من اجيتوا ...!
علكينه سنينه شموع بدربكم
وضوّن وكطرن محبه
وازرعنه درب الجابكم
صوب حنه.... وصوب ياس ..
ومن اجيتوا ...
غفت كل جروحنه كبال عيونكم ..
واحنه .. احنه
احنه دولبنه الزمان بدونكم
ومن اجيتوا ... مدري اكولن من تجون .
راح اودع اخر دموعي بدربكم
وراح ارسم فرحه ويلمهه
حظنكم ..
ومن تجون ..
راح اوزع جوري لعيون الفرات
وراح اطش ع الناس فرحه
بلايه شوف ...
وراح بعيونك اطوف .
وراح اشم ريحه ودادك
والفاركتني من سنين
ومن تجون ...
راح اصيح بعالي صوتي
هذا محبوبي رجعلي
هذا كلبي الجان غايب
هسه ردلي
ورجع ينبض من جديد
ورجعت عيونك مدينه تلمنه
واطش الحنين
ومن تجون ..!
راح بتراب جدامكم
نكحل رموش العيون ..

تحيات ماجد الشاعر
12 / 4 / 2009

سيدي وابوي الغالي يسعدني ان اكون اول المارين هنا
يا أخر الحروف..طربت فرحاً بمعزوفتك الشجيه.

كلماتك غايه في الروعه ..أعلم أن حروفك وكلماتك قد دخلت الى القلب مسرعه.

فشكري لك ولأناملك الرقيقه التي سطرت لنا اعذب وارق واجمل سموفنيه .

انت فنان الحروف ..ام سلطان الكلام..

شكراً لك ودمت بخير

غاليتي احلام
شكرا لهذا الاطراء وللمرور الجميل
حقيقة اعتز بك وبمرورك
من هنا
تحيات بابا لك بنتي العزيزه ..
فنان الحروف .. وسلطان الكلام
كبيرة هذا الالقاب حلومه
لو لان بابا هيج تكولين ؟؟
هههههههههههه

جميل ماعزفت الشاعر ولك مني كل الود والتقدير

راح اودع اخر دموعي بدربكم
وراح ارسم فرحه ويلمهه
حظنكم ..
ومن تجون ..
راح اوزع جوري لعيون الفرات
وراح اطش ع الناس فرحه

ماجد الشاعر
ريشة قلمك هنا لها وقع اخر
اسقطت الموناليزا من الجدار وتعلقت بمكانها
لله درك ما اروعك
تقبل تحياتي وشكري الجزيل

حبيبي اسامه سعيد جدا بوجودك هنا وشكرا لك يالغالي

اخي محمد الغالي
كبيرة هنا كلمتك بحقي وتشعرني بالزهو مره والخجل اخرى
وقمة سعادتي اني معكم

ومن تجون ...
راح اصيح بعالي صوتي
هذا محبوبي رجعلي
هذا كلبي الجان غايب
هسه ردلي

عندما اخترت لك لقب ( صانع الكلمات )
لم اخترها عبثا
ولكنني اخترتها لدقة صنعتك باختيار الألفاظ
وصياغتها
انت مبدع وهذا يكفي
احسنت ياماجـــــد