اااااااااحبك

احبك حب موكلام السان

انه اختلف عن كل اليحبونك

انه بحبك هايم من اسنين

يموت الكلب صدك بدونك

انه حبي الك من جدمي للراس

وك ذايب انه بنضرت عيونك

وك خليني كحل يم هاي العيون

وخليني اشم شعرت جفونك

وبكلبي تشتغل لجلك النبضات

كل لحضه التدك وتسئل شلونك

وبعيوني بعد مااشوف انسان

وك فدوة ارحمني بنضرت عيونك

انه مسجون بحبك اضل للموت

دكلي شلون اتحاكم بمسجونك

تعذبني بدلالك جنك ولا دريان

ونته الحاكم بالعشك جانو يسمونك

انه الماشوف من انته عني ابعيد

وك ضلمه الدنيا اصبحت من دونك

واذا قيس بعشك ليلى صابه جنون

وك صدك مثله اصبحت مجنونك

مجنون اصبحت وتلوم بيه الناس

مايدرون انه الماعيش من دونك

وانه الهايم بحبك اضل للموت

وشحدهم هلك لو رادو يبعدونك

وانه ازرعتك بالكلب شتلات

صرت وردة وترد روح اليشمونك

صرت وردة وترد روح اليشمونك

ـــــــــــــــــــــــــــــــــــ

بقلم الشاااااعر

كرار المعذب