يا وطن يا أحلى جنه

ياوطن ياأحله جنَّه

ياعيون اُمنه وأهلنه

بس هذوله اليعرفون

شگد غلاوتنه وثمنَّه

وبس گلبهم يحس بينه

مِن نگول الدهر ذلنه

شما يطول الزمن نبقه

اغراب لو بالسِمه صرنه

نظل مثل الورد يبچي

لطينِته البيهه انشِتَلنه

سْتَونه حسّينه من اهد

ماودِّعونه احنه انكِتَلنه!

وين العيون الجميله

الدافيه الچانت حِضِنَّه؟

وّين الگلوب اللي مِن نرتعش

تتراجَف گبلنه؟

حتّه لسعات العذاب

إلهه طعم ثاني بوطنَّه

لأن كل الناس يوصلهم

ويه النسمه حزنَّه

غلط مِن ردنه نداوي

الجرح بدّلنه نَزلنه

گبل ماكتِّينه دمعه

ببابه خَيَّب كل أملنه

سْتَونه حسّينه من اهد

ماودِّعونه احنه انكِتَلنه

تحياتي وسلامي
للشاعر عبد المنعم جابر الforaten.net/?foraten.net/?foraten.net/?foraten.net/?foraten.net/?

شكرا اختي العزيزة مرام سامي الوردة
على الكلمات المميزة
عاشت الايادي اختيار رائع وجميل
وتحياتي