أخواني الأعزاء هذه القصيده واقع حال
حدث مع الشاعر المرحوم عبد صعب الخالدي
حيث كان له (ديج )عزيز على قلبه ووجده أمام البيت
مقتول بعد فتره من أختفائه فقال
ـــــــــ
حيهم صحت راح الديج وين أخوتي دورو أوياي
كلهم غلسو عني ماواحد سمع نخواي

سمع نخواي ماواحد ولايمكن أتركنه
أدور عليه كل الحي ولابيت الي أعكبنه
تالي أكرفه كل أوكل حته المار أحلفنه
ولا يمكن أنام اليل أخاف أعليه يصفي الماي

يصفي الماي أخاف أعليه صوته ما أسمعنه
يخوتي أطيكم أوصافه عشم وسود وله لمعه
ووصاف اوحسن ماصاير كله بيه متجمعه
وركاب العرف دجه أوريض بالمشي بهداي

بهداي أوبعد حاله عنده الفجر من ينطر
اليسمع صوته والحانه يثبت بعد مايكدر
اليسمع حسه العذري يضل سكران يتصور
يرد أيكول لو ينباع أوصل بيه الف أوجاي

أوصل بيه 600هذه أكليل أبحكه
ياهاف البخت لاكاه أشلون أتجاسر أوطكه
الباله أيروح دمه أظياع نلزم حلكه ونشكه
وسوي أعليه يوم أسود أوخلي أشما يصير أوياي

أوياي أوعلكت بيرغ عالي أوشافته كل عين
اليوم أويلفجر وديت المعرده اطروش أثنين
ولثالث مشه أمفرع يحشم أولاد أحسين
ولرابع راح لم توله دم أسود تهل العين
والخامس راح للهوره كل اوكل تجيني أبهاي

هاي أتريد متصله حربيه أعله حربيه
الأول يوصل المشخاب والتالي بالشنافيه
واني بول الجيمه أتصير الحرب ظهريه
واخذ حيفي من عنده وطفي ناري البحشاي

ـــــــــــــــــــــ

الخالدي

سلمت الخالدي ودمتتحياتي لك