انت مو اول محب
عافني بنص الطريق
هواي كبلك ياترف
عافوني !
انه ليل شتاي
يمطر بس هموم
ومن اضيع بنص هموم
الشوك بس تلكوني
انه عاشك
والدرب صوبيته موت
ومن اموت شلون
هم تحيوني ؟؟
تاني ايدك عود مره
ادكلي باب
ومن اكولن ... هااا
ميسمعوني .
اني لاويت شكثر
ولا منلويت
بس عيونك اعترف يلووني !
انه اسولف بالعشك ليل ونهار
والسوالف تبحر وي
ضنوني
انه بدونك ريشه بيوم ريح
ومدري انتو شلونكم
من دوني ؟؟؟
ازرع القداح اشو حنظل يصير
وهم اداري واسكي فيض عيوني
وخل يصب نهران فيض عيوني
وانت مو اول محب عافني
بنص الطريق
هواي كبلك ياترف عافوني
بروحي جمرة شوك تحركني
بسكوت
وخلهه تحرك روحي
لطفوني !!
تريد تمشي راح اطش
عمري وراك
وهواي كبلك ياترف
عافوني ...!

ماجد الشاعر
16 / 5 / 2009

جميل ما خطته اناملك اخي العزيز ماجد
سلمت وسلم قلمك الذهبي
تقبل مروري المتواضع على صفحتك المشرقة
ولك مني ارق التحايا

انه ليل شتاي
يمطر بس هموم
ومن اضيع بنص هموم
الشوك بس تلكوني
انه عاشك
والدرب صوبيته موت
ومن اموت شلون
هم تحيوني ؟؟


الله عليك بابا ماجد
يشرفني وسعدني ان اكون اول المارين على قصائدك الرائعه
ودام نبضك ودام مداد قلمك ياشاعرنا الكبير
تحياتي لك اينما تكون بابا

ازرع القداح اشو حنظل يصير
وهم اداري واسكي فيض عيوني
وخل يصب نهران فيض عيوني
وانت مو اول محب عافني
بنص الطريق
هواي كبلك ياترف عافوني
بروحي جمرة شوك تحركني
بسكوت
وخلهه تحرك روحي
لطفوني !!


الله بابا تكمله جداااا رائعه للقصيده واجتي على الجرح بابا الغالي

دام نبضك ومداد قلمك يامبدع الشعر كله
ربي لايحرمنا منك ابوي الغالي

حبيبي واخي الغالي حيدر القريشي
شكرا لمرورك الرائع نورت متصفحي
بتواجدك هنا .........

احلام
شكرا لروعة المرور وشكرا لكلمتك
الغاليه اتمنى لك التالق
والابداع الدائم
وتفبلي دعواتي
تحيااااااااتي

الله عليك يالغالي ماجد كلمات في قمة الروعه

واحساس صادق دام لنا نبض قلمك المميز


مع تحياتي

لقـد فــَردت ُ اشــرعتـــي هنــا
واختــرت ُ وجهتـــــي
بيــن حـــروف تتــألم --- وكلمـــات ٍ تصـــرخ بصمـــت
وكأنمــا الإبــداع ُ فـي لحظـــة ِ الـحـــُزن اقـــوى
تجــذبنــا دائمــا بصــدق احساســك
عنــدمـا نبــوح ُ يــامــاجد -------- يصبــح ُ القلــم ُ سفيـــرنا

عــابرة ٍ تـــركــت أثـــرا ً هنــــــــــا ---------- كلمـــة مبــــدع باحساســك