عين مارادت ضوه وماكو نهار
وعين حركت ليلهه اتدور ضوه
وخيل عطشانه قطع بيهه الفرات
وخيل حافرهه شرب دم وارتوه
ونبله طاحت صوبت نحر الرضيع
ودمعه حالا صبت وطاحن سوه
الله واكبر يادمائك ياحسين
دم رضيع الطاح ماشاله الهوه
كل ملائكة السماء اتحاوطوه
كبرو واهتزله عرش السماء
ناده لاجله حسين والاف السنين
ضل صدى ينادي شعظم ذاك النداء
الله واكبر يادمائك ياحسين
لاولاجفت بعد ذيج الدماء
سيوف ليك اتحشمت معقولة بس ...
شلون واحد ضدك ايسل سيفه
والسيف ذاك الذابحك لوعنده عين
جاافتر ومن شمر خذ حيفه
احنه اذا نفرض جنت مولاي ضيف
يااصيل ايصير يذبح ضيفه
شلون بالماساندك في كربلاء
شلون ضل يفرز شتاه من صيفه ؟
شلون اذا طيفك يمر عينه بمنام ؟
شلون من يكعد يسولف طيفه ؟
سدي ...
ناصبلك بروحي عزاء
وليك كل يوم اليمر عندي اربعين
الف مر وفوكهه اربعميت عام
يالقضيتك ماتمض بيهه السنين
انته موبس ثار
موبس ثار لا بس كربلاء
انته دمعه وخضرت بينه حنين
وانته نصر الله نصر الله في كل العصور
انطيت روحك بس خذت نصر مبين
وانته مبدا وانه بي عندي اعتقاد
وروحي الك كل العمر تكضيه ونين
وانته اذا مرني همس طاريك اصيح
الله واكبر يادمائك ياحسين
الليل مارد الضوه يشوف الخيام
الكاع نار اتصير اذا تبجي الشمس
زينب وكافلهه والدم والحسين
مذبحين تشوفهم وليان امس
وحنة القاسم عجيبة كربلاء
شلون الدم قاتله يحني العرس
منقول

عاشت ايدك ياعمار
قصيدة رثائية عن واقعة الطف الأليمة
شكرا لك عزيزي وجعلها الله في ميزان عملك
تحياتي لك

تحياتي لكي اخي الغاليةيسعدني مرورك وتواجدكهذه يزيدني فخر وعتزازبك اختي الغاليةشكرا لكي ولمرورك الغاليعنديتقبلي خالص تحياتي

الاخ العزيز عمار الغزي
قصيدة رائعة وابيات محملة بوجع الماضي القريب
ومعانيها داميه يخشع لها الضمير الحي
بوركت وسلمت يداك

تقبل تحياتي وتقديري

سلمت الايادي
شكرا الك عمار ع القصيدة الرائعة
جعلها الله في ميزان حسناتك

تحياتي