-.-.-الدنيا-.-.-
الدنيـــا بس ويـــاي شـَــدّت عداوه
ولا واحد إمن الناس لجروحـي داوه
الدنيـا للتهِـواه تِرقــــص إمفرعــــــه
وآنه تجيني إبمــوس وتقلّي إبلعـــه
الدنيا للتهــــواه ترقصـــله جــــــوبي
وآنه الفكَــر يا ناس شقّالي ثوبــــي
-.-.-سؤال ليس في محله-.-.-
لاتســأل إعله الحـال خلـّيهـــا سكتـــه
تسأل على المقتول والقــــاتل إنتــــــه
شحجي وتريد الناس من عندي أحجي
دمعتي إبطرف العين بـس أحجي أبجي
يسألني البطران حالــك إشلونـــــــــــه
الغاضب الله إعليه هم ينشدوونـــــــــه
-.-.-شماتة صديق-.-.-
ناقـــه إشكثر للغير درّن ثدايــــــــــــاي
تاليهـــا للقصّــاب ودّتـــــني دنيـــــــاي
ماهًمني القصّــــــاب من علّــق إجلاي
همني الصديق القال عيّـرلي من هاي
اتمنى ان الموضوع قد اعجبكم
ودمتمــ