((سامحتك))من روائع الشاعر المبدع ناظم الحايشي


ياعمر الفراشة

البربعينية يضيع...

مجبور العمر وياك ضيعته..


كلبي اعله العشك..

مارهم بيه مفتاح...

مفتاحك عليه شلون رهمته...


شعره البالعقل...

عتيتها امن سنين...

الجانت للعقل وياك وياك لازمته...


معذور اليحبك...
لو كفر يهواك..
اولو حبك نبي ...هم جان كفرته

بلبل عالغصن كلبي ...
وشمرته حجار...
ومكسور الجنح...للكاع طيحته..

خليته بقفص ....
وتعرفه ياكل تين...
جاع وخبز يابس ....كمت وكلته ...

واتعلم عليك...
وكام من يطير....
يرجع للقفص ...ملهوف علمته..

و من عاشرت ذيب ...
وكالك جوعان ...
وجبه البلبل ...المسكين قدمته...

ورحت تصيد ثاني ...
بكل وكاحه عين ...
والاول بالقفص ...منصوبه فاتحته...

كفيت العتب...
ما عتبك عالصار..
وشيفيد النفخ ....بالنار حاركته!!

يا حلم الطفوله ...
الصرخ بذنه الشوك..
عاف اهل الوفه....اوصدكك من صحته..

حب رباني احبك...
مكتفي الغايات...
وشيطانك دعاني ...وما رحت شفته...

يا اول نهر ...
يحترك بالتاريخ ...
طلعت ريحته...وما يوم جذبته ...

وانته اول ضمير ...
بنص مزاد انباع...
واول حلك ...ياكل لحم خاصرته...

سامحتك رغم ...
كل الصفات البيك ...
يا أول (شمر)بالكون سامحته
__________________

الاخت العزيزه بلسم الروح قرات القصيده الرائعه لثلاث مرات وتمنيت ان اكون انا الذي كتبها علما انها اكبر من ان يكتبها واحد مثلي تحيه لكي من القلب لهذه القصيده الاكثر من رائعه تقبلي مروري مع كل الاحترام لكاتبها والسلام

يا اول نهر ...
يحترك بالتاريخ ...
طلعت ريحته...وما يوم جذبته ...

وانته اول ضمير ...
بنص مزاد انباع...
واول حلك ...ياكل لحم خاصرته...

سامحتك رغم ...
كل الصفات البيك ...
يا أول (شمر)بالكون سامحته
.................................................. .
صدك قصيدة رائعة ..وحكه الاخ سلام بهل الكلام الي كاله
واني قريته اربع مرات..واكول اتمنى يساعدني البال واحفظهه
تحياتي الك اختي العزيزة..

وانته اول ضمير ...
بنص مزاد انباع...
واول حلك ...ياكل لحم خاصرته...

سامحتك رغم ...
كل الصفات البيك ...
يا أول (شمر)بالكون سامحته
__________________



الله يا بلسم كل حرف هوة خنجر بوسط قلبي


كل معنى نابع من معاني قد ذابت في دمي


مشكورة لهطول امطار مدموعي على هذه الاقصيدة


مشكورة لثورة البركان الذي تفجر براسي



تحياتي لكي

بلبل عالغصن كلبي ...
وشمرته حجار...
ومكسور الجنح...للكاع طيحته..

خليته بقفص ....
وتعرفه ياكل تين...
جاع وخبز يابس ....كمت وكلته ...

قصيده غايه في الروعه
لا بل اكثر من ان تكون مجرد رائعه
سلمت الانامل على الانتقاءء المميز
تحياتنا للشاعر ناظم الحاشي
مع تحياتي لكم