وين الوفه

ردت اكتب واخط سطور عالدفتر

وگلت اقراهن الك لو دار الدهر وفتر

واگلك ياعذب اسمــــــــــــــــــــــع


چلماتك زين وتــــــــــــــــــــــذكر

موش انته الگلت يبقى الوفه بينه

حدگطع النفس واعله العشگ نتامر

ومن عشگنه العشگ يستلهم الفكره

شدارك علي انوبه وطبعك اتغير

ولك وين الوفه وذاك الغرام الچان

واعله لسانك چلمات من الخجل تتعثر

وكيح وصلف عين اطلعت يفلان

عجيبه الملح والزاد وياك ماغزر

ومن حچي الغرام الچنه نسولف بيه

ليش اعله طبعك ذاك الحچي مااثر

حبيتك حب بلايه حدود

ومن كثر حبي الك يفلان اتصور

من اشوفك چنت ترتجف كل عضاي

وجدمي مثل لوح الخشب عالارض يتبسمر

وتتخربط گليبي من تجبل دگته بلحضات

ومن تجبل علي ما چن حبيب الروح چن منكر

وانته اتمر علي ماچنك ولك مريت

ووجهك علي بالچذب مايفتر

لالگيت الذي يهواه گلبك ولا

ذنب البده مني وعلي رايك اتغير

بس كبرت واصبحت مغروريفلان

وعلى جمال البيك ايلوگلك تغتر

ولك مو انه الربيتك بدي بذات

وغصنك من مايي روى واثمر

تهده الغصن مو بس من الرياح ايطيح

ا وكات الغصن من ثگل ثمر البيه يتكسر

بري الذمه اعله مايي السگيتك بيه

واعله سنين عمري الگضت وياك ومشكر

الاحـــــــــــــد

2003/10/12

تحياتي

انــــــــــــا عــــــــــــراقـــــــــــــي