاتر
الكيت بيهه اسماء كثره
وما لكيت اسمك يل اسمر
ياخيالي...
الرافكاني من الصغر ما غاب لحظه
يا فرض حبي وغرامي
وهم شفت فد يوم مؤمن ينسه فرضه؟؟؟
من دخلت ابحر شوكك
ما كدرت انساك لحظه
وصرت شاعر في غرامك
واكتبت قصه حياتك احلى ومظه
(واحسرتاااااااااااه....
متى انام؟؟؟؟
فأحس ان على الوساده)
ذكرياتك تغفه يمي
وما تخليني انام
شلون من نكعد سويه
شلون من نلعب سويه
شلون لو ضكنه الوكت بآه وعذاب
ع الوكت نضحك سويه
اقسم ب طه نبينه البل سمه وحده عرج
انه محتاجك تجيني
ضيعت مفتاح صبري أباب يتسمه الفرج
ومن هذاك اليوم ....
لليوم انه ادوّر
لا لكيت اسمك يغالي
ولا شفت مفتاح صبري
ولا شفت باب الفرج
ولا شفت باب الفرج

احسنت ايها الشايب رائع كما عهدناك ودوم التوفيق يارب

من دخلت ابحر شوكك
ما كدرت انساك لحظه
وصرت شاعر في غرامك
واكتبت قصه حياتك احلى ومظه

واكتبت بأطراف ايدي
اعلى خدي بدم وريدي
انه احبك والله احبك
وابقى لاخر يوم بيه

ابقى عاشك حتى رسمك
انه احبك حيل احبك
لا تظن مجبور احبك
حبك انته صار عمري
وعمري دونك ما اريده

انه احبك وابقى احبك

بقلمي
ردا على المقطع الذي اعجبني بشده
تقبل تحياتي وتقديري
مع اطيب الامنيات

عاشت اناملك الي نقلت قصيده رائعه دوم الموفقيه والنجاح تحياتي

مشكوريين لمروركم وتواجدكم في صفحاتي ابداع بحد ذاته

نورتم