بيوم عاشورا الموقف كئيب
بجت ويه حسين اعيون الصخر
من أجه حسين اوكف يم العضيد
نحنه كبالة منعنده الظهر
ادموم ويه الدمع نزلت بنكسار
جالفرات يصبّن بخد الكمر
انكسر ظهره لأن اصبح وحيد
وأبو اليمه انحنه ظهره من القهر
راد ايشيله ويرد بيه للخيام
لكن العباس منعنده اعتذر
للمخيم لو رجع شنهو يكول
وجوده المصيوب تارك بيه أثر
راد يوصل الماي لخيام الحسين
لأن يدري سكينه جانت تنتظر
وحال بينه الموت وما بين الخيام
والزنود انقطعن وراسه انطبر
وعين مطفيه بسهم ذاك اللعين
وعين لسكينه تبجي وتعتذر
وعين لسكينه تبجي وتعتذر

تحياتي



مصطفى العراقي

المشاركة الأصلية كتبت بواسطة محمد السوداني

بوركت وطيب الله انفاسك

قصيدة رائعه عاشت الايادي يامبدع

دام لنا نزف قلمك

لك تحياتي وتقديري

اخي العزيز محمد السوداني
شكرا لجميل مرورك على متصفحي
وتقبل تحياتي وخالص ودي واحترامي لشخصكم الكريم

تحياتي

العراقي

المشاركة الأصلية كتبت بواسطة ام فيصل

عطر الله انفاسك يامصطفى
السلام على الكفيل -- قطيع الكفين
السلام على ساقي عطاشى كربلا

احسنت وصح لسانك عزيزي
كلمات ووصف رائع جاد به قلمك
لاحرمنا هذا الجود والعطاء

دمت بخير عزيزي

ام فيصل
شكرا لجميل مرورك على متصفحي
تقبلي تحياتي

العراقي