مثل جنح الفراشه شفاك ورقه
وربيع الشوك منك راد ورقه
كل بوسه حبيبي اطيك ورقه
واذا حلك ابحلك دفتر هديه
-
سكر كأس الخمر من ضاك نفسك
واكو غيرك حلو بس ماكو نفسك
اريدك ياحبيبي اتبوس نفسك
بس ابداخلك تنويها اليه
-
نحبه وماكعد وياه حظنه
وجني من الدفو حسيت حظنه
انه ماريد طمع بس ردت حظنه
بس من الحظنه شيفكه من اديه
-
سهام عينك بكلبي حيل شرعا
وسفن حبك بخليج الروح شرعا
وردت مذهب يحلل بوس شرعا
واذا ماكو ارد للجاهليه
-
اهنا يلخذة روحي وانته بيه
المحاسن فرع منك وانته بيه
لاتحرك جبدتي وانته بيه
خوفي عليك مو خوفي عليه
القلب مارف على غيرك ولامال
,خلص من كثرة اودادك ولامال
,ابد لاولف يانسني ولامال
,الونس انتة حبيبي وهاي هية

مما راق لي

مشاركة رائعه ومجموعه رائعه من الابوذيه سلمت يداك
اخ عمار الغزي

منور المنتدى بتواجدك

تقبل تحياتي وتقيدري

ننتظر منك المزيد

كلمات رائعه ومميزه
يسلمو الايادي لماخطت من اروع الكلمات

اتمنالكم التوفيق والابداع دائما

موفقين بإذن الله ... لكم مني أجمل تحية .

تقبلو مروري

مرحبا بك ياعمار
أنار المنتدى تواجدك عزيزي
باقة ابوذيات جميلة
شكرا لك ولحسن تذوقك
ارجو لك دوام التميز وننتظر منك المزيد
تحياتي لك