محاوره بين حبيبين متفاركين

الفتاة
انه اصبحت للغير ياولفي بعدك
بس الكلب يفلان خليته عندك

الشاب
ادري الكلب وياي بس انتي وينج؟
خافن بعد شهرين تنساني عينج
الفتاة
لاوالله ماانساك والحج والحرام
بعيني غافي تنام عام والف عام

الشاب
كل عقلج تظنين تغفى انه عيني
لمن افكر بيج مدري انه ويني

الفتاة
ادري العشك وياك جزاهه الحدود
اقسم قسم بهواك بالرايه والجود
الشاب
كلبي الربى على هواج تنزف سنينه
البعد كاصي وياه شجبرينـــــــه

الفتاة
زلت لسان وياك خلتني اندم
مو دمع هل بجفاك وك بحر من دم

الشاب
راح الزمان البيه جنت اسمع اعتاب
كلبي الطلع فزاع بحبج انصاب
الفتاه
مااحجي انه وياك دموعي يحجن
بكثر الغرام الجان عيوني يبجن

الشاب
لغيــــــري لـو زفــــــوج يتبــــدل الـــرأي
ونسياني سهل يصير جن شربت الماي
الفتاة
ثق وعتقد بالله ماانسى حبك
ولاخر نفس بالروح امشي على دربك
منقول

عااشت ايدك يامميز
دارميات حب جميلة
واحساس رائع
شكرا لك عزيزي
ودام لنا الإبداع
تحياتي لك

تسلم يامبدع ابيات في
غايت الروعه ولدقه الشعريه
وبنتضار جديدك تقبل
مروري
الخالدي

اختيار اكثر من موفق
وذوق رفيع المستوى
شكرا لك اخي الفاضل
ولك مني ارق التحايا

عاشت الايادي اخويه العزيز مصطفى محاوره ودارميات روعه
الف شكر لمتعة القراءة

تقبل تحياتي

وبانتظار جديدك

كلام جميل ورائع بمعنى الكلمة
عاشت الايادي والذوق الرفيع
شكرا على الاختيار الموفق
دمت بكل خير اخي المحترم

همسس الررووح

راح الزمان البيه جنت اسمع اعتاب
كلبي الطلع فزاع بحبج انصاب
الفتاه
مااحجي انه وياك دموعي يحجن
بكثر الغرام الجان عيوني يبجن