بعد ماي الفرات لضيفنة نبدية
والكطان الازرك ما نكر شصة

وكل اسباب جوعي بدون استثناء
كلها تروح فدوة لورقة الحصة

كبل خطار اجاني وصادفت عوز
على خدودي شمع ذابت الكصة

ولان تنوري طين وغيرتي من الكاع
خلص عدنا العجين استنسخت كرصة

هسة شبينة ليش وشختلف بالناس
اذا يلتفت ضيفك ينوكل نصة

اهلنة بيت واحد شو صفوا خدين
ملة تلوم ملة وبالكلب غصة

اركض طاح اخوك بضهرة حط سجين
لا غيرك يذبحة تفوتك الفرصة

سكرانة العدالة وناس تاكل ناس
زمن صارت خوات العدلة والنصة

طم هور الجبايش وامحي كردستان
وبصدر الرمادي خنجرك رصة

ولك مو عيب واحنة الي نشيل الراس
شلون جفوفنة تكص راسنة تكصة

اختلفنة احنة بعلي وبعمر وبعثمان
ولو يدري محمد بينة ما وصة


كطرة حية اني والتكصة
ويعرفني النشد عني والتكصة
احنة بجسد واحد والتكصة
بجفك لا تضن كصيت ادية

يخوية تهدة وتلعن الشيطان
عسى من غيراك بحضة وبختة

اني شردت منك غير ننسى الراح
وطرفك على الزعل بيناتنة تغضة

اني وياك سيف ونذبح الجلاد
واذا تعبت ادينة بلوزتة نعضة

العباس جدنة الماحتاج جفوف
ضل حد السنون الازم القبضة

انفطمنة على البنادق وانت تعرف زين
الشعيرة بلا نفع لو زعلت الفرضة

انا غركان يمك ها يخو عثمان
يل بجسر الائمة ما صفن لحضة

شاف الايد وحدة وناس صكها الماي
وعلى كل الجفوف الصاحتة تشضة

انا دجلة الخير المانست عطشان
واخوية انت الفرات وترضة ماترضة

اختلفنة بالولياء الله وضعنة
واحنا الساس للدنيا وظعنة
وربك ما نغير من وضعنة
شرط الا تحط ايدك بدية ..........................

للشاعر صباح الهلالي
مع الاعتذار للاخت بلسم الروح

بلسم قصيده رائعه بس اعتقد هذه القصيده للشاعر صباح الهلالي وليس للشاعر سمير صبيح تحياتي الچ ودمتي بخير

المشاركة الأصلية كتبت بواسطة بلسم الروح

بعد ماي الفرات لضيفنة نبدية
والكطان الازرك ما نكر شصة

وكل اسباب جوعي بدون استثناء
كلها تروح فدوة لورقة الحصة

كبل خطار اجاني وصادفت عوز
على خدودي شمع ذابت الكصة

ولان تنوري طين وغيرته من الكاع
خلص عدنا العجين استنسخ لكرصة

هسة شبينة ليش وشختلف بالناس
اذا يلتفت ضيفك ينوكل نصة

اهلنة بيت واحد شو صفوا ضدين
ملة تلوم ملة وبالكلب غصة

اركض طاح اخوك بضهرة حط سجين
لا غيرك يذبحة تفوتك الفرصة

سكرانة العدالة وناس تاكل ناس
زمن صارت خوات العلوه والنصة

طم هور الجبايش وامحي كردستان
وبصدر الرمادي خنجرك رصة

ولك مو عيب واحنة الي نشيل الراس
شلون جفوفنة أتحط راسنة تكصة

اختلفنة احنة بعلي وبعمر وبعثمان
ولو يدري محمد بينة ما وصة


كطرة حية اني والتكصة
ويعرفني النشد عني والتكصة
احنة بجسد واحد والتكصة
بجفك لا تضن كصيت ادية

يخوية تهدة وتلعن الشيطان
عسى من غيراك أبخته وبحظه

اني شردت منك غير ننسى الراح
وطرفك على الزعل بيناتنة تغضة

اني وياك سيف ونذبح الجلاد
واذا تعبت ادينة بلوزتة نعضة

العباس جدنة الماحتاج جفوف
ضل حد السنون الازم القبضة

انفطمنة على البنادق وانت تعرف زين
الشعيرة بلا نفع لو زعلت الفرضة

انا غركان يمك ها يخو عثمان
يل بجسر الائمة ما صفن لحضة

شاف الايد وحدة وناس صكها الماي
وعلى كل الجفوف الصاحتة تشضة

انا دجلة الخير المانست عطشان
واخوية انت الفرات وترضة ماترضة

اختلفنة بالولياء الله وضعنة
واحنا الساس للدنيا وظعنة
وربك ما نغير من وضعنة
شرط الا تحط ايدك بدية ..........................

للشاعر سميح صبيح

خيتي هاي القصيده
للشاعر صباح الهلالي
قدمت عن طريق السومريه
مسابقات شعريه وفازت في
ذلك اليوم بالمرتبه الاولى
وكان من ضمن الجنة التحكيم
الدكتور ميمون الخالدي
وهناك بعظ التعديلات
قمت بأجرائها أرجو منك ان
تتابعي الرد وســــــــــلام
الخالدي

تشرفت بمروركم اساتذتي

اني نقلتهه وكان اسم الشاعر بالضبط مثل ماكتبتة كان مكتوب ومومن الانصاف ابدل الاسم واني

مااعرف منو الي كاتبة ولا من الانصاف ان تكون لشاعر اخر وينكتب غير شاعر وحيرتوني شراح اسوي بهيج حالة

حرام اذا كانت للشاعر صباح الهلالي وتنتسب لغيرة

اسعدني جدا جدا مروركم تحياتي

قصيده في غايه الروعها
اختي العزيزة
شكرا لكي على الانتقاء المميز
وتقبلي تحياتي