عمي اشلون صحتك ياوزير التجاره
وعمي امنيلك هاي الملايين

بعت الشكر والجاي والتمن
وبعت الدهن والتايت والطحين

انت ماتحاف الله يعمي
اتبوك هالفقره العراقيين

انا ارد اقارن بينك وبين الي كبلك
في عهد صدام عهد الظالمين

داعيه انت لأن من حزب الدعاة
وهو بعثي لأن من زمرة مجرمين

في زمن صدام جان الحصار
وجانت حرب من اتلاثه وتلاثين

وانت امريكا كلها اوياك
يعني الدول كلها اوياك متحدين

جنه ابسجن حتى العرب ضدنه
وبمذكرة التفاهم جنه متكفين

في زمن صدام جان الظلم والخوف
انا اوياك بس ماكنا جوعانين

وبهذا الزمن شنهي الجرى والصار
ارهاب وظلم للخبزه محتاجين

اخوك امنيله هاي الاملاك
اخذ دم الشعب دم المساكين

جانت الحصه تتوزع صدك عالناس
وبالشهر تتوزع بعد حصتين

وزير التجاره ابعهد صدام
مومجرم نكول وابن بعثين

اوزير التجاره اليوم من ياحزب
حزب الدعوه حزب الخير حزب المساكين

وزير التجاره ابعهد صدام
من عفلق ماخذها القوانين

ابن الدعوه انت ونعرف ابهاي
غير عاللصدر كلتو احنا ماشين

شوهتو الأسم شوهتو هالصورة
ياصورة املنا البيها معتزين

فلاح عليك يالمالكي محسوب
والمرؤوس من ريسه ياخذه القوانين

دمرتو العراق الأرض والشعب
هسه عاللصحافه اليوم متحزمين

الف دعوه درفعوها بعد تشهير
لأن صوت الحقيقه ايطلع الموزين

اذا انت شريف امطبق القانون
من القلم ليش ادكول مغدورين

اذا انت حرامي بين ومعروف
بكت العراق وفي ظرف سنتين

بس مايسكت شعبنا لاتفوتك هاي
وحكه مايظيع ايطلعه من العين

لأن شعب العراق بين ومعروف
يثور عالطغاة وبيده حبلين

حبل عيد الأضحى بين ومكشوف
يكطع بالركاب ايسلم البين

وحبل مختص بس على التمثال
يجر تمثالك انت اتسحكه الرجلين

شكرا لك عزيزي عباس
قصيدة ألم واحساس بالظلم والجور

حسبنا الله ونعم الوكيل في كل من يخون هذا الوطن وشعبه المظلوم
والله قادر -- ويمهل ولايهمل الظالم

اعانكم الله وآتاكم ثواب الشاكرين المحتسبين

وسوف تفرج بإذن الله وعن قريب

مع تحياتي لك