*مـاريد اشوفك *




شنو انت ورب العباد شلون سواك
بشر من طيـــن ما اصدگ انة بهاي *



كلش طبيعي من احجي وية الغير
وكلش مو طبيعي من تحچي انت وياي *



ما اريد اوصفك تعذرني حيل ارجوك
ماي صافي انت وياهو اليوصف الماي *



ماريد اشوفك خليني بس عالصوت
شكرا ً علة الصوت وافضالك انت هواي *



بعدني زغير واكسر دليل الموت
خليني اعيش والفات ازغر من الجاي*



تـوّن ع الناي وتدمع عيون الناس
وانت علة صوتك يغفة ويطيب الناي *



ما يثبت عگل شد الجناح وطار
وشيبقى علة صوتك ياعگل ياراي*



خاطر لا انــام من احچي انة وياك
محسب حسابي يمي قوري الچاي

القصيدة منقوله

وهذه اهداء خاص من الزير لشخص عزيز على قلبي

عاشت ايدك يالغالي
قصيدة جميلة لا بل رائعة
وانتقاء مميز -- شكرا لك
ولحسن اختيارك - وان شاء الله يقراها العزيز على قلبك

دمت بخير عزيزي

عاشت اناملك ياطيب قصيده رائعه
دوم الابداع والتميز
دمت بالف خير

تحياتي لك

اخويه مهداه الى عزيز لو عزيزه ههههههههه
تسلم ياورده ياسالم رائع كما عهدناك

مشكورين جميعا على المرور العطر

تقبلوا تحياتي

مشكورين عيوني على هذا المرور العطر

دمتم بخير

كلمات رقيقه وجميله وأفاقت
الجمال....
كم يسرني ان اكون احد الرادين
على هذه الكلمات الشامخه
بردي البسيط اعذرني
لاني لم اوفي بحق هذه الكلمات
سلمت على هذا الموضوع المميز
دوماً للابداع