ذبني من كلبك خلص ذاك الغرام
واكسر الصورة كبل لايبدي ليلك
واطوي صفحات العشك كبل الرحيل
لان صفحات العشك ترفض رحيلك
جنت متوهم واحب المستحيل
وادري حبك مرتبط وي مستحيلك
رصاصة انته وطيحت كلبي قتيل
يمته تعرف انته مثلت ابقتيلك
يمته تعرف ؟؟
انته قصرت ابهواك
يمته تعرف منهو ضدك ؟؟من خليلك
يمته ليلك يستحي من انجوم ليلك ؟؟؟
يمته واليمته قضيه
وانته وين ؟؟؟؟؟؟؟
ماشفت منك حلم حتى اندعيلك
ماشفت طلقة الرحمه حتى اموت
ولاشفت دنيه واعيش واعتنيلك
ماعشت خالي واكول آنه وحيد
ولاعشت وياك حتى اذكر جميلك
جنت ادري العمر مايخلص معاك
وجنت متوقع تتيه انته ودليلك
انته يمي وبالك ابعالم بعيد
وآنه روحي اجفوف تتحلم تشيلك
روحي تتمنه ابحلم تحصد هواك
واعله جنحان الدفوتطردجحيلك
ادري موحلمك !! ولا آنه المراد
وادري شوكي الذاب مايشفي غليلك
ويه غيري تحلم اتلاكي السبيل
وانته كوم اذنوب ومضيع سبيلك
الذنوب اهواي والدنيه امتحان
والكبائر كلهن ايلمهن شليلك
الكبائر نقمه والاكثر هواك
من تكون اوياي !!
وانته الغيري ميلك
شفتك وجذبت عيني وكلت طيف
ومثل كل قصة زعل,, آنه اعتنيلك
جنت كل مرة اعتذر وآنه الاجيك
حتى لو ميت يفز كلبي ويجيلك
اعتذرلك وامحي كلشي وخل اموت
ومن اموت ابدمعه واسيني احتييلك
وهسه اجيت وشفت عنوانك رحيل !!
وشفت ايدك بيد غيري اتشدهه حيل !!
وكبل لااحجي !!!!!!!
كلت هذا بديلك
كبل لااحجي كلت هذا بديلك

تبقى سهام الغدر متلاطمة
وسبل الخيانة ترعد في القلوب
وتظل الروح بالحزن تتكلم
مررت هنا لأسجل اعجابي بأناقة حرفك وتعبير كلماتك
ابو حسين --- رائع انت حد الروعة
دام لنا هذا الإحساس الراقي
وصدق المشاعر
احييك ------------ عزيزي

صح لسانك يا شاعرنا المبدع

قصيده اكثر من رااائعه

شكرا جزيلا لك

مودتي

شنو .. هالابداع ... والكلام ... اللي ..... من ..... القلب
تقبل احترامي لتعابيرك الجميله