مدري بياصوت اصيحك ؟
ومدري ياجلمه التجيبك ؟ وانت مبعد
ومدري ياباب الادكه حتى ترجع ......؟
وانت وينك ...
بلحظه قررت السفر وتعوف كلشي !
وانه وعيوني وضنوني .
ودمعه كل لحظه وتكحل باب رمشي !
ومدري بياصوت اصيحك ؟
ومن اصيحك هم ترد من تسمع نداي ؟
لو ادير وجهك سكته عني بليل تمشي
واني لو بيدي وحياتك .... جا تنيتك
واني لو بيدي وحياتك ...
جا بعت عمري وشريتك !
بكد طيور الكطه للجاري اشتهتك
وبكثر ليل الموادع بجيتك !
وانه لو بيدي الم عمري الضاع اباب بيتك
وانه لو بيدي جا لكيتك ...
بكثر مادورتك امس هلبت لكيتك ..
وهي ريح ومن تمر اجيب وياهه كلشي
وهي دمعه والله حطّهه حتى نبجي !
واشتهينه اليوم نبجي
بكثر ما دمعات بينه
وخاف دمعات الي بينه ماتكفي
نحتاج دموع شكثر فوك دموعنه
وخناجر بعد نحتاج بين ضلوعنه
ولون ادري بياصوت اصيحك
جا صحتلك ..
ولون ادري ياباب الادكه ولي ترجع
جان ادك بيبان عمري اباب وجهك
وهي بكيفك بعد ظلت يالبعيد
والعليه انه بكل صوتي صحتلك
وانت ماردك نداي
وهي قسمه وانت وين ما تبعد علي
بخير اتمنه اشوفك

ومن تجيني بطيف يتكحلن عيوني
ومن اصيحك بطيفي بسمك
اتوسل جدامك تجيني
واتوسلك وينك تعال
....



تحيات ماجد الشاعر
21/ 3 /2009

أحب أن أكون أول من تملك الرد الأول
حـروف رائـ ع ــهـ متـآلقـــهـ .

أسلـوب مميــز ومبـــدع مـن قلـــم ذهبـــــــــي..

كلمــآآت عبـــــــرت خلجــآآت الأحـآسيـــس..

واستـوطـنـت الــروووح..

دائمـآ سحــر كلمـآتكـ يجبــرني على الوقوف أمـآم صفحتــكـ ..

فلكلمـآتكـ رونــق ذهبـي يبهــر من حولــهـ ..

لا أعـرف ان كـآن هنــاكـ ماهــو أعظــم من الابــداااع لأقـولـــهـ لـكـ ..

تقبل مروري وردي المتواضع

اشكرك اخي على القصيده
كلش حلوه او تقهر بنفس الوقت

من مرافئ العشق
نوح وشجن والم وفرح
ودمعات تختلج بالقلوب
نحن لانمتلك اقدارنا لنحركها كيفما نشاء
ولانملك سوى هذه المشاعر التي تحرق انفاسنا ونستريح حينما نطلقها

يــاماجد -- لازال الإبداع يسايرك اينما حللت
لاتحرمنا هذا الفيض وهذا الإبداع ---- كن قريبا

قصة مطر
تحياتي لك واسعدني مرورك الكريم
والابداع هو تواصلكم معنا
وجّل ماتمناه ان تسعدون بما اقول
تحياااااااااااااااتي

شكرا لمرورك اخي سمير
والقهر بعد مرافكنه احنه العراقيين
هههههههههههههه

شكرا ام فيصل الغاليه دائما وجودك مميز ولكلمتك نكهة خاصه
تحياتي لك ودمتي بصحه وخير

س ـيدي

كم انتـ مبدع ؟

وكم استمتعت بكلماتكــ

شكراً لك على هذا الابداع

شكراً لك على هذه المتعه

دمتـ شمعه مضيئه بهذا الدربـ

مودتيــ