يسئلوني منين انته شيعي لو سنًي
انه مسلم وبطن العراق تحملني
وما فرفت من شالت عمر وحسين
منين أنته وجاي تريد تفرقني
انه مسلم وايماني لرسول الله
وبربي الواحد ما تكدر تكفرني
انه المشانق والمحكوم بالاعدام
وجم مره بمره الجلاد يعدمني
بس ما كدر لأني صوت الحق
وصوت الحق عايش وماتكدر تموتني
انه ابن العراق الي وكعَت مجروح
لتفرق مد الي ايدك وكوَمني
النار الرمتني مو من هذي الكاع
نار اجنبي متقصده وتعرفني
صاحب نخوه وماتهزني اخطار
وجم غزو واحتلال وماكدر يغيرني
بقيت العراق وعلم بهذا الكون
ودروس الصبر كلهم اتعلموا مني
غيرتي اعله الشرف والكاع
ومضيفي عامر ومخذلت الينشدني
خلتوحد وميهمك حجي مظمور
حط ايدك بأيدي وللوحده انغني
لأنك عراقي والعراقي دوم
ما ينسه رَبعه خليك ذاكرني
وننسه الجرَه ونبيض الاوراق
مديت ايدي الك مد ايدك وصافحني

يسئلوني منين انته شيعي لو سنًي
انه مسلم وبطن العراق تحملني

كلمات اكثر من روعة
الف شكر عزيزتي سومه على القصيده الرائعة
والله يحمي العراق من كل شر..
دمتي بود
ورمضان كريم عليكم

يسئلوني منين انته شيعي لو سنًي
انه مسلم وبطن العراق تحملني

الله عليج أختي سومة مبدعة
كلمات جميلة صاغتها يداك
بأسمي وبأسم كل عراقي
نشكرك كل الشكر على هذه
الكلمات الرائعة


تحياتي


عراقي أصيل

روووووووووووووووووووعه بارك الله بكِ

عاشت ايدج سومه القصديه تخبل
وكلماتها روعة
تحياتي لكي والله يوفقج